ಮೈಸೂರು: ಮಾಂಸಾಹಾರವನ್ನು ಯಾವ ಧರ್ಮ ಒಪ್ಪಿಕೊಳ್ಳುವು ದಿಲ್ಲವೋ ಅದು ವಿಶ್ವ ಧರ್ಮವಾಗಲು ಸಾಧ್ಯವಿಲ್ಲ ಎಂದು ವಿಚಾರವಾದಿ ಕೆ.ಎಸ್.ಭಗವಾನ್ ಹೇಳಿದ್ದಾರೆ.
ಸರ್ವಜನಾಂಗ ಹಿತರಕ್ಷಣಾ ವೇದಿಕೆ ವತಿಯಿಂದ ಭಾನುವಾರ ಕಲಾಮಂದಿರದ ಮನೆಯಂಗಳದಲ್ಲಿ ಆಯೋಜಿಸಿದ್ದ ಬುದ್ಧ, ಬಸವ, ಅಂಬೇಡ್ಕರ್ ಜಯಂತಿ ಹಾಗೂ ವಿಚಾರ ಸಂಕಿರಣದಲ್ಲಿ ಮುಖ್ಯ ಭಾಷಣ ಕಾರರಾಗಿ ಮಾತನಾಡಿದರು.
”ಮಾಂಸಾಹಾರ ಸೇವನೆಯನ್ನು ಪ್ರೋತ್ಸಾಹಿಸಿದ ಕಾರಣಕ್ಕೆ ಮುಸ್ಲಿಂ, ಕ್ರೈಸ್ತ, ಬೌದ್ಧ ಧರ್ಮ ಹೆಚ್ಚು ವಿಸ್ತಾರ ಪಡೆದುಕೊಂಡಿವೆ. ಬೌದ್ಧ ಧರ್ಮದಲ್ಲಿ ಧರ್ಮ ಗುರುಗಳು ಬಿಕ್ಕುಗಳಿಗೆ, ಭಿಕ್ಷೆ ಬೇಡುವಾಗ ಯಾರು ಏನೇ ನೀಡಿದರೂ ಸೇವಿಸುವಂತೆ ತಿಳಿಸಿದರು. ಅಂತೆಯೆ ಈ ಧರ್ಮ ವಿಶ್ವಮಾನ್ಯತೆ ಪಡೆದುಕೊಳ್ಳಲು ಸಾಧ್ಯ ವಾಯಿತು” ಎಂದರು.
”ಮುಂದುವರಿದ ವಿದ್ಯಮಾನಗಳಲ್ಲಿ ಮಂಗಳ ಗ್ರಹಕ್ಕೆ ಮನುಷ್ಯ ಕಾಲಿರಿಸಿದ್ದಾನೆ. ಅಲ್ಲಿ ಏಸು ಕ್ರಿಸ್ತ್ ಕಾಣಲಿಲ್ಲ. ಅಲ್ಲಾ ಇರಲಿಲ್ಲ, ರಾಮಕೃಷ್ಣನೂ ಇಲ್ಲ. ಆದ್ದರಿಂದ ವೈಜ್ಞಾನಿಕವಾಗಿ ಸಾಬೀತಾಗುವವರೆಗೂ ಯಾವುದನ್ನೂ ನಂಬುವುದು ಸರಿಯಲ್ಲ” ಎಂದರು.
”ಸಾಮರಸ್ಯದ ದಿನಾಚರಣೆಗಳು ನಿರಂತರವಾಗಿ ನಡೆಯುತ್ತಿದ್ದರೂ ಸಮಾಜದಲ್ಲಿ ಪರಿವರ್ತನೆ ಸಾಧ್ಯ ವಾಗುತ್ತಿಲ್ಲ. ಬದಲಾವಣೆ ಬಯಸುವ ಹೃದಯ ವಂತಿಕೆಯ ಕೊರತೆಯಿಂದ ಇದು ಸಾಧ್ಯವಾಗುತ್ತಿಲ್ಲ. ಆದ್ದರಿಂದ ಇತರರನ್ನು ಜಾತಿ, ವರ್ಗದಿಂದ ಗುರುತಿಸುವ ಬದಲಿಗೆ ಪ್ರೀತಿಯಿಂದ ಕಾಣುವ ಮನೋಭಾವ ಬೆಳೆಸಿ ಕೊಂಡರೆ ಬದಲಾವಣೆ ಸಾಧ್ಯವಾಗುತ್ತದೆ” ಎಂದರು.
”ಸಾರ್ವಜನಿಕರು ಮೂಢನಂಬಿಕೆಗಳನ್ನು ಪಾಲಿಸುತ್ತ ದುಂದುವೆಚ್ಚ ಮಾಡುವ ಬದಲಿಗೆ, ಸ್ವಂತ ಆಲೋಚನೆ ಗಳನ್ನು ಬೆಳೆಸಿಕೊಂಡು ಸರಿ ತಪ್ಪಿನ ಅರಿವು ಪಡೆದು ಕೊಳ್ಳಬೇಕು” ಎಂದು ಸಲಹೆ ನೀಡಿದರು.
”ಜನರಿಗೆ ಅಂಬೇಡ್ಕರ್ ಅವರ ವಿದ್ವತ್ತು ಕಾಣುತ್ತಿಲ್ಲ. ಬದಲಾಗಿ ಜಾತಿ ಕಾಣುತ್ತಿದೆ. ಈ ರೀತಿಯ ಪೂರ್ವಾಗ್ರಹ ಪೀಡಿತ ಮನಸ್ಥಿತಿಯಿಂದ ಹೊರ ಬಂದಾಗ ಮಾತ್ರ ಸಮಾಜದಲ್ಲಿ ಒಳಿತನ್ನು ಕಾಣಲು ಸಾಧ್ಯ” ಎಂದರು.
ಪ್ರಾದೇಶಿಕ ಆಯುಕ್ತ ಡಾ.ಎಂ.ಆರ್.ರವಿ ಮಾತ ನಾಡಿ, ”ಅಸ್ಪೃಶ್ಯತೆ ನಿವಾರಣೆ ಹಿನ್ನೆಲೆಯಲ್ಲಿ ಅಂತರ್ಜಾತಿ ವಿವಾಹಗಳು ನಡೆಯಬೇಕಿದೆ. ಈ ರೀತಿಯ ಸಾಮಾಜಿಕ ಹೊಣೆಗಾರಿಕೆ ರೂಪುಗೊಳ್ಳಬೇಕಿದೆ. ಇದಲ್ಲದೆ ಒಬ್ಬರು ಮತ್ತೊಬ್ಬರನ್ನು ಪ್ರೀತಿಯಿಂದ ಕಾಣುವುದರಿಂದ ಸ್ಪೃಶ್ಯ- ಅಸ್ಪೃಶ್ಯ ಭಾವನೆ ದೂರವಾಗಲಿವೆ” ಎಂದು ಹೇಳಿದರು.
ಜನಪದ ವಿದ್ವಂಸ ಡಾ.ಪಿ.ಕೆ.ರಾಜಶೇಖರ್ ಅವರಿಗೆ ಬುದ್ಧ, ಹಿರಿಯ ಪತ್ರಕರ್ತ ಕೃಷ್ಣವಟ್ಟಂ ಅವರಿಗೆ ಬಸವ, ಕೇಂದ್ರ ಕಾರಾಗೃಹದ ಕಚೇರಿ ಅಧೀಕ್ಷಕ ಡಾ.ಚುಂಚಯ್ಯ ಅವರಿಗೆ ಅಂಬೇಡ್ಕರ್ ಪ್ರಶಸ್ತಿ ನೀಡಿ ಗೌರವಿಸ ಲಾಯಿತು.
ಕೊಳ್ಳೇಗಾಲದ ಚೆನ್ನಲಿಂಗನಹಳ್ಳಿ ಜೇತವನದ ಮುಖ್ಯಸ್ಥ ಮನೋರಖ್ಖಿತ ಭಂತೇಜಿ, ಶಾಸಕ ಜಿ.ಟಿ. ದೇವೇಗೌಡ, ಸರ್ವಜನಾಂಗ ಹಿತರಕ್ಷಣಾ ವೇದಿಕೆ ರಾಜ್ಯಾಧ್ಯಕ್ಷ ವೇಣುಗೋಪಾಲ್, ಮುಡಾ ಅಧ್ಯಕ್ಷ ಕೆ.ಆರ್.ಮೋಹನ್‌ಕುಮಾರ್, ವೇದಿಕೆ ಜಿಲ್ಲಾ ಗೌರವಾಧ್ಯಕ್ಷ ವಜ್ರೇಗೌಡ ಇತರರು ಇದ್ದರು.
