ಶಿವಮೊಗ್ಗ: ಆಕೆ ಏನೂ ಅರಿಯದ ಬುದ್ದಿಮಾಂದ್ಯ ಯುವತಿ. ತನಗೆ ಏನಾದರೂ ಆಕೆಗೆ ಗೊತ್ತಾಗದು. ಇಂತಹ ಯುವತಿ ಈಗ 5 ತಿಂಗಳ ಗರ್ಭಿಣಿ. ಹೀಗೆ ಏನೂ ತಿಳಿಯದ ಯುವತಿಯ ಮೇಲೆ ಅತ್ಯಾಚಾರವೆಸಗಿದ ಆರೋಪಿ ಅದೇ ಗ್ರಾಮದ ಯುವಕ.
ಶಿವಮೊಗ್ಗಕ್ಕೆ ಸಮೀಪದ ಓತಿಘಟ್ಟ ಗ್ರಾಮದ ಬುದ್ದಿಮಾಂದ್ಯ ಯುವತಿಯ ಮೇಲೆ ಅದೇ ಗ್ರಾಮದ ದಿಲೀಪ್ ಎಂಬ ಯುವಕ ಅತ್ಯಾಚಾರವೆಸಗಿದ್ದಾನೆ. ಇದರಿಂದ ಯುವತಿ 5 ತಿಂಗಳ ಗರ್ಭಿಣಿಯಾಗಿದ್ದಾಳೆ. ಆಕೆಯ ಮೇಲೆ ಅತ್ಯಾಚಾರ ನಡೆದು ಐದು ತಿಂಗಳಾದರೂ ವಿಷಯ ಮನೆಯವರಿಗೆ ಗೊತ್ತಾಗಿರಲಿಲ್ಲ.
ಈಗ ಅತ್ಯಾಚಾರದ ಸಂಗತಿ ಬೆಳಕಿಗೆ ಬಂದಿದ್ದು, ಯುವತಿಯ ಮನೆಯವರು ಪೊಲೀಸರಿಗೆ ದೂರು ನೀಡಿದ್ದಾರೆ. ಕೇಸು ದಾಖಲಿಸಿಕೊಂಡಿರುವ ಶಿವಮೊಗ್ಗದ ತುಂಗಾನಗರ ಠಾಣೆ ಪೊಲೀಸರು ಮುಂದಿನ ಕ್ರಮ ಕೈಗೊಂಡಿದ್ದಾರೆ.
