ದುಬೈ, ಸೆ.13: ಬಿಲ್ಲವಾಸ್ ದುಬೈ ಪ್ರಾಯೋಜಕತ್ವದಲ್ಲಿ ಸೆ.11ರ ಶುಕ್ರವಾರದಂದು ದುಬೈಯ ಝಬೀಲ್ ಪಾರ್ಕ್ ಕ್ರೀಡಾಂಗಣದ ಗೇಟ್ ನಂ.11ರಲ್ಲಿ ನಡೆದ ‘ಬಿಲ್ಲವಾಸ್ ಟ್ರೋಫಿ-2015’ ಕ್ರಿಕೆಟ್ ಪಂದ್ಯಾಟದಲ್ಲಿ ಯುನೈಟೆಡ್ ಜಿಎಂಸಿ ತಂಡವನ್ನು ಸೋಲಿಸುವ ಮೂಲಕ ಆಕ್ಸ್‌ಫೋರ್ಡ್‌ ಮರೀನ್ ತಂಡ ವಿಜಯಿಶಾಲಿಯಾಗಿ ಹೊರಹೊಮ್ಮಿತು.
ಆಕ್ಸ್‌ಫೋರ್ಡ್‌ ಮರೀನ್ ತಂಡದ ಎದುರು ಫೈನಲ್‌ನಲ್ಲಿ ಸೋಲನ್ನು ಕಂಡ ಯುನೈಟೆಡ್ ಜಿಎಂಸಿ ತಂಡ ರನ್ನರ್ಸ್‌ಗೆ ತೃಪ್ತಿಪಟ್ಟುಕೊಂಡಿತು. ತೃತೀಯ ಬಹುಮಾನವನ್ನು ದುಬೈ ಸ್ಟ್ರೈಕರ್ಸ್‌ ಪಡೆದರೆ, ಚತುರ್ಥ ಬಹುಮಾನವನ್ನು ಫ್ರೈಡೇ ಚಾರ್ಜರ್ಸ್‌ ತನ್ನದಾಸಿಕೊಂಡಿತು.
5 ಓವರಿನ ಹಾರ್ಡ್ ಟೆನ್ನಿಸ್ ಬಾಲ್ ಪಂದ್ಯಾಟದಲ್ಲಿ ದುಬೈಯ ಆ್ಯಕ್ಮೆ ದುಬೈ, ಮೊಗವೀರ ಯುಎಇ, ವಿಕೆಎಸ್ ದುಬೈ, ಮಂಗಳೂರು ಯುನೈಟೆಡ್, ಚಿಲ್ಲಿವಿಲ್ಲಿ, ಕುಶಿ ಸೂಪರ್ ಕಿಂಗ್ಸ್ ಸೇರಿದಂತೆ ಒಟ್ಟು 24 ತಂಡಗಳು ಸೆಣಸಾಟ ನಡೆಸಿತು.
ವಿಜೇತ ತಂಡಕ್ಕೆ 5 ಸಾವಿರ ದಿರ್ಹಂ ಹಾಗೂ ಟ್ರೋಫಿ, ರನ್ನರ್ ತಂಡಕ್ಕೆ 3 ಸಾವಿರ ದಿರ್ಹಂ ಹಾಗೂ ಟ್ರೋಫಿ ನೀಡಿ ಗೌರವಿಲಾಯಿತು.
ಫೈನಲ್ ಪಂದ್ಯದಲ್ಲಿ ಮ್ಯಾನ್ ಆಫ್ ದಿ ಮ್ಯಾಚ್ ಹಾಗೂ ಮ್ಯಾನ್ ಆಫ್ ದಿ ಸಿರೀಸ್ ಪ್ರಶಸ್ತಿಯನ್ನು ಆಕ್ಸ್‌ಫೋರ್ಡ್‌ ಮರೀನ್ ತಂಡದ ಫಹೀಮ್ ಪಡೆದುಕೊಂಡರೆ, ಬೆಸ್ಟ್ ಬೌಲರ್ ಪ್ರಶಸ್ತಿಯನ್ನು ಆಕ್ಸ್‌ಫೋರ್ಡ್‌ ಮರೀನ್ ತಂಡದ ಮುಬಶಿರ್, ಬೆಸ್ಟ್ ಫೀಲ್ಡರ್ ಪ್ರಶಸ್ತಿಯನ್ನು ಬ್ಲೂ ಸೀ ತಂಡದ ವಾಸಿಮ್ ಹಾಗೂ ಬೆಸ್ಟ್ ಬ್ಯಾಟ್ಸ್‌ಮೆನ್ ಪ್ರಶಸ್ತಿಯನ್ನು ಯುನೈಟೆಡ್ ಜಿಎಂಸಿ ತಂಡದ ತೌಸೀಫ್ ಪಡೆದುಕೊಂಡರು.
ಕ್ರಿಕೆಟ್ ಪಂದ್ಯಾಟದಲ್ಲಿ ಮುಖ್ಯ ಅತಿಥಿಗಳಾಗಿ ಆ್ಯಕ್ಮೆ ಬಿಲ್ಡಿಂಗ್ ಮೆಟಿರಿಯಲ್ಸ್‌ನ ಆಡಳಿತ ನಿರ್ದೇಶಕ ಹರೀಶ್ ಶೇರಿಗಾರ್, ಚಿಲ್ಲಿವಿಲಿಯ ಸತೀಶ್ ವೆಂಕಟರಮಣ, ಬಿಲ್ಲವಾಸ್ ದುಬೈಯ ಅಧ್ಯಕ್ಷ ಸತೀಶ್ ಪೂಜಾರಿ, ಆನಂದ ಬೈಲೂರು ಸೇರಿದಂತೆ ಮತ್ತಿತರರು ಉಪಸ್ಥಿತರಿದ್ದರು.
