ಉಡುಪಿ: ಉಡುಪಿಯ ಪೊಲೀಸ್ ಸಿಬ್ಬಂದಿಯೋರ್ವರು ಮೂರ್ನಾಲ್ಕು ದಿನಗಳಿಂದ ನಿಗೂಢವಾಗಿ ನಾಪತ್ತೆಯಾದ ಬಗ್ಗೆ ಉಡುಪಿ ನಗರ ಠಾಣೆಯಲ್ಲಿ ದೂರು ದಾಖಲಾಗಿದೆ.
ಉಡುಪಿ ಶಿವಳ್ಳಿ ಗ್ರಾಮದ ದೊಡ್ಡಣಗುಡ್ಡೆ ಪೊಲೀಸ್ ಕ್ವಾರ್ಟಸ್ ನಿವಾಸಿ ಶ್ರೀಧರ್ ಜಿ. (43) ಎಂಬುವವರು ಕಾಣೆಯಾದ ಪೊಲೀಸ್ ಸಿಬ್ಬಂದಿ.
ಶ್ರೀಧರ್ ಅವರು ಪೊಲೀಸ್ ಇಲಾಖೆಯಲ್ಲಿ ಕರ್ತವ್ಯ ನಿರ್ವಹಿಸುತ್ತಿದ್ದು, ಡಿ.10 ರಂದು ಮಧ್ಯಾಹ್ನ 3:45 ಗಂಟೆಯಲ್ಲಿ ಪತ್ನಿ ಜೊತೆಗೆ ಮನೆಯಲ್ಲಿದ್ದು ಬಳಿಕ ಪತ್ನಿ ಕೆಲಸ ಬಗ್ಗೆ ತೆರಳಿದ್ದು ಡಿ.11 ರಂದು ಬೆಳಗ್ಗೆ 08:30 ಗಂಟೆಗೆ ಮನೆಗೆ ಬಂದಾಗ ಪತಿ ಶ್ರೀಧರ್ ಅವರು ಮನೆಯಲ್ಲಿರದೇ ಇದ್ದು, ಈ ಬಗ್ಗೆ ವಿಚಾರಿಸಿದಾಗ ಕರ್ತವ್ಯಕ್ಕೂ ತೆರಳಲಿಲ್ಲ ಎಂಬುದು ತಿಳಿದಿದೆ. ಶ್ರೀಧರ ಅವರ ಮೊಬೈಲ್ ನಂಬ್ರಕ್ಕೆ ಕರೆ ಮಾಡಿದಾಗ FORWARD ಮಾಡಲಾಗಿದ್ದು ಹಾಗೂ ಸಹದ್ಯೋಗಿ ಸಿಬ್ಬಂದಿಯವರಲ್ಲಿ ವಿಚಾರಿಸಿದರೂ ಸುಳಿವು ಲಭ್ಯವಾಗಿಲ್ಲ.
ಈ ಬಗ್ಗೆ ಉಡುಪಿ ನಗರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿರುತ್ತದೆ.