ಕೈರೋ: ಫೇಸ್‍ಬುಕ್ ಕಂಪನಿಯ ಫ್ರೀಬೇಸಿಕ್ಸ್ ಭಾರತದಲ್ಲಿ ಚರ್ಚೆ ನಡೆದು ಸಾರ್ವಜನಿಕರಿಂದ ಅಭಿಪ್ರಾಯ ಸಂಗ್ರಹಣೆಯಾಗುತ್ತಿದ್ದರೆ, ಈಜಿಪ್ಟ್ ನಲ್ಲಿ ಫೇಸ್ ಬುಕ್ ನ ಫ್ರೀ ಬೇಸಿಕ್ಸ್(ಫ್ರೀ ಇಂಟರ್ ನೆಟ್) ನ್ನು ರದ್ದುಗೊಳಿಸಲು ನಿರ್ಧರಿಸಲಾಗಿದೆ.
ಈಜಿಪ್ಟ್ ಅಧಿಕಾರಿಗಳು ಫ್ರೀ ಬೇಸಿಕ್ಸ್ ನ ರದ್ದುಗೊಳಿಸುವುದಕ್ಕೆ ಇನ್ನಷ್ಟೇ ಕಾರಣ ನೀಡಬೇಕಿದೆಯಾದರೂ, ಈಜಿಪ್ಟ್ ನಲ್ಲಿ ಫೇಸ್ ಬುಕ್ ನ ಪಾಲುದಾರನಾಗಿರುವ ಟೆಲಿಕಾಂ ಸಂಸ್ಥೆ ಎಟಿಸಲಾಟ್, ಫೇಸ್ ಬುಕ್ ನ ಉಚಿತ ಇಂಟರ್ ನೆಟ್ ಸೇವೆಯನ್ನು ರದ್ದುಗೊಳಿಸಿದೆ.
ಫೇಸ್ ಬುಕ್ ನ ಮಾಹಿತಿ ಪ್ರಕಾರ ಈಜಿಪ್ಟ್ ನಲ್ಲಿ ಮೂರು ದಶಲಕ್ಷ ಜನರು ಫ್ರೀ ಬೇಸಿಕ್ಸ್ ಗಾಗಿ ಸೈನ್ ಅಪ್ ಮಾಡಿದ್ದರು. ಈ ಮೂರು ದಶಲಕ್ಷ ಜನರ ಪಿಕಿ ಒಂದು ದಶಲಕ್ಷ ಜನರು ಮೊದಲ ಬಾರಿಗೆ ಇಂಟರ್ ನೆಟ್ ಬಳಕೆ ಮಾಡುವ ಸೌಲಭ್ಯ ಪಡೆದಿದ್ದರು. ಈಜಿಪ್ಟ್ ನಲ್ಲಿ ಫ್ರೀ ಬೇಸಿಕ್ಸ್ ನ್ನು ತಾತ್ಕಾಲಿಕವಾಗಿ ರದ್ದುಗೊಳಿಸಿರುವ ವಿಷಯ ಶೀಘ್ರವೇ ಬಗೆಹರಿಯಲಿದೆ ಎಂದು ಫೇಸ್ ಬುಕ್ ವಿಶ್ವಾಸ ವ್ಯಕ್ತಪಡಿಸಿದೆ.
