ಸೀರಿಯಲ್ ಕಿಸ್ಸರ್ ಇಮ್ರಾನ್ ಹಶ್ಮಿಯ “ಲೈಫ್ ಸ್ಟೋರಿ” ಪುಸ್ತಕದಲ್ಲಿ ಪುಟಾಣಿ ಸೂಪರ್ ಹೀರೊ ಎಂಟ್ರಿ.

ಬಾಲಿವುಡ್ ಸೀರಿಯಲ್ ಕಿಸ್ಸರ್ ಇಮ್ರಾನ್ ಹಶ್ಮಿಯ ಇತ್ತೀಚೆಗೆ ಬಿಡುಗಡೆಯಾದ ಲೈಫ್ ಸ್ಟೋರಿ ಪುಸ್ತಕ ‘ಕಿಸ್ ಆಫ್ ಲೈಫ್’ ನೀವು ಓದಿದ್ರೆ ಅದ್ರಲ್ಲಿ ಪುಟಾಣಿ ಸೂಪರ್ ಹೀರೊ ಒಬ್ಬನಿದ್ದಾನೆ. ಅದು ಮತ್ಯಾರೂ ಅಲ್ಲ ಇಮ್ರಾನ್’ರ ಮುದ್ದಿನ ಮಗ ಅಯಾನ್ ಹಶ್ಮಿ.

ಕ್ಯಾನ್ಸರ್ ವಿರುದ್ಧ ಹೋರಾಡಿ ಜೀವನ ಕಂಡುಕೊಂಡ ಮಗನನ್ನು ನಟ ಇಮ್ರಾನ್ ಹಶ್ಮಿ ತಮ್ಮ ಪುಸ್ತಕದಲ್ಲಿ ಸೂಪರ್ ಹೀರೊ ಎಂದು ಸಂಭೋಧಿಸಿದ್ದರು.

6ರ ಪ್ರಾಯದ ಈ ಸೂಪರ್ ಹೀರೊ ಈಗ ತಂದೆಯ ಹಾದಿಯಲ್ಲಿದ್ದಾರೆ. ಜೂನಿಯರ್ ಹಶ್ಮಿ ಬಣ್ಣದ ಲೋಕಕ್ಕೆ ಎಂಟ್ರಿ ಪಡೆಯಲು ತುದಿಗಾಲಲ್ಲಿ ನಿಂತಿದ್ದಾನೆ. ನಟಿ ದಿಯಾ ಮಿರ್ಜಾ ನಿರ್ಮಿಸಲಿರುವ ಕಿಡ್ಸ್ ಫರ್ ಟೈಗರ್ಸ್ ಎಂಬ ಕಿರುಚಿತ್ರದಲ್ಲಿ ಅಯಾನ್ ನಟಿಸಲಿದ್ದಾರೆ.

ಇದರೊಂದಿಗೆ ಮತ್ತೊಂದು ಸ್ಟಾರ್ ಪುತ್ರ ಮಾಯಾಲೋಕಕ್ಕೆ ಎಂಟ್ರಿ ಪಡೆದಂತಾಗಿದೆ. ಕರ ತೇಜ್ಪಲ್ ಮತ್ತು ದಿಯಾ ಮಿರ್ಜಾಳ ಪತಿ ಸಾಹಿಲ್ ಸಂಘ ಬರೆದಿರುವ ಕಿಡ್ಸ್ ಫರ್ ಟೈಗರ್ಸ್ ಶಾರ್ಟ್ ಸ್ಟೋರಿಯನ್ನು ರೋಹನ್ ಶ್ರೇಷ್ಠ ನಿರ್ದೇಶಿಸಿದ್ದಾರೆ.