ಖ್ಯಾತ ಉದ್ಯಮಿ ಶ್ರೀ ಹರೀಶ್ ಶೇರಿಗಾರ್ ನಿರ್ಮಾಣದ ವಿಭಿನ್ನ ಶೈಲಿಯ ಕನ್ನಡ ಚಿತ್ರ “ಮಾರ್ಚ್ 22″ಕ್ಕೆ 800 ವರ್ಷಗಳ ಹಿಂದಿನ ಪುರಾತನ ಮನೆಯಲ್ಲಿ ಮೂಹೂರ್ತ

ಬೆಳಗಾವಿಯ ಹೊರವಲಯದ ಬಾಗಲ್‌ಕೋಟ್ ಸಮೀಪದ 800 ವರ್ಷಗಳ ಹಿಂದಿನ ಇತಿಹಾಸವಿರುವ ಪುರಾತನ ಮನೆಯಲ್ಲಿ “ಮಾರ್ಚ್ 22” ಕನ್ನಡ ಚಿತ್ರದ ಚಿತ್ರೀಕರಣಕ್ಕೆ ಚಾಲನೆ

ಮಂಗಳೂರು / ಬೆಳಗಾವಿ, ನವೆಂಬರ್.09 : ಆಕ್ಮೆ ಮೂವೀಸ್ ಇಂಟರ್‌ನ್ಯಾಶನಲ್ ಲಾಂಛಾನದಲ್ಲಿ ಖ್ಯಾತ ನಿರ್ದೇಶಕ ಕೂಡ್ಲು ರಾಮಕೃಷ್ಣರವರ ನಿರ್ದೇಶನದಲ್ಲಿ ದುಬೈಯ ಖ್ಯಾತ ಉದ್ಯಮಿ ಹಾಗೂ ಪ್ರಸಿದ್ದ ಗಾಯಕ ಶ್ರೀ ಹರೀಶ್ ಶೇರಿಗಾರ್ ಅವರ ನಿರ್ಮಾಣದ ಚೊಚ್ಚಲ ಕಾಣಿಕೆ “ಮಾರ್ಚ್ 22” ಕನ್ನಡ ಚಲನ ಚಿತ್ರದ ಚಿತ್ರೀಕರಣಕ್ಕೆ ನವೆಂಬರ್ 7ರ ಸೋಮವಾರದಂದು ಬೆಳಿಗ್ಗೆ ಬೆಳಗಾವಿಯ ಹೊರವಲಯದ ನೇಸರ್ಗಿ ಸಮೀಪದ ಚಚಡಿ ಎಂಬಲ್ಲಿ ಸುಮಾರು 800 ವರ್ಷಗಳ ಇತಿಹಾಸವಿರುವ ರಟ್ ರಾಜರ ವಂಶದ ವಾಡೆ ಎಂಬ ಹೆಸರಿನ ಪುರಾತನ ಮನೆಯೊಂದರಲ್ಲಿ ಚಾಲನೆ ನೀಡಲಾಯಿತು.

ಖ್ಯಾತ ಉದ್ಯಮಿ, ಸಮಾಜ ಸೇವಾಕ, ರಾಜ್ಯಸಭಾ (ಬಿಜೆಪಿ) ಸದಸ್ಯ ಶ್ರೀ ಪ್ರಭಾಕರ್ ಕೋರೆಯವರು ಮೂಹೂರ್ತ ನೆರವೇರಿಸಿ ನೂತನ ಸಿನಿಮಾಕ್ಕೆ ಹಾಗೂ ಚಿತ್ರ ತಂಡಕ್ಕೆ ಶುಭಾ ಕೋರಿದರು. ಬೆಳಗಾವಿಯ ಹೆಸರಾಂತ ಕೆಫೆ ಅಜಂತಾ ಹೋಟೆಲ್‌ನ ಮಾಲಕರಾದ ಆರ್.ಪಿ ಶೇರಿಗಾರ್ ದೀಪ ಬೆಳಗಿಸಿ ಚಿತ್ರಕ್ಕೆ ಶುಭಾ ಹಾರೈಸಿದರು.

ಶ್ರೀ ಹರೀಶ್ ಶೇರಿಗಾರ್ ಅವರ ಧರ್ಮಪತ್ನಿ ಶ್ರೀಮತಿ ಶರ್ಮಿಳಾ ಶೇರಿಗಾರ್, ಚಿತ್ರದ ನಿರ್ದೇಶಕ ಕೂಡ್ಲು ರಾಮಕೃಷ್ಣ, ಮುನೀಶ್ವರ ಕ್ರಿಯೇಶನ್ಸ್ ನ ಮಾಲಕರಾದ ನರೇಂದ್ರ .ಪಿ ಹಾಗೂ ರಾಜೇಶೇಖರ್.ಎ., ಮಂಗಳೂರಿನ ಉದ್ಯಮಿ ಪ್ರಕಾಶ್ ಶೇರಿಗಾರ್, ವಾಡೆ ಮನೆಯ ಮಾಲ್ಹಕ ನಾಗರಾಜ್ ದೇಸಾಯಿ, ಬಹುಭಾಷ ನಟ ರವಿ ಕಾಳೆ, ಚಿತ್ರದ ನಾಯಕರಾದ ಆರ್ಯಾವರ್ಧನ್, ಕಿರಣ್ ರಾಜ್, ನಾಯಕಿಯರಾದ ಮೇಘಶ್ರೀ, ದೀಪ್ತಿ ಶೆಟ್ಟಿ ಹಾಗೂ ಮತ್ತಿತ್ತರ ಚಿತ್ರ ಕಲಾವಿದರು ಈ ಸಂದರ್ಭದಲ್ಲಿ ಉಪಸ್ಥಿತರಿದ್ದರು.

ದುಬಾಯಿಯ ಹೆಸರಾಂತ ಆಕ್ಮೆ ಸಂಸ್ಥೆಯ ಆಡಳಿತಾ ನಿರ್ದೇಶಕರಾದ ಶ್ರೀ ಹರೀಶ್ ಶೇರಿಗಾರ್ ಅವರ ನಿರ್ಮಾಣದೊಂದಿಗೆ ಖ್ಯಾತ ನಿರ್ದೇಶಕ ಕೂಡ್ಲು ರಾಮಕೃಷ್ಣರವರ ನಿರ್ದೇಶನದಲ್ಲಿ ಸ್ಯಾಂಡಲ್‌ವುಡ್‌ನ ಹೆಸರಾಂತ ನಟನಟಿಯರ ತಾರಗಣದೊಂದಿಗೆ ಮೂಡಿ ಬರಲಿರುವ “ಮಾರ್ಚ್ 22” ಕನ್ನಡ ಸಿನಿಮಾ ಒಂದು ವಿಭಿನ್ನ ಕಥೆ ಹಾಗೂ ಸಾಹಿತ್ಯವನ್ನು ಹೊಂದಿದೆ.

ಈಗಾಗಲೇ ಬಿಡುಗಡೆಗೆ ಸಿದ್ದವಾಗಿರುವ ಖನನ ಹಾಗೂ ಬಿಸಿನೆಸ್ ಕನ್ನಡ ಚಿತ್ರದ ನಾಯಕ ಆರ್ಯಾವರ್ಧನ್ ಹಾಗೂ ಹಿಂದಿ ಮತ್ತು ಕನ್ನಡ ಧಾರವಾಹಿ ನಟ, “ಲವ್ 18” ಹಿಂದಿ ಚಿತ್ರದ ನಾಯಕ ಕಿರಣ್ ರಾಜ್ ಅವರು ಈ ಚಿತ್ರದಲ್ಲಿ ನಾಯಕ ನಟರಾಗಿ ಅಭಿನಯಿಸುತ್ತಿದ್ದಾರೆ. ಅದೇ ರೀತಿ ಟಾಲಿವುಡ್ ನಲ್ಲಿ ಹಲವಾರು ಚಿತ್ರಗಳಲ್ಲಿ ನಾಯಕಿಯಾಗಿ ಅಭಿನಯಿಸಿರುವ ತೀರ್ಥಹಳ್ಳಿಯ ಬೆಡಗಿ ಮೇಘಶ್ರೀ ಹಾಗೂ ದೀಪ್ತಿ ಶೆಟ್ಟಿ ಈ ಚಿತ್ರದಲ್ಲಿ ನಾಯಕಿ ಪಾತ್ರದಲ್ಲಿ ಅಭಿನಯಿಸುತ್ತಿದ್ದಾರೆ.

ಉಳಿದಂತೆ ಕನ್ನಡ ಚಿತ್ರರಂಗದ ದಿಗ್ಗಜರಾದ ಅನಂತ್ ನಾಗ್, ಲಕ್ಷ್ಮೀ, ರವಿಶಂಕರ್, ಶರತ್ ಲೋಹಿತಾಶ್ವ, ರವಿಕಾಳೆ, ಜೈ ಜಗದೀಶ್, ವಿನಯ ಪ್ರಸಾದ್, ಪದ್ಮಜಾ ರಾವ್, ಸಾಧುಕೋಕಿಲ ಮತ್ತು ಯುವ ಕಲಾವಿದಾರಾದ ಸೃಜನ್ ರೈ, ಯುವ ಕಿಶೋರ್, ದುಬೈಯ ಕಲಾವಿದರಾದ ಚಿದಾನಂದ್ ಪೂಜಾರಿ, ಸುವರ್ಣ ಸತೀಶ್ ಹಾಗೂ ಮಂಗಳೂರಿನ ಕಲಾವಿದೆ ಪ್ರಶೋಭಿತಾ ಪ್ರಭಾಕರ್ ಮುಂತಾದವರು ತಾರಗಣದಲ್ಲಿದ್ದಾರೆ.

ಒಂದು ಕಾಲದ ಕನ್ನಡ ಚಿತ್ರರಂಗದ ಅತ್ಯಂತ ಯಶಸ್ವಿ ಜೋಡಿಗಳಾದ ಆನಂತ್ ನಾಗ್ ಹಾಗೂ ಲಕ್ಷ್ಮೀ ಯವರು ಬಹಳ ವರ್ಷಗಳ ಬಳಿಕ ಈ ಚಿತ್ರದಲ್ಲಿ ಒಟ್ಟಿಗೆ ಅಭಿನಯಿಸುತ್ತಿರುವುದು ಚಿತ್ರದ ಇನ್ನೊಂದು ಪ್ಲಸ್ ಪಾಯಿಂಟ್.

ಚಿತ್ರ : ಪ್ರಶಾಂತ್ ದುಬೈ

ಚಿತ್ರ : ಸತೀಶ್ ಕಾಪಿಕಾಡ್ 

ಚಿತ್ರಕ್ಕೆ ಎನ್.ಜೆ.ರವಿಶೇಖರ್ ಸಂಗೀತಾ ನೀಡಿದ್ದಾರೆ, ಮೋಹನ್ ಎಂ ಅವರ ಛಾಯಾ ಗ್ರಾಹಣವಿದೆ, ಬಸವರಾಜ್ ಆರಸ್ ಸಂಕಲನ, ಸುಭಾಶ್ ಕಡಕೋಲ್ ಕಲೆ, ಮದನ್ ಹರಿಣಿ ನೃತ್ಯ ನಿರ್ದೇಶನವಿರಲಿದೆ. ಯಶಸ್ವಿ ಸ್ಟಂಟ್ ಮಾಸ್ಟರ್ ಕುಂಗ್‌ಫು ಚಂದ್ರು ಅವರ ಸಾಹಸ ನಿರ್ದೇಶನವಿದೆ. ಸಹ ನಿರ್ದೇಶನ ಕೆ.ಜಗದೀಶ್ ರೆಡ್ಡಿ, ಶರಣ್ಯ.ಬಿ., ನಾಗರಾಜ್ ಹಸನ್ ಹಾಗೂ ಅಚ್ಯುತ ರಾವ್ ಅವರು ಪ್ರೊಡಕ್ಷನ್ ಮ್ಯಾನೇಜರ್ ಆಗಿ ಕಾರ್ಯನಿರ್ವಾಹಿಸುತ್ತಿದ್ದಾರೆ.

ಒಟ್ಟು 50 ದಿನಗಳ ಕಾಲ ಚಿತ್ರೀಕರಣ ನಡೆಯಲಿದೆ ಎಂದು ಚಿತ್ರದ ನಿರ್ಮಾಪಕ ಶ್ರೀ ಹರೀಶ್ ಶೇರಿಗಾರ್ ಮಾಹಿತಿ ನೀಡಿದ್ದಾರೆ.

ವರದಿ / ಚಿತ್ರ : ಸತೀಶ್ ಕಾಪಿಕಾಡ್