ಜೀವನಶೈಲಿಯಲ್ಲಿನ ಬದಲಾವಣೆಯಿಂದ ಕೆಲವು ಆರೋಗ್ಯ ಸಮಸ್ಯೆಗಳು ಕೂಡ ಉಂಟಾಗುತ್ತಿವೆ. ಬದಲಾದ ಆಹಾರ ಪದ್ಧತಿಯಿಂದ ಜೀರ್ಣಕೋಶ ಸಮಸ್ಯೆಗಳು, ಆಮ್ಲಪಿತ್ತ, ಎದೆ ಉರಿ, ಗ್ಯಾಸ್ಟ್ರಿಕ್‌, ಅಲ್ಸರ್‌ ಬರುತ್ತದೆ. ಆದರೆ ಜೀರ್ಣ ವ್ಯವಸ್ಥೆ ಚೆನ್ನಾಗಿದ್ದರೆ ಎಲ್ಲ ಅಂಗಾಂಗಗಳು ಸರಿಯಾಗಿ ಕೆಲಸ ಮಾಡುತ್ತಿರುತ್ತವೆ. ಬಹಳಷ್ಟು ಜನರು ಜೀರ್ಣಕ್ರಿಯೆ ಸಮಸ್ಯೆಯಿಂದ ಬಳಲುತ್ತಿರುತ್ತಾರೆ. ಐಬಿಎಸ್‌, ಹೆಪಟೈಟಿಸ್‌, ಕರುಳಿನ ಹುಣ್ಣುಗಳಿಂದ ನರಕಯಾತನೆ ಅನುಭವಿಸುತ್ತಿರುತ್ತಾರೆ. ಈ ಸಮಸ್ಯೆಗಳನ್ನು ಹೋಮಿಯೋಪಥಿ ಚಿಕಿತ್ಸೆಯಿಂದ ದೂರ ಮಾಡಬಹುದು.
ಕಾರಣಗಳು:
ಮಾನಸಿಕ ಒತ್ತಡ, ಧೂಮಪಾನ, ಮದ್ಯಪಾನ, ಮಸಾಲ ಪದಾರ್ಥಗಳು, ಊಟದ ಸಮಯ ಸರಿಯಾಗಿ ಪಾಲಿಸದಿರುವುದು, ರಾತ್ರಿ ವೇಳೆ ನಿದ್ದೆ ಸರಿಯಾಗಿ ಮಾಡದಿರುವುದು, ಕಾಫಿ, ಟೀ ಹೆಚ್ಚು ಸೇವಿಸುವುದು, ನೋವಿನ ಮಾತ್ರೆಗಳು, ಆ್ಯಂಟಿಬಯೋಟಿಕ್ಸ್‌ ತೆಗೆದುಕೊಳ್ಳುವುದರಿಂದ ಗ್ಯಾಸ್ಟ್ರಿಕ್‌ ಸಮಸ್ಯೆ ಉಂಟಾಗುತ್ತದೆ. ಕೆಲವರಲ್ಲಿ ವಂಶಪಾರಂಪರ‍್ಯವಾಗಿ ಕೂಡ ಬರುತ್ತದೆ.
ಲಕ್ಷಣಗಳು:
ಹೊಟ್ಟೆ ನೋವು, ಉರಿ, ಹೊಟ್ಟೆ ಊತ, ಎದೆ ನೋವು, ಹುಳಿ ತೇಗು, ಸ್ವಲ್ಪ ತಿಂದರೂ ಹೊಟ್ಟೆ ತುಂಬಿದಂತೆ ಅನಿಸುತ್ತದೆ. ಮಲಬದ್ಧತೆ, ತೂಕ ಕಡಿಮೆಯಾಗುವುದು, ಬೆಳಗಿನ ಜಾವ ವಾಂತಿ ಬರುವಂತೆ ಆಗುತ್ತದೆ. ಗ್ಯಾಸ್ಟ್ರಿಕ್‌ ಸಮಸ್ಯೆ ಇರುವವರು ಆರೋಗ್ಯವನ್ನು ನಿರ್ಲಕ್ಷಿಸಿದರೆ ಅಲ್ಸರ್‌ ಉಂಟಾಗಿ ರಕ್ತಸ್ರಾವ ಕೂಡ ಕಾಣಿಸಿಕೊಳ್ಳಬಹುದು. ಹೊಕ್ಕಳ ಮೇಲ್ಬಾಗದಲ್ಲಿ ನೋವು ಕಾಣಿಸುವುದು ಮುಖ್ಯ ಲಕ್ಷಣಗಳು. ಜಠರ ಕರುಳಿನ ಒಳಗಿರುವ ಮೃದುವಾದ ಮ್ಯೂಕಸ್‌ ಪೊರೆಗಳು ಊದುವುದು, ಹೈಡ್ರೋಕ್ಲೋರಿಕ್‌ ಆಮ್ಲ (ಎಚ್‌ಸಿಎಲ್‌) ಹೆಚ್ಚಾಗಿ ಉತ್ಪತ್ತಿ ಆಗುವುದು. ಇದಕ್ಕೆ ಕಾರಣ ಈ ಸಮಸ್ಯೆ ತೀವ್ರವಾದರೆ ಹುಣ್ಣು ಉಂಟಾಗುತ್ತದೆ.
ರೋಗ ಲಕ್ಷಣಗಳನ್ನು ನೋಡಿ ಎಕ್ಸ್‌ರೆ, ಎಂಡೋಸ್ಕೋಪಿ, ಮಲಪರೀಕ್ಷೆ, ಬಯೋಪ್ಸಿ, ಅಲ್ಟ್ರಾ ಸೌಂಡ್‌ಸ್ಕ್ಯಾ‌ನಿಂಗ್‌, ಕೊಲೊನೊಸ್ಕೋಪಿ, ಸಿಬಿಸಿ, ಸಿಟಿ ಸ್ಕ್ಯಾ‌ನ್‌ ಪರೀಕ್ಷೆಗಳು ಮಾಡಲಾಗುತ್ತದೆ.
ನಿವಾರಣೆ ಹೇಗೆ:
ಆಹಾರ ವಿಷಯದಲ್ಲಿ ಸಮಯ ಪಾಲನೆ ಸರಿಯಾಗಿ ಮಾಡಬೇಕು. ಧೂಮಪಾನ, ಮದ್ಯಪಾನ, ಮಸಾಲ ಪದಾರ್ಥಗಳು, ಖಾರ ಪದಾರ್ಥಗಳು ಹೆಚ್ಚಾಗಿ ಸೇವಿಸಬಾರದು. ಪ್ರತಿನಿತ್ಯ 6-8 ಗಂಟೆಗಳ ಕಾಲ ಸರಿಯಾಗಿ ನಿದ್ರಿಸಬೇಕು. ಮಾನಸಿಕ ಒತ್ತಡವನ್ನು ಹೆಚ್ಚಾಗಿ ತೆಗೆದುಕೊಳ್ಳಬಾರದು.
Comments are closed.