ಬೆಂಗಳೂರು: ಕನ್ನಡ ಚಿತ್ರರಂಗದ ಪವರ್‌ ಸ್ಟಾರ್‌ ಪುನೀತ್‌ ರಾಜ್‌ಕುಮಾರ್‌ ಗುರುವಾರ ಪ್ರಧಾನಮಂತ್ರಿ ನರೇಂದ್ರ ಮೋದಿ ಅವರನ್ನು ಭೇಟಿ ಮಾಡಿದರು.
ಬಿಜೆಪಿ ಪ್ರಚಾರಕ್ಕೆ ಆಗಮಿಸಿದ್ದ ಮೋದಿ ಅವರನ್ನು ವಿಮಾನ ನಿಲ್ದಾಣದಲ್ಲಿ ಭೇಟಿ ಮಾಡಿದ ಪುನೀತ್‌ ರಾಜ್‌ಕುಮಾರ್‌ ದಂಪತಿ ಡಾ.ರಾಜ್‌ಕುಮಾರ್‌ ಕುರಿತ ಪುಸ್ತಕವನ್ನು ಮೋದಿಗೆ ನೀಡಿದರು.
ಇದೇ ಸಂದರ್ಭದಲ್ಲಿ ಮೋದಿ ಅವರಿಗೆ ಶಾಲು ಹೊದಿಸಿ ಪುನೀತ್‌ ಗೌರವಿಸಿದರು.
ಇದೊಂದು ಅಪರೂಪದ ಅವಕಾಶ. ನಾನು ನನ್ನ ಪತ್ನಿ ಅಶ್ವಿನಿ ಪ್ರಧಾನಿ ಮೋದಿ ಅವರನ್ನು ಭೇಟಿ ಮಾಡಿದೆವು. ನಾನು ಅಪ್ಪಾಜಿ ಬಗ್ಗೆ ಬರೆದ ಪುಸ್ತಕವನ್ನು ಅವರಿಗೆ ನೀಡಿದೆ. ಇಡೀ ವಿಶ್ವವೇ ಕೊಂಡೊಯ್ಯುವ ವ್ಯಕ್ತಿಯೂ ಅತ್ಯಂತ ಆಸಕ್ತಿದಾಯಕರಾಗಿದ್ದು, ಸಣ್ಣ ವಿಷಯವನ್ನೂ ಸೂಕ್ಷ್ಮವಾಗಿ ಗಮನಿಸಿದ್ದು ನಿಜಕ್ಕೂ ಅಚ್ಚರಿ ಮೂಡಿಸಿತು ಎಂದು ಪುನೀತ್‌ ರಾಜ್‌ ಕುಮಾರ್‌ ಫೇಸ್‌ಬುಕ್‌ನಲ್ಲಿ ಬರೆದುಕೊಂಡಿದ್ದಾರೆ.
Comments are closed.