ಕೇಂದ್ರ ಸಚಿವ ರಾಜ್ಯವರ್ಧನ್ ಸಿಂಗ್ ರಾಥೋಡ್ ನೀಡಿದ್ದ ಫಿಟ್‍ನೆಸ್ ಚಾಲೆಂಜ್ ಸ್ವೀಕರಿಸಿರುವ ಬಾಲಿವುಡ್ ಹೀರೋ ಹೃತಿಕ್ ರೋಷನ್ ಯಶಸ್ವಿಯಾಗಿ ಪೂರೈಸಿದ್ದಾರೆ. ಐಸ್‍ ಬಕೆಟ್ ಚಾಲೆಂಜ್ ರೀತಿಯಲ್ಲೇ ಭಾರತೀಯರೆಲ್ಲರೂ ಫಿಟ್ ಆಗಿ ಇರಬೇಕೆಂಬ ಉದ್ದೇಶದಿಂದ ರಾಜ್ಯವರ್ಧನ್ ಸಿಂಗ್ ರಾಥೋಡ್ ‘ಹಮ್ ಫಿಟ್‍ತೋ ಇಂಡಿಯಾ ಫಿಟ್’ ಎಂಬ ಚಾಲೆಂಜ್‍ಗೆ ಸ್ವತಃ ಪುಷಪ್ಸ್ ಮಾಡುತ್ತಿರುವ ವೀಡಿಯೋವನ್ನು ಟ್ವಿಟರ್‌ನಲ್ಲಿ ಹಂಚಿಕೊಂಡಿದ್ದರು.
ತನ್ನಂತೆ ಈ ಚಾಲೆಂಜ್ ಸ್ವೀಕರಿಸಬೇಕೆಂದು ಬಾಲಿವುಡ್ ನಟ ಹೃತಿಕ್ ರೋಷನ್, ಕ್ರೀಡಾಕಾರರಾದ ವಿರಾಟ್ ಕೋಹ್ಲಿ, ಸೈನಾ ನೆಹ್ವಾಲ್‌ಗೆ ಟ್ಯಾಗ್ ಮಾಡಿದ್ದರು. “ಫಿಟ್‍ನೆಸ್‌ಗಾಗಿ ಕೋಹ್ಲಿ, ಹೃತಿಕ್, ಸೈನಾ ಏನೆಲ್ಲಾ ಕಸರತ್ತು ಮಾಡುತ್ತಾರೋ ಫೋಟೋ ಅಥವಾ ವೀಡಿಯೋ ಮೂಲಕ ಹಂಚಿಕೊಳ್ಳಬೇಕು. ಅಷ್ಟೇ ಅಲ್ಲ ಈ ಚಾಲೆಂಜ್‌ನಲ್ಲಿ ಪಾಲ್ಗೊಳ್ಳಬೇಕೆಂದು ನಿಮ್ಮ ಸ್ನೇಹಿತರನ್ನೂ ನಾಮಿನೇಟ್ ಮಾಡಬೇಕು’ ಎಂದು ರಾಥೋಡ್ ಸೂಚಿಸಿದ್ದರು.
“ಪ್ರಧಾನಿ ನರೇಂದ್ರ ಮೋದಿ ಹಾರ್ಡ್‍ವರ್ಕ್, ಅವರ ಶಕ್ತಿ ಸಾಮರ್ಥ್ಯವನ್ನು ನೋಡಿ ನಾನು ಸ್ಫೂರ್ತಿ ಪಡೆದಿದ್ದೇನೆ. ಭಾರತದ ಜನರೆಲ್ಲಾ ಫಿಟ್ ಆಗಿ ಇರಬೇಕೆಂಬುದು ಮೋದಿ ಅವರ ಅಭಿಲಾಷೆ” ಎಂದಿದ್ದಾರೆ ರಾಥೋಡ್.
ಕೇಂದ್ರ ಸಚಿವರ ಫಿಟ್‍ನೆಸ್ ಚಾಲೆಂಜನ್ನು ಸೈನಾ ನೆಹ್ವಾಲ್, ಹೃತಿಕ್ ರೋಷನ್ ಸ್ವೀಕರಿಸಿದ್ದಾರೆ. “ಫಿಟ್ ಆಗಿರಲು ನಾನು ನಿತ್ಯ ವಾಕಿಂಗ್, ಸೈಕ್ಲಿಂಗ್, ಜಾಗಿಂಗ್ ಮಾಡುತ್ತೇನೆ. ಪ್ರತಿನಿತ್ಯ ಕಚೇರಿಗೆ ಸೈಕಲ್‌ನಲ್ಲಿ ಹೋಗುತ್ತೇನೆ” ಎಂದಿರುವ ಹೃತಿಕ್ ಸೈಕ್ಲಿಂಗ್ ಮಾಡುತ್ತಿರುವ ವೀಡಿಯೋವನ್ನು ಹಂಚಿಕೊಂಡಿದ್ದಾರೆ.
ಅದೇ ರೀತಿ ಸೈನಾ ನೆಹ್ವಾಲ್ ಸಹ ಫಿಟ್‍ನೆಸ್ ಕಸರತ್ತುಗಳನ್ನು ಮಾಡುವ ವೀಡಿಯೋವನ್ನು ಹಂಚಿಕೊಂಡಿದ್ದಾರೆ. ಈ ಚಾಲೆಂಜನ್ನು ನಟ ರಾಣಾ, ಸಹ ಕ್ರೀಡಾಕಾರರಾದ ಪಿ ವಿ ಸಿಂಧು, ಕ್ರಿಕೆಟರ್ ಗೌತಮ್ ಗಂಭೀರ್ ಅವರಿಗೆ ನಾಮಿನೇಟ್ ಮಾಡಿದ್ದಾರೆ.
Comments are closed.