ಫಿರೋಜಾಬಾದ್: ಪೊಲೀಸರು, ಮತ್ತೊಂದು ಪೊಲೀಸ್ ಅಧಿಕಾರಿಯ ವಾಹನಕ್ಕೇ ಫೈನ್ ಹಾಕುವ ಪ್ರಸಂಗ ಉತ್ತರ ಪ್ರದೇಶದಲ್ಲಿ ನಡೆದಿದೆ.
ಉತ್ತರ ಪ್ರದೇಶದ ಫಿರೋಜಾಬಾದ್ನಲ್ಲಿ ಪೊಲೀಸ್ ಅಧಿಕಾರಿಯೊಬ್ಬರು ತಮ್ಮ ಸ್ಕಾರ್ಪಿಯೋ ಕಾರಿನ ನಂಬರ್ ಪ್ಲೇಟ್ ಸರಿಯಾಗಿ ಬರೆದಿರಲಿಲ್ಲ. ಹಿಂದಿ ಅಕ್ಷರದಂತೆ ಕಂಡಿದ್ದ ನಂಬರ್ ಪ್ಲೇಟ್ನ್ನು ಟ್ವಿಟರ್ಗಳಲ್ಲಿ ಅಪ್ಲೋಡ್ ಮಾಡಿ, ಪೊಲೀಸರನ್ನೂ ಟ್ಯಾಗ್ ಮಾಡಲಾಗಿತ್ತು. ಸಾಮಾಜಿಕ ತಾಣದಲ್ಲಿ ಹರಿದಾಡಿದ ವಿಚಾರವನ್ನು ಗಂಭೀರವಾಗಿ ಪರಿಗಣಿಸಿದ ಪೊಲೀಸರು, ಸ್ಕಾರ್ಪಿಯೋವನ್ನು ಪತ್ತೆ ಹಚ್ಚಿದರು. ರಸ್ತೆಯಲ್ಲಿ ಸಾಗುತ್ತಿದ್ದ ಸ್ಕಾರ್ಪಿಯೋವನ್ನು ನಿಲ್ಲಿಸಿದಾಗಲೇ ಅದು ಪೊಲೀಸ್ ಅಧಿಕಾರಿಯ ಕಾರು ಎಂದು ಗೊತ್ತಾಗಿದೆ. ಅದಾಗ್ಯೂ, ತಪ್ಪಾದ ನಂಬರ್ ಪ್ಲೇಟ್ ನಮೂದಿಸಿದ್ದಕ್ಕಾಗಿ ದಂಡ ಕಟ್ಟಿಸಿಕೊಂಡು, ವಾಹನ ಬಿಟ್ಟಿದ್ದಾರೆ.
ಅಷ್ಟು ಮಾತ್ರ ಅಲ್ಲ, ಬೇಕಾಬಿಟ್ಟಿ ಅಕ್ಷರಗಳಲ್ಲಿ ನಂಬರ್ ಪ್ಲೇಟ್ ಬರೆಸಿದವರ ವಿರುದ್ಧವೂ ಪೊಲೀಸರು ಕಾರ್ಯಾಚರಣೆಗಿಳಿದಿದ್ದು, ಅನೇಕರಿಂದ ದಂಡ ಕಟ್ಟಿಸಿಕೊಂಡಿದ್ದಾರೆ.
Comments are closed.