ಬಾಲಿವುಡ್ ಸೂಪರ್ ಸ್ಟಾರ್ ಸುನಿಲ್ ಶೆಟ್ಟಿ ಅವರನ್ನು ಸುದೀಪ್ ಅಣ್ಣ ಎಂದು ಕರೆದಿದ್ದಾರೆ. ಸಿಸಿಎಲ್‍ನಿಂದ ಸುದೀಪ್ ಮತ್ತು ಸುನಿಲ್ ಶೆಟ್ಟಿಯ ನಡುವೆ ಸ್ನೇಹ ಶುರುವಾಗಿತ್ತು. ಇದೀಗ ಇಬ್ಬರು ಒಂದೇ ಸಿನಿಮಾದಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ.
ಪೈಲ್ವಾನ್ ಸಿನಿಮಾದ ಫಸ್ಟ್ ಶಡ್ಯೂಲ್ಡ್ ಶೂಟಿಂಗ್ ಕಂಪ್ಲೀಟ್ ಆಗಿದ್ದು, ಕಿಚ್ಚ ಇಡೀ ತಂಡಕ್ಕೆ ಧನ್ಯವಾದ ತಿಳಿಸಿದ್ದಾರೆ. ಇದೇ ವೇಳೆ ಎರಡನೇ ಹಂತದ ಶೂಟಿಂಗ್ ಗಾಗಿ ಎದುರು ನೋಡುತ್ತಿದ್ದು, ಸುನಿಲ್ ಅಣ್ಣನ ಆಗಮನಕ್ಕಾಗಿ ಕಾತುರದಿಂದ ಕಾಯುತ್ತಿರುವುದಾಗಿ ಕಿಚ್ಚ ಟ್ವೀಟ್ ಮಾಡಿದ್ದಾರೆ. ಇದಕ್ಕೆ ನಟ ಸುನಿಲ್ ಶೆಟ್ಟಿ ಕೂಡ ರಿಟ್ವೀಟ್ ಮಾಡಿದ್ದು, ಪೈಲ್ವಾನ್ ಸಿನಿಮಾಗಾಗಿ ಕಾತುರದಿಂದ ಎದುರು ನೋಡುತ್ತಿರುದಾಗಿಯೂ ಹೇಳಿಕೊಂಡಿದ್ದಾರೆ.
ಸುನಿಲ್ ಶೆಟ್ಟಿಯನ್ನ ಕಿಚ್ಚ ಅಣ್ಣಾ ಅಂತ ಕರೆಯೋಕು ಮುನ್ನ ಕಿಚ್ಚನನ್ನ ತನ್ನ ತಮ್ಮನೆಂದು ಸುನಿಲ್ ಕರೆದಿದ್ದಾರೆ. ಅದಕ್ಕೆ ಸಾಕ್ಷಿ ಪೈಲ್ವಾನ್ ಸಿನಿಮಾ ಶುರುವಾದಾಗ ನಟ ಸುನಿಲ್ ಟ್ವೀಟ್ ಮಾಡಿದ್ದಾರೆ. ಕೊನೆಗೂ ಜನ್ಮಭೂಮಿಗೆ ಎಂಟ್ರಿ ಕೊಡುತ್ತಿದ್ದೇನೆ. ನನ್ನ ತಮ್ಮ ಕಿಚ್ಚನ ಜತೆಗೆ ಪೈಲ್ವಾನ್ ಸಿನಿಮಾ ಮೂಲಕ ಡೆಬ್ಯೂಟ್ ಮಾಡುತ್ತಿರುವುದಕ್ಕೆ ಖುಷಿ ಇರುವುದಾಗಿ ಹೇಳಿಕೊಂಡಿದ್ದಾರೆ.
ತೆರೆಯ ಹಿಂದಿನ ಸ್ನೇಹ ಇದೀಗ ಒಟ್ಟಿಗೆ ಸಿನಿಮಾ ಮಾಡುವುದಕ್ಕೆ ಸಹಕಾರಿಯಾಗಿದೆ. ಆದರೆ ಎಲ್ಲರ ತಲೆಯಲ್ಲಿರುವುದು ಒಂದೇ ಪ್ರಶ್ನೆ, ಪೈಲ್ವಾನ್ ಸಿನಿಮಾದಲ್ಲಿ ಸುನಿಲ್ ಶೆಟ್ಟಿಯದು ಯಾವ ಪಾತ್ರ ಅನ್ನೋದು. ಅಷ್ಟಕ್ಕೂ ಪೈಲ್ವಾನ್ ಚಿತ್ರತಂಡ ಸುನಿಲ್ ಶೆಟ್ಟಿಯ ಪಾತ್ರವನ್ನ ಗುಟ್ಟಾಗಿರಿಸಿದ್ದಾರೆ. ಇಲ್ಲಿವರೆಗೂ ಸ್ನೇಹಿತರಾಗಿದ್ದ ಸುದೀಪ್ ಹಾಗೂ ಸುನಿಲ್, ಪೈಲ್ವಾನ್ ಅಖಾಡದಲ್ಲಿ ಮುಖಾಮುಖಿಯಾಗುತ್ತಿದ್ದಾರೆ.
Comments are closed.