ಅಹಮದಾಬಾದ್‌: ಪತಿಯು ಅಸಹಜ ಲೈಂಗಿಕತೆ ನಡೆಸುವ ಜತೆಗೆ ವ್ಯಭಿಚಾರ ಮಾಡುತ್ತಿರುವುದಾಗಿ ಮಹಿಳೆಯೊಬ್ಬರು ವಸಂತಪುರ ಠಾಣೆಗೆ ದೂರು ನೀಡಿದ್ದ ಹಿನ್ನೆಲೆಯಲ್ಲಿ ಆತನನ್ನು ಪೊಲೀಸರು ಬಂಧಿಸಿದ್ದಾರೆ.
2014ರ ಡಿಸೆಂಬರ್‌ನಲ್ಲಿ ಜಾಮ್‌ನಗರದಲ್ಲಿ ಅವರ ಮದುವೆಯಾಗಿತ್ತು. ಬಳಿಕ ಅವರು ಬೋದಕ್‌ದೇವ್‌ ಪ್ರದೇಶದಲ್ಲಿ ವಾಸವಿದ್ದರು. ಅನಂತರ ಪತಿಯ ನಿಜವಾದ ಬಣ್ಣ ಬಯಲಾಗ ತೊಡಗಿತು. ಆತ ದಿನದಲ್ಲಿ ಮೂರು ಬಾರಿ ಚರಸ್‌ ಮತ್ತು ಇತರ ಮಾದಕ ದ್ರವ್ಯ ಸೇವಿಸುತ್ತಿದ್ದ. ಕ್ಷುಲ್ಲಕ ವಿಚಾರಗಳಿಗೂ ಸಿಟ್ಟಾಗುತ್ತಿದ್ದ. ರೇವ್‌ ಪಾರ್ಟಿಗಳನ್ನು ನಡೆಸಿ ಮಾದಕ ದ್ರವ್ಯಗಳ ಸೇವನೆ ಜತೆ ಹುಡುಗಿಯರ ಜತೆ ಸಂಬಂಧ ಬೆಳೆಸುತ್ತಿದ್ದ ಎಂದು ಪತ್ನಿ ದೂರಿನಲ್ಲಿ ವಿವರಿಸಿದ್ದಾರೆ.
ಅತಿ ಮಾದಕ ದ್ರವ್ಯ ಸೇವನೆಯಿಂದ ಆತನಿಗೆ ಲೈಂಗಿಕ ಕ್ರಿಯೆ ನಡೆಸಲು ಸಾಧ್ಯವಾಗುತ್ತಿರಲಿಲ್ಲ. ಇದಕ್ಕಾಗಿ ವಯಾಗ್ರ ತೆಗೆದುಕೊಂಡರೂ ಉದ್ರೇಕಗೊಳ್ಳುತ್ತಿರಲಿಲ್ಲ. ಹೀಗಾಗಿ ಓರಲ್‌ ಸೆಕ್ಸ್‌ ನಡೆಸುವಂತೆ ಒತ್ತಾಯಿಸುತ್ತಿದ್ದ ಎಂದು ಆಕೆ ತಿಳಿಸಿದ್ದಾರೆ.
ಈ ಬಗ್ಗೆ ಹತ್ತಿರದ ಸಂಬಂಧಿಕರಲ್ಲಿ ಹೇಳಿದಾಗ ಶ್ರೀಮಂತ ಕುಟುಂಬಗಳಲ್ಲಿ ಚಟಗಳು ಮತ್ತು ವ್ಯಭಿಚಾರ ಸಾಮಾನ್ಯ ಎಂದು ಅವರೆಲ್ಲ ಪತಿಯ ನಡವಳಿಕೆಯನ್ನು ಬೆಂಬಲಿಸಿ ಮಾತನಾಡಿದ್ದಾಗಿ ಮಹಿಳೆ ಹೇಳಿದ್ದಾರೆ.
ಈಗಾಗಲೇ ಒಂದು ಬಾರಿ ಹೋಟೆಲ್‌ನಲ್ಲಿ ಹುಡುಗಿಯ ಜತೆ ಪತಿ ಸಿಕ್ಕಿಬಿದ್ದಿದ್ದರು. ಇತ್ತೀಚೆಗೆ ತನಗೆ ಹೊಡೆದಿದ್ದಲ್ಲದೆ ತನ್ನ ಚಿನ್ನ ಮತ್ತು ಲ್ಯಾಪ್‌ಟಾಪ್‌ ಅನ್ನು ಕದ್ದುಕೊಂಡು ಹೋಗಿರುವುದಾಗಿಯೂ ಮಹಿಳೆ ದೂರಿದ್ದಾರೆ.
Comments are closed.