ಜೊಲ್ಲು ನಿವಾರಿಸುವ ಮನೆಮದ್ದುಗಳು

ದಿನಕ್ಕೆ ಎರಡು ಲವಂಗವನ್ನು ಬಾಯಲ್ಲಿ ಅಗಿದರೆ ಹೆಚ್ಚು ಜೊಲ್ಲು ಬರುವುದು ನಿಲ್ಲುತ್ತದೆ. ನಿಂಬೆ ಹಣ್ಣನ್ನು ಕತ್ತರಿಸಿ ಒಂದು ತುಂಡನ್ನು ಐದು ನಿಮಿಷ ಬಾಯಲ್ಲಿ ಇಟ್ಟುಕೊಂಡರೂ ಲಾಭದಾಯಕ.ಚಕ್ಕೆ ಪುಡಿಯನ್ನು ನೀರಲ್ಲಿ ಬೆರೆಸಿ ಕಷಾಯ ಮಾಡಿ ಬಾಯಿ ಮುಕ್ಕಳಿಸಿದರೆ ಜೊಲ್ಲು ಕಡಿಮೆಯಾಗುತ್ತದೆ.

ಅಡಿಕೆ ಚೂರನ್ನು ಪುಡಿ ಮಾಡಿ ಜೇನುತುಪ್ಪದ ಜೊತೆ ಕಲಸಿ ಬಾಯಿಯೊಳಗೆ ಲೇಪಿಸಿ ಹತ್ತು ನಿಮಿಷದ ನಂತರ ತೊಳೆದರೆ ಉತ್ತಮ ಪರಿಣಾಮ ಬೀರುತ್ತದೆ.ಬೆಟ್ಟದ ನೆಲ್ಲಿಕಾಯಿ ಪುಡಿಯನ್ನು ಬಿಸಿ ನೀರಿನಲ್ಲಿ ಕಲಸಿ ಊಟದ ನಂತರ ಸೇವಿಸಿದರೆ ಜೊಲ್ಲು ಕಡಿಮೆಯಾಗುತ್ತದೆ.

ಕರಿಮೆಣಸಿನ ಪುಡಿ , ಶುಂಠಿ ಪುಡಿ ಮತ್ತು ಸ್ವಲ್ಪ ಜೇನುತುಪ್ಪ ಸೇರಿಸಿ ಸೇವಿಸಿದರೆ ಹೆಚ್ಚು ಸುರಿಯುವ ಜೊಲ್ಲು ನಿಲ್ಲುತ್ತದೆ. ಏಲಕ್ಕಿಯನ್ನು ನೀರಲ್ಲಿ ಸೇರಿಸಿ ಕಷಾಯ ಮಾಡಿ ದಿನಕ್ಕೆ ಎರಡು ಬಾರಿ ಸೇವಿಸಿದರೆ ಉತ್ತಮ ಪರಿಣಾಮ ಬೀರುತ್ತದೆ.

ಕಾಫಿ ಬೀಜದ ಪುಡಿಯನ್ನು ನಾಲಿಗೆ ಕೆಳಗೆ ಇಟ್ಟುಕೊಂಡರೆ ಅತಿ ಹೆಚ್ಚು ಜೊಲ್ಲು ನಿಲ್ಲುತ್ತದೆ. ಹಸಿ ಶುಂಠಿಯನ್ನು ನೀರಲ್ಲಿ ಬೆರೆಸಿ ಚೆನ್ನಾಗಿ ಕುದಿಸಿ ಕಷಾಯ ತಯಾರಿಸಿ ದಿನಕ್ಕೆ ಎರಡು ಬಾರಿ ಸೇವಿಸಿದರೆ ಅತಿ ಜೊಲ್ಲು ಸಮಸ್ಯೆ ನಿವಾರಣೆಯಾಗುತ್ತದೆ.