ಮಾನಸಿಕ ನೆಮ್ಮದಿಯನ್ನೂ ಹಾಳು ಮಾಡುವ ಗೊರಕೆ ಶಬ್ದದಿಂದ ಮುಕ್ತಿ ಪಡೆಯಲು ಕೆಲವು ಟಿಪ್ಸ್

ಭಾರತದಲ್ಲಿ ಹತ್ತು ಜೋಡಿಗಳಲ್ಲಿ ಒಂದು ಜೋಡಿ ಗೊರಕೆಯು ತಮ್ಮ ಸಂಬಂಧಕ್ಕೆ ತೊಂದರೆ ಉಂಟುಮಾಡುತ್ತಿದೆ ಎಂದು ತಿಳಿಸುತ್ತಾರೆ. ಅದರಲ್ಲಿ ನೀವೂ ಒಬ್ಬರಾಗಬೇಡಿ. ಗೊರಕೆಯು ಕೇವಲ ನಿಮ್ಮ ನಿದ್ದೆಯನ್ನು ಹಾಳು ಮಾಡಿ ದೈಹಿಕವಾಗಿ ತೊಂದರೆ ಉಂಟು ಮಾಡದೆ ನಿಮ್ಮ ಮಾನಸಿಕ ನೆಮ್ಮದಿಯನ್ನೂ ಹಾಳು ಮಾಡುತ್ತದೆ. ಇದಕ್ಕೆ ಪರಿಹಾರ ಇದೆಯೇ? ಹಾಗಿದ್ದರೆ ಅದು ಏನು? ಈ ಲೇಖನದಲ್ಲಿ ಇವೆ ನೋಡಿ ಉತ್ತರಗಳು.

೧. ಮಲಗುವ ಮುನ್ನ ಬಿಸಿ ನೀರಿನ ಸ್ನಾನ ಮಾಡಿ
ಉಸಿರಾಟದ ಅಥವಾ ಗಂಟಲಿನ ನಾಳದಲ್ಲಿ ಗಾಳಿಯ ಸಂಚಾರಕ್ಕೆ ನೈಸರ್ಗಿಕವಾಗಿ ಅಲ್ಲದೆ ಅಡ್ಡಿ ಉಂಟಾದಾಗ ಗೊರಕೆ ಶಬ್ದ ಬರುತ್ತದೆ. ಹೀಗಾಗಿ ತಜ್ಞರು ನೀವು ಮಲಗುವ ಮುನ್ನ ಬಿಸಿ ನೀರಿನ ಸ್ನಾನ ಮತ್ತು ಉಪ್ಪು ನೀರನ್ನು ಮೂಗಿನಲ್ಲಿ ಬಿಟ್ಟುಕೊಂಡು ಸ್ವಚ್ಚ ಮಾಡಿಕೊಳ್ಳಲು ಹೇಳಿಕೊಡುತ್ತಾರೆ.

೨. ಮಲಗುವ ಭಂಗಿ ಬದಲಿಸಿ
ತಜ್ಞರ ಪ್ರಕಾರ ಕೆಲವೊಂದು ಮಲಗುವ ಭಂಗಿಗಳು, ಉದಾಹರಣೆಗೆ ನಿಮ್ಮ ಬೆನ್ನ ಮೇಲೆ ಮಲಗುವುದು, ನಿಮ್ಮ ನಾಲಿಗೆ ಮತ್ತು ಕಿರು ನಾಲಿಗೆ ಗಂಟಲಿಗೆ ತಾಗುವಂತೆ ಮಾಡಿ ಗೊರಕೆ ಉಂಟು ಮಾಡುತ್ತವೆ ಎನ್ನುತ್ತಾರೆ. ಹೀಗಾಗಿ ನೀವು ನಿಮ್ಮ ಬದಿಗೆ ಮುಖ ಮಾಡಿ ಮಲಗುವುದು ಅಥವಾ ನಿಮಗೆ ಹಿತ ಎನಿಸುವ ಇನ್ನ್ಯಾವುದಾದರೂ ಭಂಗಿಯಲ್ಲಿ ಮಲಗಲು ಶಿಫಾರಸು ಮಾಡುತ್ತಾರೆ.

೩. ಹೆಚ್ಚಾಗಿ ನೀರು ಕುಡಿಯಿರಿ
ನೀವು ನೀರು ಕುಡಿಯದೆ ನಿರ್ಜಲೀಕರಣ ಹೊಂದಿದಾಗ ನಿಮ್ಮ ಮೂಗಿನಲ್ಲಿ ಪದಾರ್ಥಗಳು ಅಂಟಿಕೊಳ್ಳುತ್ತವೆ. ಇದು ಗೊರಕೆಯನ್ನು ಹೆಚ್ಚು ಮಾಡುತ್ತದೆ. ಹೆಂಗಸರು ಕನಿಷ್ಠಪಕ್ಷ ದಿನಕ್ಕೆ 11.5 ಲೀಟರ್ ಅಷ್ಟು ನೀರು ಸೇವಿಸಬೇಕು. ಅದರಲ್ಲಿ ಸುಮಾರು 20% ಅಷ್ಟು ನೀರು ಆಹಾರದಿಂದ ದೊರಕಬೇಕು.

೪. ಮಲಗುವ ಮುನ್ನ ಮದ್ಯಪಾನ ಮಾಡಬಾರದು
ಮದ್ಯಪಾನ ನಮ್ಮ ಗಂಟಲಿನ ಸ್ನಾಯುಗಳು ತುಂಬಾ ನಿರಾಳವಾಗುವಂತೆ ಮಾಡಿ, ಅವುಗಳು ಊದಿಕೊಳ್ಳುವಂತೆ ಮಾಡುತ್ತದೆ. ಇದು ಗಾಳಿ ಸಂಚಾರದ ಅಡಚಣೆಗೆ ವಿರೋಧವನ್ನು ಒಡ್ಡುವ ಶಕ್ತಿಯನ್ನು ನಮ್ಮ ದೇಹವು ಕಳೆದುಕೊಳ್ಳುವಂತೆ ಮಾಡುತ್ತದೆ. ಹೀಗಾಗಿ ನೀವು ಮಲಗುವ ಕನಿಷ್ಠಪಕ್ಷ 4 ಗಂಟೆಗಳ ಮುನ್ನವಾದರೂ ಮದ್ಯಪಾನ ಸೇವಿಸಬೇಕು.

೫. ಬೇರೆ ರೀತಿಯಲ್ಲಿ ನಾಳಗಳನ್ನ ಮುಕ್ತವಾಗಿಸಿ
ಮೇಲೆ ತಿಳಿಸಿದ ರೀತಿಗಳಲ್ಲಿ ಗೊರಕೆಯ ತೊಂದರೆ ಕಡಿಮೆ ಮಾಡಲು ಸಾಧ್ಯವಾಗದಿದ್ದರೆ ನೀವು ನಾಸಲ್ ಸ್ಟ್ರಿಪ್ಸ್ ಅನ್ನು ಬಳಸಬಹುದು. ಒಂದು ವೇಳೆ ತೊಂದರೆ ಕೇವಲ ನಿಮ್ಮ ನಾಲಿಗೆಯದ್ದು ಆಗಿದ್ದು ನಿಮ್ಮ ಮೃದು ಅಂಗಳದು ಅಲ್ಲದಿದ್ದರೆ, ಈ ಸ್ಟ್ರಿಪ್ಸ್ ತುಂಬಾನೇ ಪರಿಣಾಮಕಾರಿ.