ಹಿಸ್ಸಾರ್: ಹಳ್ಳಿಯಿಂದ ಬಂದು ಪೈಲೆಟ್ ಆದ ಖುಷಿಗೆ ಪಂಜಾಬ್ನ ಯುವಕನೊಬ್ಬ ತನ್ನ ಊರಿನ ಎಲ್ಲ ಅಜ್ಜ-ಅಜ್ಜಿಯರಿಗೆ ಮೊದಲ ಬಾರಿಗೆ ವಿಮಾನದಲ್ಲಿ ಪ್ರಯಾಣಿಸುವ ಚಾನ್ಸ್ ಕಲ್ಪಿಸಿ ಸುದ್ದಿಯಾಗಿದ್ದಾನೆ.
ಪಂಜಾಬ್ನ ಅದಮ್ಪುರದ ವಿಕಾಸ್ ಜಯಾನಿ ಪೈಲಟ್ ಆದ ನಂತರ ತನ್ನ ಊರಿನ 70 ವರ್ಷಕ್ಕಿಂತ ಮೇಲ್ಪಟ್ಟ 22 ಮಂದಿ ಹಿರಿಯರನ್ನು ವಿಮಾನದಲ್ಲಿ ಸುತ್ತಾಡಿಸಿದ್ದಾನೆ.
ಅಜ್ಜ-ಅಜ್ಜಿಯಂದಿರನ್ನು ಹೊಸದಿಲ್ಲಿಯಿಂದ ಅಮೃತಸರಕ್ಕೆ ವಿಮಾನದಲ್ಲಿ ಕರೆದೊಯ್ದು, ಅಲ್ಲಿಂದ ಗೋಲ್ಡನ್ ಟೆಂಪಲ್, ಜಲಿಯನ್ ವಾಲಾ ಬಾಗ್ ಮತ್ತು ವಾಘಾ ಬಾರ್ಡರ್ಗೆ ಪ್ರವಾಸ ಮಾಡಿಸಿದ್ದಾನೆ. ಪ್ರವಾಸಿಗರ ಪೈಕಿ 75 ವರ್ಷದಿಂದ 90 ವರ್ಷದ ವರೆಗಿನವರು ಸೇರಿದ್ದಾರೆ.
ಪ್ರಯಾಣದ ನಂತರ ಅನುಭವ ಹಂಚಿಕೊಂಡ ಅಜ್ಜ-ಅಜ್ಜಿಯಂದಿರು ನಮ್ಮ ಜೀವನದಲ್ಲಿ ವಿಮಾನದಲ್ಲಿ ಪ್ರಯಾಣಿಸುತ್ತೇವೆ ಎಂದು ಕೊಂಡಿರಲಿಲ್ಲ. ಬಹಳ ತೃಪ್ತಿ ಎಂದೆನಿಸಿತು ಎಂದಿದ್ದಾರೆ.
ತನ್ನ ಮಗನ ಕಾರ್ಯವನ್ನು ಮೆಚ್ಚಿದ ತಂದೆ ಮಹೇಂದ್ರ ಜಯಾನಿ, ಇದೊಂದು ರೀತಿಯ ಪವಿತ್ರಯಾತ್ರೆಯಂತೆ ಆಗಿದೆ ಎಂದು ಶ್ಲಾಘಿಸಿದ್ದಾರೆ.
Comments are closed.