ವಾಷಿಂಗ್ಟನ್: ವಿಶ್ವಸಂಸ್ಥೆಯಲ್ಲಿ ಅಮೆರಿಕಾದ ರಾಯಭಾರಿಯಾಗಿ ಕಾರ್ಯ ನಿರ್ವಹಿಸುತ್ತಿದ್ದ ನಿಕ್ಕಿ ಹ್ಯಾಲೆ ಮಂಗಳವಾರದಂದು ತಮ್ಮ ಸ್ಥಾನಕ್ಕೆ ರಾಜೀನಾಮೆ ನೀಡಿದ್ದಾರೆ. ಅತ್ತ ಅಮೆರಿಕಾ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಕೂಡಾ ಅವರ ರಾಜೀನಾಮೆಯನ್ನು ಸ್ವೀಕರಿಸಿದ್ದಾರೆ. ಡೊನಾಲ್ಡ್ ಟ್ರಂಪ್ರವರ ಆಪ್ತ ವಲಯದಲ್ಲಿ ಗುರುತಿಸಿಕೊಂಡಿದ್ದ ನಿಕ್ಕಿಯವರು ರಾಜೀನಾಮೆ ನೀಡಲು ಕಾರಣವೇನು ಎಂಬುವುದು ಇನ್ನೂ ತಿಳಿದು ಬಂದಿಲ್ಲ.
ಈ ಕುರಿತಾಗಿ ANI ಟ್ವೀಟ್ ಒಂದನ್ನು ಮಾಡಿದ್ದು, ‘ವಿಶ್ವಸಂಸ್ಥೆಯಲ್ಲಿ ಅಮೆರಿಕಾದ ರಾಯಭಾರಿಯಾಗಿದ್ದ ನಿಕ್ಕಿ ಹ್ಯಾಲೆ 2020ರ ಚುನಾವಣೆಯಲ್ಲಿ ಸ್ಪರ್ಧಿಸುತ್ತಿಲ್ಲ. ಬದಲಾಗಿ ಡೊನಾಲ್ಡ್ ಟ್ರಂಪ್ ಪರವಾಗಿ ಪ್ರಚಾರ ಕಾರ್ಯ ನಡೆಸಲಿದ್ದಾರೆ” ಎಂದು ಬರೆದುಕೊಂಡಿದೆ.
ಭಾರತೀಯ ಮೂಲಕ ನಿಕ್ಕಿ ಹ್ಯಾಲೆಯವರ ರಾಜೀನಾಮೆ ಸುದ್ದಿಯು ಟ್ರಂಪ್ರವರ ಟ್ವೀಟ್ ಒಂದರ ಬಳಿಕ ಕೆಳಿ ಬಂದಿದೆ. ಟ್ರಂಪ್ರವರು ನಾಳೆ ಬೆಳಿಗ್ಗೆ 10:30ಕ್ಕೆ ಸರಿಯಾಗಿ ಓವಲ್ ಆಫಿಸ್ನಲ್ಲಿ ನಿಕ್ಕಿ ಹ್ಯಾಲೆಯವರೊಂದಿಗೆ ಬಹುದೊಡ್ಡ ಘೋಷಣೆ ಮಾಡುತ್ತಿರುವುದಾಗಿ ಟ್ವೀಟ್ ಮಾಡಿದ್ದರು.
ರಾಯ್ಟರ್ಸ್ ಅನ್ವಯ ನಿಕ್ಕಿಯವರ ರಾಜೀಮೆ ಬಳಿಕ ಮತ್ತೊಂದು ಟ್ವೀಟ್ ಮಾಡಿದ್ದ ಅಮೆರಿಕಾದ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಹ್ಯಾಲೆ ಅದ್ಭುತವಾಗಿ ಕಾರ್ಯ ನಿರ್ವಹಿಸಿದ್ದಾರೆ. ಅವರು ವರ್ಷದ ಕೊಮನೆಯಲ್ಲಿ ತಮ್ಮ ಕೆಲಸಕ್ಕೆ ವಿದಾಯ ಹೇಳುತ್ತಿದ್ದಾರೆ. ಈ ಮೂಲಕ ಕೊಂಚ ಬಿಡುವು ತೆಗೆದುಕೊಳ್ಳಲು ಬಯಸಿದ್ದಾರೆ” ಎಂದಿದ್ದಾರೆ.
ನಿಕ್ಕಿ ಹ್ಯಾಲೆ ಅಮೆರಿಕಾದ ಸಿಖ್ ಕುಟುಂಬದವರಾಗಿದ್ದಾರೆ. ಈ ಕುಟುಂಬವು ಮೂಲತಃ ಅಂಬಾಲಾದಲ್ಲಿ ನೆಲೆಸಿದ್ದು, ಬಳಿಕ ಅಮೆರಿಕಾಗೆ ತೆರಳಿತ್ತು. ನಿಕ್ಕಿಯವರು ಈ ಹಿಂದೆ ದಕ್ಷಿಣ ಕರೋಲಿನಾದ 116ನೇ ರಾಜ್ಯಪಾಲೆ ಹುದ್ದೆಯನ್ನು ಅಲಂಕರಿಸಿದ್ದರು. ಈ ಮೂಲಕ ಆ ಹುದ್ದೆಗೇರಿದ್ದ ಎರಡನೇ ಇಂಡೋ ಅಮೆರಿಕನ್ ಎನಿಸಿಕೊಂಡಿದ್ದರು.
ನಿಕ್ಕಿಯವರನ್ನು ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ರವರ ಆಪ್ತ ಸಲಹೆಗಾರರಲ್ಲಿ ಗುರುತಿಸಲಾಗುತ್ತದೆ. ಕೆಲ ವರ್ಷಗಳ ಹಿಂದೆ ನಿಕ್ಕಿ ಹಾಗೂ ಡೊನಾಲ್ಡ್ ಟ್ರಂಪ್ರವರ ನಡುವೆ ಸಂಬಂಧವಿದೆ ಎಂಬ ವಿಚಾರವೂ ಸದ್ದು ಮಾಡಿತ್ತು. ಆಗ ನಿಕ್ಕಿಯವರು ಈ ಕುರಿತಾಗಿ ಸ್ಪಷ್ಟನೆಯನ್ನೂ ನೀಡಿದ್ದರು.
ಅಮೆರಿಕಾದ ರಾಯಭಾರಿಯಾಗಿದ್ದ ಸಂದರ್ಭದಲ್ಲಿ ನಿಕ್ಕಿ ಹ್ಯಾಲೆಯವರು ಭಯೋತ್ಪಾದನೆ ವಿಚಾರಕ್ಕೆ ಸಂಬಂಧಿಸಿದಂತೆ ಪಾಕಿಸ್ತಾನಕ್ಕೆ ಹಲವಾರು ಬಾರಿ ಎಚ್ಚರಿಕೆ ನೀಡಿದ್ದರು ಎಂಬುವುದು ಗಮನಾರ್ಹ.
Comments are closed.