ನಟಿ ಶ್ರುತಿ ಹರಿಹರನ್ ಅವರಿಗೆ ಮದುವೆಯಾಗಿದೆ ಎಂಬ ಸಂಗತಿ ಇಷ್ಟು ದಿನಗಳ ಕಾಲ ಜಗಜ್ಜಾಹೀರಾಗಿರಲಿಲ್ಲ. ಆದರೆ ಆಗಾಗ ಗಾಸಿಪ್ ಸುದ್ದಿಗಳಂತೂ ಕೇಳಿಬರುತ್ತಿದ್ದವು. 2017ರಲ್ಲೇ ಈ ಬಗ್ಗೆ ಹಲವಾರು ಸುದ್ದಿಗಳು ಹರಿದಾಡಿದ್ದವು. ಆಗಲೂ ಶ್ರುತಿ ತನ್ನ ಮದುವೆ ಬಗ್ಗೆ ಎಂದೂ ಮಾತನಾಡಿರಲಿಲ್ಲ. ತಾನು ಮದುವೆಯಾಗುವ ಹುಡುಗನ ಬಗ್ಗೆ ಕಾಲ ಬಂದಾಗ ತಿಳಿಸುತ್ತೇನೆ ಎಂದಿದ್ದರು.
ಇದೀಗ ಅವರಿಗೆ ಮದುವೆಯಾಗಿದೆ ಎಂಬ ಸಂಗತಿ ಗೊತ್ತಾಗಿದೆ. ನಟ ಅರ್ಜುನ್ ಸರ್ಜಾ ವಿರುದ್ಧ ಕಬ್ಬನ್ ಪಾರ್ಕ್ ಪೊಲೀಸರಿಗೆ ನೀಡಿರುವ ದೂರಿನಲ್ಲಿ ತನ್ನ ಪತಿಯ ಹೆಸರನ್ನು ಬಹಿರಂಗಪಡಿಸಿದ್ದಾರೆ. ಶ್ರುತಿ ಹರಿಹರನ್ ವೈಫ್ ಆಫ್ ರಾಮ್ ಕುಮಾರ್ ಎಂದು ದೂರಿನ ಪ್ರತಿಯಲ್ಲಿ ತಿಳಿಸಿದ್ದಾರೆ. [ ಶ್ರುತಿ ಹರಿಹರನ್ಗೆ ಮದುವೆ ಆಗಿದೆ ಎಂಬ ಸಂಗತಿ ದೂರಿನಲ್ಲಿ ಬಹಿರಂಗ]
‘ಹ್ಯಾಪಿ ನ್ಯೂ ಇಯರ್’ (2017) ಸಿನಿಮಾ ಬಿಡುಗಡೆಯಾದ ಬಳಿಕ ಶ್ರುತಿ ಅವರು ದಾಂಪತ್ಯ ಜೀವನಕ್ಕೆ ಅಡಿಯಿಟ್ಟಿದ್ದಾಗಿ ಸುದ್ದಿ ಇದೆ. ವೈಯಕ್ತಿಕ ಕಾರಣಗಳಿಂದ ಅವರ ಮದುವೆ ಸಾರ್ವಜನಿಕವಾಗಿ ತಿಳಿಸಿರಲಿಲ್ಲ. ಬಹುಶಃ ಇದರಿಂದ ತನ್ನ ವೃತ್ತಿ ಬದುಕಿಗೆ ತೊಡಕಾಗಬಹುದು ಎಂಬ ಉದ್ದೇಶಕ್ಕೆ ಮದುವೆಯನ್ನು ಬಹಿರಂಗಪಡಿಸಿರಲಿಲ್ಲ ಎಂಬುದು ಕೆಲವರ ಅನಿಸಿಕೆ.
ಶ್ರುತಿ ಅವರ ಪತಿ ರಾಮ್ ಕುಮಾರ್ ಕೇರಳ ಮೂಲದವರಾಗಿದ್ದು ಕಳರಿಪಯಟ್ಟು ಪಟು. ಇವರಿಬ್ಬರೂ ಒಂದೇ ಮ್ಯೂಸಿಕ್ ವೀಡಿಯೋ ಆಲ್ಬಂನಲ್ಲಿ ನಟಿಸಿದ್ದಾರೆ. ಗೊಮ್ಟೇಶ್ ಉಪಾಧ್ಯೆ ನಿರ್ದೇಶನದಲ್ಲಿ ಆ ಮ್ಯೂಸಿಕ್ ಆಲ್ಬಂ ಮೂಡಿಬಂದಿತ್ತು. ಆಗಿನ್ನೂ ಶ್ರುತಿಗೆ ರಾಮ್ ಕುಮಾರ್ ಭಾವಿ ಪತಿ.
‘ಪ್ರೇಮ’ ಎಂಬ ಆ ಮ್ಯೂಸಿಕ್ ವೀಡಿಯೋ ಚೆನ್ನೈನಲ್ಲಿ ಒಂದು ವಾರ ಚಿತ್ರೀಕರಿಸಲಾಗಿತ್ತು. ಕಳೆದು ಹೋಗಿರುವ ಪ್ರೀತಿಯನ್ನು ಮತ್ತೆ ಪ್ರೇಮಿಗಳು ಹೇಗೆ ಪಡೆಯುತ್ತಾರೆ ಎಂಬ ಪರಿಕಲ್ಪನೆಯಲ್ಲಿ ತೆಗೆದಂತಹ ಮ್ಯೂಸಿಕ್ ಆಲ್ಬಂ ಅದಾಗಿತ್ತು. ಇವರಿಬ್ಬರೂ ರಿಯಲ್ ಲೈಫ್ ಪ್ರೇಮಿಗಳಾಗಿದ್ದ ಕಾರಣ ಈ ಜೋಡಿಯನ್ನು ಆಯ್ಕೆ ಮಾಡಿಕೊಂಡಿದ್ದರು ನಿರ್ದೇಶಕರು. ಮೊದಲ ಸಲ ತನ್ನ ಭಾವಿ ಪತಿ ಜತೆ ನಟಿಸಿ ಸಂಭ್ರಮಿಸಿದ್ದಾಗಿ ಆಗ ಹೇಳಿಕೊಂಡಿದ್ದರು ಶ್ರುತಿ.
Comments are closed.