ಕನ್ನಡ ‘ಬಿಗ್ ​ಬಾಸ್’​ ಮನೆಗೆ ಮೂವರ ಆಗಮನ!

‘ಬಿಗ್​ ಬಾಸ್​’ ಮನೆ ಎಂದರೆ ಹಾಗೇ. ಮನೆಯ ಸದಸ್ಯರಿಗೆ ನಿತ್ಯ ಒಂದಿಲ್ಲೊಂದು ಅಚ್ಚರಿ ಇರುತ್ತದೆ. ಒಳ ಒಳಗೆ ದ್ವೇಷ ಕುದಿಯುತ್ತಿದ್ದರೂ ಆತ್ಮೀಯ ಗೆಳೆಯರಂತೆ ವರ್ತಿಸುತ್ತಾರೆ. ಈ ವಾರದ ಕನ್ನಡ ‘ಬಿಗ್​ ಬಾಸ್ 6’​ ಕೂಡ ಹಲವು ಅಚ್ಚರಿಗಳಿಗೆ ಕಾರಣವಾಯಿತು. ಮನೆಯ ಒಳಗೆ ಮೂವರು ವಿಶೇಷ ಅತಿಥಿಗಳ ಆಗಮನವಾದರೆ, ಒಬ್ಬರು ಮನೆಯಿಂದ ಹೊರ ನಡೆದರು.

‘ಬಿಗ್​ ಬಾಸ್​ 6’ ಮನೆಯಲ್ಲಿ ವೈಲ್ಡ್​​ ಕಾರ್ಡ್​ ಎಂಟ್ರಿ ಮೂಲಕ ಯಾರು ಬರಲಿದ್ದಾರೆ ಎನ್ನುವ ಕುತೂಹಲ ಎಲ್ಲರಲ್ಲೂ ಮನೆ ಮಾಡಿತ್ತು. ಅದರಂತೆ, ‘ನಾಗಕನ್ನಿಕೆ’ ಧಾರಾವಾಹಿ ನಟಿ ಮೇಘಶ್ರೀ ವೈಲ್ಡ್​ ಕಾರ್ಡ್​ ಎಂಟ್ರಿ ಮೂಲಕ ಮನೆ ಸೇರಿದ್ದಾರೆ. ಅಚ್ಚರಿ ಎಂದರೆ ಇವರ ಜೊತೆ, ‘ಬಿಗ್​ ಬಾಸ್​ 5’ರಲ್ಲಿ ಗೊಂಬೇ ಎಂದೇ ಖ್ಯಾತಿ ಪಡೆದಿದ್ದ ನಿವೇದಿತಾ ಗೌಡ ಹಾಗೂ ಡ್ಯಾನ್ಸರ್​ ಜೀವಿತಾ ಕೂಡ ಮನೆ ಪ್ರವೇಶಿಸಿದ್ದಾರೆ.

‘ಬಿಗ್​ ಬಾಸ್ 6’​ ಓಪನಿಂಗ್​ ದಿನ ಕಾರ್ಯಕ್ರಮದ ಅತಿಥಿಯಾಗಿ ನಿವೇದಿತಾ ಕೂಡ ಬಂದಿದ್ದರು. ಆಗ ಈ ಬಾರಿಯೂ ಬಿಗ್​ ಬಾಸ್​ ಮನೆಗೆ ಹೋಗುವ ಆಶಯ ವ್ಯಕ್ತಪಡಿಸಿದ್ದರು. ಹಾಗಾಗಿ ಅವರಿಗೆ ಈ ಅವಕಾಶ ನೀಡಲಾಗಿದೆ ಎನ್ನಲಾಗುತ್ತಿದೆ. ಇನ್ನು, ಅವರು ಸ್ಪರ್ಧಿಯಾಗಿ ತೆರಳಿದ್ದಾರಾ ಅಥವಾ ಎರಡು ದಿನ ಇದ್ದು ಬರಲು ಮನೆ ಪ್ರವೇಶಿಸಿದ್ದಾರಾ ಎಂಬುದು ಇನ್ನಷ್ಟೇ ತಿಳಿದುಬರಬೇಕಿದೆ.

ಮನೆಯಿಂದ ಹೊರ ನಡೆದ ನಯನಾ

ಇನ್ನು, ಶನಿವಾರ ನಡೆದ ಎಲಿಮಿನೇಷನ್​ನಲ್ಲಿ ನಯನಾ ಮನೆಯಿಂದ ಹೊರ ನಡೆದಿದ್ದಾರೆ. ಶನಿವಾರ ನಡೆದ ಎಲಿಮಿನೇಷನ್​ನಲ್ಲಿ ಅತಿ ಕಡಿಮೆ ಮತ ನಯನಾ ಅವರಿಗೆ ಬಂದಿತ್ತು. ಹಾಗಾಗಿ ಅವರನ್ನು ಮನೆಯಿಂದ ಹೊರಗೆ ಕಳುಹಿಸಲಾಗಿದೆ.