ನಿರ್ದೇಶಕ ಪವನ್ ಒಡೆಯರ್ ಸಿನಿಮಾ ಅನೌನ್ಸ್ ಆಗಿದ್ದು ಅಭಿಮಾನಿಗಳಿಗೆ ಸಖತ್ ಥ್ರಿಲ್ ಕೊಟ್ಟಿದೆ. ಟೈಟಲ್ ಏನು..? ಪವನ್ ಲವ್ ಸ್ಟೋರಿಗೆ ಯಾರು ಹಿರೋ..? ಯಾರು ಹಿರೋಯಿನ್ ಅಂತೆಲ್ಲಾ ಕ್ಯೂರಿಯಾಸಿಟಿ ಹುಟ್ಟಿಸಿದ್ದು ಸುಳ್ಳಲ್ಲ. ಆದ್ರೀಗ ಎಲ್ಲಾ ಕುತುಹೂಲಕ್ಕೆ ತೆರೆ ಬಿದ್ದಿದೆ. ಪವನ್ ಒಡೆಯರ್ “ರೇಮೊ” ಅನ್ನೋ ಲವ್ ಸ್ಟೋರಿ ಕಥೆ ಹೇಳೋದಿಕ್ಕೆ ರೆಡಿಯಾಗ್ತಿದ್ದಾರೆ.
ಬೆಂಗಳೂರಿನ ಶಂಕರ ಮಠದಲ್ಲಿ ಸ್ಕ್ರೀಪ್ ಪೂಜೆ ನೆರವೇರಿಸಲಾಯಿತು. ಹ್ಯಾಟ್ರಿಕ್ ಹಿರೋ ಶಿವಣ್ಣ ಹಾಗೂ ಪತ್ನಿ ಗೀತಾ ಶಿವರಾಜ್ಕುಮಾರ್ ಪವನ್ ಒಡೆಯರ್ ಚಿತ್ರಕ್ಕೆ ಸಾಥ್ ನೀಡಿದ್ದಾರೆ. ಪವನ್ ಸ್ಟೋರಿಗೆ ಇಶಾನ್- ಆಶಿಕಾ ಜೋಡಿ. ಅಂದ ಹಾಗೇ ಪವನ್ ಒಡೆಯರ್ ನಿರ್ದೇಶಿಸ್ತಿರೋ ರೇಮೊ ಸಿನಿಮಾಕ್ಕೆ ರೋಗ್ ಸಿನಿಮಾ ಖ್ಯಾತಿಯ ಇಶಾನ್ ಹಿರೋ ಆದ್ರೆ, ಆ್ಯಪಲ್ ಬ್ಯೂಟಿ ಆಶಿಕಾ ರಂಗನಾಥ್ ಇಶಾನ್ಗೆ ಜೋಡಿಯಾಗಿ ಅಭಿನಯಿಸಲಿದ್ದಾರೆ.
ಇನ್ನು, ದಿ ವಿಲನ್ ಸಿನಿಮಾಕ್ಕೆ ಬಂಡವಾಳ ಹೂಡಿರೋ ಸಿ. ಆರ್. ಮನೋಹರ್ ಈ ಚಿತ್ರಕ್ಕೂ ನಿರ್ಮಾಣ ಮಾಡ್ತಿದ್ದಾರೆ. ಮುಂದಿನ ತಿಂಗಳ ಜುಲೈನಿಂದ ಶೂಟಿಂಗ್ ಸ್ಟಾರ್ಟ್ ಆಗಲಿದ್ದು, ಗೂಗ್ಲಿ ಸೂಪರ್ ಹಿಟ್ ಬಳಿಕ ಮತ್ತೊಂದು ಲವ್ ಸ್ಟೋರಿ ಕೈಗೆತ್ತಿಕೊಂಡಿರೋ ಪವನ್ ಒಡೆಯರ್ ಸೂಪರ್ ಹಿಟ್ ಸಿನಿಮಾ ಕೊಡೋದಿಕ್ಕೆ ಭರ್ಜರಿ ಪ್ರಿಪರೇಷನ್ ಮಾಡಿಕೊಂಡಿದ್ದಾರೆ.
Comments are closed.