ರೆಸಾರ್ಟ್​ ರಾಜಕಾರಣ! ಮುಂಬೈ ರೆಸಾರ್ಟ್​ನತ್ತ ಅತೃಪ್ತ 14 ಶಾಸಕರು!

ವಿಧಾನಸೌಧದ ಸ್ಪೀಕರ್ ಕಚೇರಿಯಲ್ಲಿ ಸ್ಪೀಕರ್ ಕಾರ್ಯದರ್ಶಿಗೆ ರಾಜೀನಾಮೆ ಸಲ್ಲಿಸಿದ 14 ಶಾಸಕರ ಎಚ್.ವಿಶ್ವನಾಥ್ ನೇತೃತ್ವದಲ್ಲಿ ರಾಜ್ಯಪಾಲರನ್ನು ಭೇಟಿ ಮಾಡಿದ್ದಾರೆ. ಈ ಮಧ್ಯೆ ರಾಜೀನಾಮೆ ನೀಡಿದ ಶಾಸಕರನ್ನು ಕಾಂಗ್ರೆಸ್ ಟ್ರಬಲ್ ಶೂಟರ್ ಡಿಕೇಶಿಯಿಂದ ಕಾಪಾಡಿಕೊಳ್ಳುವ ಉದ್ದೇಶದಿಂದ ರೆಸಾರ್ಟ್​ಗೆ ಶಿಫ್ಟ್ ಮಾಡಲು ಪ್ಲ್ಯಾನ್​ ಮಾಡಿದೆ.

ಹೀಗಾಗಿ ರಾಜ್ಯಪಾಲ ಭೇಟಿ ಬಳಿಕ ಅತೃಪ್ತ ಶಾಸಕರನ್ನು ಎಚ್ಎಎಲ್​ ವಿಮಾನ ನಿಲ್ದಾಣಕ್ಕೆ ಮಿನಿ ಬಸ್​ನಲ್ಲಿ ಕರೆದೊಯ್ಯಲಾಗಿದೆ. ಎಚ್​ಎಎಲ್​ ವಿಮಾನ ನಿಲ್ದಾಣದಿಂದ ಅತೃಪ್ತರನ್ನು ಶಾಸಕರನ್ನು ಎರಡು ಖಾಸಗಿ ವಿಮಾನದಲ್ಲಿ ಗೌಪ್ಯ ರೆಸಾರ್ಟ್​ಗೆ ಕರೆದೊಯ್ಯಲಾಗುತ್ತಿದೆ.

ಮೂಲಗಳ ಮಾಹಿತಿ ಪ್ರಕಾರ ಬಿಜೆಪಿ ಆಡಳಿತದಲ್ಲಿರುವ ಮಹಾರಾಷ್ಟ್ರದ ಮುಂಬೈಗೆ ಶಾಸಕರನ್ನು ಶಿಫ್ಟ್​ ಮಾಡಲಾಗುತ್ತಿದ್ದು, ಬಿಜೆಪಿ ಹೈಕಮಾಂಡ್ ಮುಂದಿನ ಪ್ಲ್ಯಾನ್ ರೂಪಿಸುವವರೆಗೂ ಶಾಸಕರನ್ನು ಅಲ್ಲಿಯೇ ಕಾಯ್ದುಕೊಳ್ಳಲಾಗುತ್ತದೆ ಎನ್ನಲಾಗಿದೆ. ಒಟ್ಟಿನಲ್ಲಿ ರಾಜ್ಯದಲ್ಲಿ ಮತ್ತೊಮ್ಮೆ ರೆಸಾರ್ಟ್ ರಾಜಕಾರಣ ಗರಿಗೆದರಿದ್ದು, ಎಲ್ಲಿಗೆ ಹೋಗಿ ತಲುಪತ್ತೇ ಕಾದು ನೋಡಬೇಕಿದೆ.