ಪಾಕ್ ಪರ ಘೋಷಣೆ ಕೂಗಿದ ಮಗಳು ಮುಂದೇನು ಮಾತನಾಡುತ್ತಿದ್ದಳು ಎಂದು ಕಾದು ನೋಡಬೇಕಿತ್ತು: ಅಮೂಲ್ಯ ತಾಯಿ

ಬೆಂಗಳೂರು: ಸಾರ್ವಜನಿಕ ಸಮಾವೇಶದಲ್ಲಿ ಮಗಳು ಪಾಕಿಸ್ತಾನದ ಪರ ಘೋಷಣೆ ಕೂಗಿದ್ದು ತಪ್ಪು. ಆದರೆ ಆಕೆ ಮುಂದೆ ಏನನ್ನ ಮಾತನಾಡುತ್ತಿದ್ದಳು ಅಂತ ಕಾದು ನೋಡಬೇಕಿತ್ತು ಎಂದು ದೇಶದ್ರೋಹಿ ಘೋಷಣೆ ಕೂಗಿದ ಅಮೂಲ್ಯ ಲಿಯೋನ ತಾಯಿ ಲವೀನಾ ನರೋನಾ ಹೇಳಿದ್ದಾರೆ.

ಪಬ್ಲಿಕ್ ಟಿವಿ ಜೊತೆಗೆ ಮಾತನಾಡಿದ ಲವೀನಾ ನರೋನಾ, ಗಡಿಗಳ ಎಲ್ಲೆ ಇಲ್ಲದೇ ಎಲ್ಲಾ ದೇಶಕ್ಕೂ ಸಮಾನವಾದ ಗೌರವ ಕೊಡಬೇಕು ಅಂತ ಮಗಳು ಒಂದು ಬಾರಿ ಪೋಸ್ಟ್ ಹಾಕಿದ್ದಳು. ಆ ವಿಚಾರವಾಗಿಯೇ ಸಿಎಎ ವಿರೋಧಿ ಸಮಾವೇಶದಲ್ಲಿ ಮಾತನಾಡು ಮುಂದಾಗಿದ್ದಳು ಅಂತ ಅನಿಸುತ್ತದೆ ಎಂದು ಮಗಳ ಪರ ಪರೋಕ್ಷವಾಗಿ ಬ್ಯಾಟ್ ಬೀಸಿದರು.

ನಾವು ಪಾಕಿಸ್ತಾನ, ಬಾಂಗ್ಲಾದೇಶ ಮತ್ತು ಅಫ್ಘಾನಿಸ್ತಾನ ಎಂದು ಎಲ್ಲಾ ದೇಶಗಳಿಗೂ ಗೌರವ ಕೊಡಬೇಕು ಎಂದು ಮಗಳು ಹೇಳಿದ್ದಳು. ಇದಕ್ಕೆ ವೇದಿಕೆಯಲ್ಲಿ ಮಗಳು ಸ್ಪಷ್ಟಣೆ ಕೊಡುತ್ತಿದ್ದಳು. ಪಾಕಿಸ್ತಾನ ಜಿಂದಾಬಾದ್ ಎಂದ ಕೂಡ ಆಕೆವನ್ನು ಪೊಲೀಸರು ವಶಕ್ಕೆ ಪಡೆದರು. ಆದರೆ ಮಗಳು ಹೇಳಿದ್ದು ತಪ್ಪು. ಅವಳ ಪರವಾಗಿ ನಾನು ಕ್ಷಮೆಯಾಚಿಸುತ್ತೇನೆ ಎಂದರು.

ಇದಕ್ಕೂ ಪುತ್ರಿಯ ಹೇಳಿಕೆ ವಿಚಾರವಾಗಿ ಪ್ರತಿಕ್ರಿಯೆ ನೀಡಿದ್ದ ಅಮೂಲ್ಯ ತಂದೆ ವಾಜೀದ್, ನನ್ನ ಮಗಳು ಮಾಡಿದ್ದನ್ನು ಕಂಡಿತ ಒಪ್ಪಿಕೊಳ್ಳುವುದಿಲ್ಲ. ಆಕೆ ಬೇಲ್ ಮೇಲೆ ಹೊರಗೆ ಬರುವುದು ಬೇಡ. 6 ತಿಂಗಳು ಜೈಲಿನಲ್ಲೇ ಇರಲಿ. ಪಾಕಿಸ್ತಾನ ಪರ ಘೋಷಣೆ ಕೂಗಿರುವುದು ಅಕ್ಷರಶಃ ತಪ್ಪು. ಮಗಳ ನಡೆಯನ್ನು ಎಂದಿಗೂ ಸಹಿಸುವುದಿಲ್ಲ ಎಂದು ತಿಳಿಸಿದ್ದರು.