ಉಡುಪಿ: ಕುಂದಾಪುರದಲ್ಲಿ ಆಗಸ್ಟ್ 23 ರ ಭಾನುವಾರ ಶವ ಅದಲು ಬದಲಾದ ಘಟನೆಗೆ ಸಂಬಂಧಿಸಿ ಉಡುಪಿ ಜಿಲ್ಲಾ ಸರ್ಕಾರಿ ಆಸ್ಪತ್ರೆ ಸ್ಪಷ್ಟನೆಯನ್ನು ನೀಡಿದ್ದು ಅಧಿಕ ಒತ್ತಡದಲ್ಲಿ ಕೆಲಸ ನಿರ್ವಹಿಸುತ್ತಿದ್ದೇವೆ ಎಂದು ಹೇಳಿಕೊಂಡಿದ್ದಾರೆ.
ಕೋಟೇಶ್ವರ ನಿವಾಸಿ 60 ಪ್ರಾಯದ ವ್ಯಕ್ತಿಯೊಬ್ಬರು ಕೊರೊನಾ ಸೋಂಕಿನಿಂದ ಸಾವನ್ನಪ್ಪಿದ್ದರು. ಅವರ ದೇಹವನ್ನು ಕೊರೊನಾ ನಿಯಮಾವಳಿ ಪ್ರಕಾರವಾಗಿ ಸಂಪೂರ್ಣವಾಗಿ ಪ್ಯಾಕ್‌ ಮಾಡಿ ಆಂಬುಲೆನ್ಸ್ ಮೂಲಕ ಕುಂದಾಪುರದ ಹಳೇಕೋಟೆ ಸ್ಮಶಾನಕ್ಕೆ ತರಲಾಗಿತ್ತು. ಅಂತಿಮ ಸಂಸ್ಕಾರ ನಡೆಸುವ ಸಂದರ್ಭದಲ್ಲಿ ಪ್ಯಾಕ್‌ನ್ನು ತೆರೆದಾಗ ಮೃತದೇಹ ಅವರದಲ್ಲ ಎಂದು ತಿಳಿದು ಬಂದಿತ್ತು. ಕಾರ್ಕಳ ಮೂಲದ ಓರ್ವ ಯುವಕನ ಮೃತದೇಹವು ಕುಟುಂಬಕ್ಕೆ ಅಂತಿಮ ಸಂಸ್ಕಾರ ನಡೆಸಲು ನೀಡಲಾಗಿತ್ತು.
ಇದೀಗ ಈ ಬಗ್ಗೆ ಸ್ಪಷ್ಟನೆ ನೀಡಿರುವ ಉಡುಪಿ ಜಿಲ್ಲಾ ಸರ್ಕಾರಿ ಆಸ್ಪತ್ರೆ, ಕೋಟೇಶ್ವರ ಮೂಲದ ಉಡುಪಿಯ ಸಿಒವಿಐಡಿ ಆಸ್ಪತ್ರೆಯಲ್ಲಿ ನಿಧನರಾದರು. ಅವರ ಶವವನ್ನು ಅಜ್ಜರಕಾಡು ಜಿಲ್ಲಾ ಸರ್ಕಾರಿ ಆಸ್ಪತ್ರೆಯಲ್ಲಿರುವ ಶವಾಗಾರಕ್ಕೆ ತರಲಾಗಿತ್ತು. ದೇಹದ ಗುರುತಿನ ಟ್ಯಾಗ್ ಪ್ಯಾಕ್‌ ಒಳಗೆ ಇದ್ದು ಅದು ಸರಿಯಾಗಿ ಕಾಣದ ಕಾರಣ ತಪ್ಪಾಗಿ ಕಾರ್ಕಳದ ವ್ಯಕ್ತಿಯ ಶವವನ್ನು ಕುಂದಾಪುರಕ್ಕೆ ಕಳುಹಿಸಲಾಗಿದೆ ಎಂದು ಹೇಳಿದ್ದಾರೆ.
ನಾವು ಕಳೆದ ಐದು ತಿಂಗಳುಗಳಿಂದ ಒಂದು ರಜೆಯನ್ನು ತೆಗೆದುಕೊಳ್ಳದ ಸೀಮಿತ ಸಂಖ್ಯೆಯ ವೈದ್ಯರು ಮತ್ತು ಸಿಬ್ಬಂದಿಯೊಂದಿಗೆ ಈ ಕೊರೊನಾ ಪರಿಸ್ಥಿತಿಯನ್ನು ನಿಭಾಯಿಸುತ್ತಿದ್ದೇವೆ. ಇದಕ್ಕೂ ಮೊದಲು ಸಿಬ್ಬಂದಿಗಳ ಬಗ್ಗೆ ಪ್ರತಿಭಟನೆಗಳು ಮತ್ತು ಆರೋಪಗಳು ಇದ್ದವು. ಇವೆಲ್ಲದರಿಂದ ನಾವು ಒತ್ತಡದಲ್ಲಿದ್ದೇವೆ, ಸ್ವಲ್ಪ ಸಮಯ ಕರ್ತವ್ಯದಿಂದ ಬಿಡುವು ನೀಡುವಂತೆ ವಿನಂತಿಸಿದ್ದಾರೆ. ನಿನ್ನೆ ರಾತ್ರಿ ಅವರಿಗೆ ಸರಿಯಾದ ನಿದ್ರೆಯಿಲ್ಲ. ಕೆಲಸದ ಒತ್ತಡದಿಂದಾಗಿ ದೇಹಗಳು ಅದಲು ಬದಲಾಗಿದೆ. ಕೆಲಸದ ಒತ್ತಡದಿಂದಾಗಿ ಕೆಲವು ಸಿಬ್ಬಂದಿ ಮತ್ತು ವೈದ್ಯರು ತಮ್ಮ ಕರ್ತವ್ಯಕ್ಕೆ ರಾಜೀನಾಮೆ ನೀಡಲು ನಿರ್ಧರಿಸಿದ್ದಾರೆ. ಮುಂದಿನ ದಿನಗಳಲ್ಲಿ ನಾವು ಸಿಬ್ಬಂದಿಗಳ ಕೊರತೆಯನ್ನು ಎದುರಿಸಬಹುದು” ಎಂದು ಜಿಲ್ಲಾ ಶಸ್ತ್ರಚಿಕಿತ್ಸಕರು ಸಹಿ ಮಾಡಿದ ಅಧಿಕೃತ ಪತ್ರಿಕಾ ಪ್ರಕಟಣೆಯಲ್ಲಿ ತಿಳಿಸಲಾಗಿದೆ.
ಇದನ್ನೂ ಓದಿರಿ:
ಉಡುಪಿ: ಕೋವಿಡ್ ಸೋಂಕಿತ 60ವರ್ಷದ ವ್ಯಕ್ತಿ ಮೃತ ದೇಹದ ಬದಲು ಯುವಕನ ಮೃತದೇಹ ಕಳಿಸಿದ ಆಸ್ಪತ್ರೆ!(Video)
Comments are closed.