ಡ್ರಗ್ಸ್ ವಿಚಾರದಲ್ಲಿ ಸಿಸಿಬಿ ತನಿಖೆಗೆ ಸೋಮವಾರ ಹಾಜರಾಗುವುದಾಗಿ ನಟಿ ರಾಗಿಣಿ ಟ್ವೀಟ್..!

ಬೆಂಗಳೂರು: ಕನ್ನಡ ಚಿತ್ರರಂಗದಲ್ಲಿ ಡ್ರಗ್ಸ್ ದಂಧೆ ಪ್ರಕರಣ ದಿನದಿಂದ ದಿನಕ್ಕೆ ಹೊಸ ಹೊಸ ತಿರುವು ಪಡೆಯುತ್ತಿದೆ. ಇದೇ ಪ್ರಕರಣದಲ್ಲಿ ಬುಧವಾರ ರಾತ್ರಿ ಸಿಸಿಬಿ ಪೊಲೀಸರು ನಟಿ ರಾಗಿಣಿ ದ್ವಿವೇದಿಗೆ ನೋಟಿಸ್ ನೀಡಿದ್ದು ಗುರುವಾರ ಹಾಜರಾಗದ ರಾಗಿಣಿ ತಾನು ಸೋಮವಾರ ಹಾಜರಾಗುವುದಾಗಿ ಟ್ವೀಟ್ ಮಾಡಿದ್ದಾರೆ.

ರಾಗಿಣಿ ಆಪ್ತ ಡ್ರಗ್ಸ್ ವಿಚಾರದಲ್ಲಿ ಬಂಧಿತನಾಗಿದ್ದ. ಇದಕ್ಕೆ ಸಂಬಂಧಿಸಿದಂತೆ ಇಂದು ಬೆಳಿಗ್ಗೆ 10 ಗಂಟೆಗೆ ವಿಚಾರಣೆಗೆ ಹಾಜರಾಗಬೇಕು ಎಂದು ನಟಿ ರಾಗಿಣಿ ದ್ವಿವೇದಿಗೆ ಸಿಸಿಬಿ ನೋಟಿಸ್ ನೀಡಿತ್ತು. ಆದರೆ ಇಂದು ಹಾಜರಾಗಲು ಸಾಧ್ಯವಿಲ್ಲ. ನಾನು ಕಾನೂನನ್ನು ಗೌರವಿಸುತ್ತೇನೆ. ನನ್ನ ವಕೀಲರು ಪೊಲೀಸರನ್ನು ಸಂಪರ್ಕ ಮಾಡಿದ್ದು, ನನಗೆ ಬರಲಾಗುವುದಿಲ್ಲ ಎಂದು ತಿಳಿಸಲಾಗಿದೆ. ಮುಂದಿನ ಸೋಮವಾರ ನಾನು ಸಿಸಿಬಿ ಮುಂದೆ ಹಾಜರಾಗುತ್ತೇನೆ ಎಂದು ರಾಗಿಣಿ ಟ್ವೀಟ್ ಮಾಡಿದ್ದಾರೆ.

My advocates have presented themselves before the police, have explained my difficulty in not being able to appear today and have sought time.
I am committed to appear on Monday morning before the police.( contd )

— 👑 Ragini Dwivedi 👑 (@raginidwivedi24) September 3, 2020

I am grateful for all the concern expressed by the public about a notice I received https://t.co/yHsBpREC1M I received it at a very short notice,I was unable to appear today before the CCB police.However out of respect for the process of the law ( contd )

— 👑 Ragini Dwivedi 👑 (@raginidwivedi24) September 3, 2020

ನನಗೆ ವಿಚಾರ ಮರೆಮಾಚಲು ಏನು ಇಲ್ಲ. ಕಾನೂನು ವಿರುದ್ಧದ ಕೃತ್ಯದಲ್ಲಿ ತೊಡಗಿಸಿಕೊಂಡಿರುವವರ ಜೊತೆ ನನಗೆ ಯಾವುದೇ ಸಂಬಂಧವಿಲ್ಲ. ಆದರೂ ಕಾನೂನಿನ ಮೇಲೆ ಗೌರವವಿದ್ದು ನಾನು ವಿಚಾರಣೆಗೆ ಹಾಜರಾಗುತ್ತೇನೆ ಎಂದು ರಾಗಿಣಿ ಹೇಳಿದ್ದಾರೆ.