ಹಿಂದು ಯುವತಿ-ಮುಸ್ಲಿಂ ಯುವಕನ ಮದುವೆ ಬಗ್ಗೆ ವಿಚಾರಣೆ ಮಾಡಿದ ಲಗ್ನಪತ್ರಿಕೆ ಅಂಗಡಿಯವನಿಗೆ ಜೈಲು

ಗುರ್‌ಗಾಂವ್‌: ಲಗ್ನಪತ್ರಿಕೆಯಲ್ಲಿದ್ದ ಹೆಸರು ನೋಡಿ ಸಂಶಯದಿಂದ ಪ್ರಶ್ನಿಸಿದ ತಪ್ಪಿಗೆ ಅಂಗಡಿಯಾತನಿಗೆ ಜೈಲು ಶಿಕ್ಷೆ ಲಭಿಸಿದೆ.

ಗುರ್‌ಗಾಂವ್‌ ಸಮೀಪದ ರಾಜೇಂದರ್ ಪಾರ್ಕ್‌ನ ಹಿಂದು ಯುವತಿಯೋರ್ವಳು ನೆರೆಮನೆಯ ಮುಸ್ಲಿಂ ಯುವಕನನ್ನು ಪ್ರೀತಿಸಿ ಮದುವೆಯಾಗುತ್ತಿದ್ದಳು. ಮದುವೆಗೆ ಎರಡೂ ಕುಟುಂಬದ ಸಮ್ಮತಿಯಿತ್ತು. ಈ ಬಗ್ಗೆ ಲಗ್ನಪತ್ರಿಕೆ ಮಾಡಿಸಲಾಗಿತ್ತು.

ಲಗ್ನಪತ್ರಿಕೆ ಅಂಗಡಿಯವ ಹುಡುಗಿಗೆ ಕರೆಮಾಡಿ ಮದುವೆ ನಿನಗೆ ಇಷ್ಟವಿದೆಯೇ? ಅಥವಾ ಬಲವಂತಕ್ಕೆ ಮಣಿದು ಮದುವೆಯಾಗುತ್ತಿರುವುದೇ ಎಂದು ವಿಚಾರಿಸಿದ್ದಾನೆ.

ಅಂಗಡಿಯಾತನ ವಿಚಾರಣೆ ಕೇಳಿ ಹುಡುಗಿ ಭೀತಿಗೊಂಡಿದ್ದಾಳೆ, ನಂತರ ಮನೆಯವರಿಗೆ ಈ ವಿಚಾರ ತಿಳಿಸಿದ್ದಾರೆ. ಅಂಗಡಿಯಾತ ಮದುವೆ ನಿಲ್ಲಿಸುವ ಯೋಜನೆ ಹೊಂದಿರಬಹುದು ಎಂಬ ಸಂಶಯದಲ್ಲಿ ಆಕೆಯ ಮನೆಯವರು ಪೊಲೀಸರಿಗೆ ದೂರು ನೀಡಿದ್ದಾರೆ.

ಪೊಲೀಸರು ಮದುವೆಗೆ ಬೆದರಿಕೆ ಎಂದು ಪ್ರಕರಣ ದಾಖಲಿಸಿ ಅಂಗಡಿಯಾತನನ್ನು ಬಂಧಿಸಿ ಜೈಲಿಗೆ ತಳ್ಳಿದ್ದಾರೆ. ಆತನ ವಿಚಾರಣೆ ನಡೆಯಲಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.

ಮೂಲ ವರದಿ: ನವಭಾರತ್ ಟೈಮ್ಸ್‌