ಮಥುರಾ: ಕಟ್ಟೆಯ ಮೇಲೆ ಕುಳಿತಿದ್ದ ಹಾವಾಡಿಗರು ಬುಟ್ಟಿಯಿಂದ ಹಾವನ್ನು ಹೊರತೆಗೆದು ಪುಂಗಿ ಊದಲಾರಂಭಿಸಿದರು. ಜನರು ಕುತೂಹಲದಿಂದ ಸುತ್ತ ಸೇರುತ್ತಾ ಇರುವಷ್ಟರಲ್ಲಿ ಹಿಂದಿನ ಕಟ್ಟಡದಿಂದ ವಿಲನ್ ರೀತಿ ಹಾರಿ ಬಂದ ಮಂಗ ಅಲ್ಲಿದ್ದ ಹಾವನ್ನು ಎತ್ತಿಕೊಂಡು ಓಡಿಹೋಯಿತು!
ಉತ್ತರ ಪ್ರದೇಶದ ಮಥುರಾದಲ್ಲಿ ಹಾವಾಡಿಗರು ಮತ್ತು ಸಾರ್ವಜನಿಕರ ಮುಂದೆಯೇ ಹಾವನ್ನು ಎತ್ತಿಕೊಂಡು ಹೋದ ವಿಡಿಯೋ ವೈರಲ್ ಆಗಿದೆ.
ತಾವು ಪಳಗಿಸಿದ ಹಾವನ್ನು ಮಂಗಗಳು ಎತ್ತಿಕೊಂಡು ಹೋದ ಕೂಡಲೇ ಹಾವಾಡಿಗರು ಅವುಗಳ ಹಿಂದೆ ಓಡಿದರೂ ಹಾವನ್ನು ಅವುಗಳ ಹಿಡಿತದಿಂದ ಬಿಡಿಸಿಕೊಳ್ಳಲು ಸಾಧ್ಯವಾಗಲಿಲ್ಲ. ಇಲ್ಲಿರುವ ಕೋತಿಗಳ ಅವಾಂತರಗಳು ಇಲ್ಲಿ ಬಹಳ ಪ್ರಸಿದ್ಧಿ ಪಡೆದಿವೆ. ಸುತ್ತಮುತ್ತ ಕುಳಿತವರ ಮೊಬೈಲ್ಗಳು, ಕನ್ನಡಕ, ಹ್ಯಾಂಡ್ ಬ್ಯಾಗ್ಗಳನ್ನು ಎತ್ತಿಕೊಂಡು ಕಟ್ಟಡ ಅಥವಾ ಮರದ ಮೇಲೆ ಹತ್ತಿ ಕುಳಿತುಕೊಳ್ಳುವ ಕೋತಿಗಳಿಗೆ ತಿನ್ನಲು ಬಿಸ್ಕತ್, ಚಿಪ್ಸ್ನಂತಹವುಗಳನ್ನು ಏನಾದರೂ ನೀಡಿದರೆ ತಮ್ಮ ಕೈಲಿದ್ದ ವಸ್ತುಗಳನ್ನು ವಾಪಾಸ್ ನೀಡುತ್ತವೆ. ಇಲ್ಲವಾದರೆ ಅವುಗಳ ಆಸೆ ಬಿಡುವುದೊಂದೇ ದಾರಿ.
ಕಟ್ಟಡ ಹತ್ತಿ ಕುಳಿತ ಮಂಗಗಳ ಬಳಿ ಹೋಗಲಾರದೆ ಹಾವಾಡಿಗ ಪರದಾಡಬೇಕಾಯಿತು. ಎತ್ತರವಾಗಿದ್ದ ಕಟ್ಟಡವನ್ನು ಹತ್ತಲಾರದೆ ಹಾವಾಡಿಗ ವಾಪಾಸಾಗಿದ್ದನ್ನು ವಿಡಿಯೋದಲ್ಲಿ ನೋಡಬಹುದು.
Comments are closed.