ಪಣಜಿ: ಕರೋನವೈರಸ್ ಸಾಂಕ್ರಾಮಿಕ ಕತ್ತಲೆಯ ಮಧ್ಯೆ ಗೋವಾದಿಂದ ಕೆಲವು ಒಳ್ಳೆಯ ಸುದ್ದಿ ಕೇಳಿಬರುತ್ತಿದೆ. ಈ ರಾಜ್ಯವು ಶೂನ್ಯ COVID -19 ಸಕಾರಾತ್ಮಕ ಪ್ರಕರಣವನ್ನು ವರದಿ ಮಾಡಿದೆ. ಕಳೆದ ಎರಡು ವಾರಗಳಿಂದ ರಾಜ್ಯದಲ್ಲಿ ಯಾವುದೇ ಹೊಸ ಕೊರೋನಾ ಪ್ರಕರಣ ವರದಿಯಾಗಿಲ್ಲ.
ಗೋವಾದಲ್ಲಿ ಕೇವಲ ಏಳು ಕೊರೋನಾವೈರಸ್ (Coronavirus) ಪ್ರಕರಣಗಳು ವರದಿಯಾಗಿವೆ, ಇವುಗಳಲ್ಲಿ ಆರು ಮಂದಿ ಚೇತರಿಕೆ ಕಂಡಿದ್ದು ಏಳನೇ ರೋಗಿಯ ಮಾದರಿಗಳು ಎರಡು ಬಾರಿ ನಕಾರಾತ್ಮಕತೆಯನ್ನು ಪರೀಕ್ಷಿಸಿವೆ.
ಎಲ್ಲಾ ಏಳು ಪ್ರಕರಣಗಳು ಉತ್ತರ ಗೋವಾದಿಂದ ವರದಿಯಾಗಿವೆ, ದಕ್ಷಿಣ ಗೋವಾದನ್ನು ಹಸಿರು ವಲಯವೆಂದು ಘೋಷಿಸಲಾಗಿದೆ. ಏಕೆಂದರೆ ರಾಜ್ಯದ ಆ ಭಾಗದಿಂದ ಒಂದೇ ಒಂದು COVID-19 ಸೋಂಕಿನ ಪ್ರಕರಣ ಕೂಡ ವರದಿಯಾಗಿಲ್ಲ.
ಈಗ ಉತ್ತರ ಗೋವಾದಲ್ಲಿ ಯಾವುದೇ ಹೊಸ ಪ್ರಕರಣಗಳಿಲ್ಲದೆ ಇರುವ ಕಾರಣ ಇಡೀ ಗೋವಾವನ್ನು ಹಸಿರು ವಲಯವೆಂದು ಘೋಷಿಸುವ ನಿರೀಕ್ಷೆಯಿದೆ. ಇಡೀ ಗೋವಾವನ್ನು ಹಸಿರು ವಲಯ ಎಂದು ಘೋಷಿಸುವಂತೆ ರಾಜ್ಯ ಸರ್ಕಾರ ಕೇಂದ್ರ ಸರ್ಕಾರಕ್ಕೆ ಪತ್ರ ಬರೆದಿದೆ.
Comments are closed.