ಹೈದ್ರಾಬಾದ್: ಭಾರತದ ಪ್ರಸಿದ್ದ ದೇವಾಲಯವಾಗಿರುವ ತಿರುಪತಿ ತಿರುಮಲನ ದರ್ಶನ ಮಾಡಿದವರು ಅಲ್ಲಿನ ಲಡ್ಡು ಪ್ರಸಾದ ತೆಗೆದುಕೊಂಡು ಬರದೆ ಇರೊದೇ ಇಲ್ಲ. ಯಾಕಂದ್ರೆ ತಿಮ್ಮಪ್ಪನ ಪ್ರಸಾದಕ್ಕೆ ಅದರದೇ ಆದ ವಿಶೇಷತೆ ಇದೆ. ಇದೀಗ ಲಾಕ್‌ಡೌನ್‌ ಬಳಿಕ ಮತ್ತೆ ಲಡ್ಡು ಪ್ರಸಾದ ವಿತರಣೆ ಆರಂಭವಾಗಿದೆ.
ತಿರುಪತಿ ತಿರುಮಲ ದೇವಸ್ಥಾನಂ ಮಂಡಳಿ ಲಡ್ಡು ಪ್ರಸಾದಂನ್ನ ಮಾರಾಟ ಮಾಡುತ್ತಿದೆ. ತಿರುಪತಿ ದೇವಾಲಯದ ಪ್ರಸಾದಕ್ಕೆ ಭಾರೀ ಬೇಡಿಕೆ ವ್ಯಕ್ತವಾಗುತ್ತಿದೆ. ಭಾನುವಾರದಿಂದ ಆರಂಭವಾದ ಲಡ್ಡು ಪ್ರಸಾದ ವಿತರಣೆಗೆ ಜನರು ಭಾರೀ ಸಂಖ್ಯೆಯಲ್ಲಿ ಬಂದು ಖರೀದಿಸುತ್ತಿದ್ದಾರೆ. ವಿಶೇಷವಂದರೆ ಅತೀ ಕಡಿಮೆ ಬೆಲೆ ಅಂದರೆ 25 ರೂ.ಗೆ ಲಡ್ಡನ್ನ ಮಂಡಳಿ ನೀಡುತ್ತಿದೆ.
ಕೊರೊನಾ ಬಿಕ್ಕಟ್ಟಿನ ಹಿನ್ನೆಲೆ ಜನರಿಗೆ ತೊಂದರೆಯಾಗಬಾರದು ಎನ್ನುವ ಉದ್ದೇಶದಿಂದ ಈ ರೀತಿ ಮಾಡಲಾಗುತ್ತಿದೆ ಎಂದು ದೇವಸ್ಥಾನದ ಆಡಳಿತ ಮಂಡಳಿ ತಿಳಿಸಿದೆ. ಇನ್ನು ಈ ಬಗ್ಗೆ ಪ್ರತಿಕ್ರಿಯೆ ನೀಡಿರುವ ಟಿಟಿಡಿ ಅಧಿಕಾರಿ ರಮೇಶ್‌, ನಿನ್ನೆ ಒಂದೇ ದಿನ ನಾವು 60,000 ಲಡ್ಡುಗಳನ್ನ ಹೈದ್ರಾಬಾದ್‌ನಲ್ಲಿ ಸೇಲ್‌ ಮಾಡಿದ್ದೆವು. ಜನರು ಕೂಡ ಸಾಮಾಜಿಕ ಅಂತರ ಕಾಯ್ದುಕೊಂಡು, ಮಾಸ್ಕ್‌ಗಳನ್ನ ಧರಿಸಿ ಪ್ರಸಾದ ಖರೀದಿಸುತ್ತಿದ್ದಾರೆ ಎಂದು ತಿಳಿಸಿದ್ದಾರೆ.
ಲಾಕ್‌ಡೌನ್‌ ಇದ್ದರು ಲಡ್ಡು ಪ್ರಸಾದಕ್ಕೆ ಬೇಡಿಕೆ ಕಡಿಮೆಯಾಗಿಲ್ಲ ಎಂದು ತಿಳಿಸಿದ್ದಾರೆ. ಇನ್ನು ಲಡ್ಡು ಖರಿದೀಸಲು ಬಂದ ಸಾಯಿ ಹರಿ ಕುಮಾರ್‌ ಪ್ರತಿಕ್ರಿಯಿಸಿದ್ದು, ನಾನು ಇಂದು ನಮ್ಮ ಕುಟುಂಬಕ್ಕಾಗಿ ಒಟ್ಟು 16 ಲಡ್ಡುಗಳನ್ನ ಖರೀದಿಸಿದೆ. ಸರ್ಕಾರದ ಈ ನಿರ್ಧಾರದಿಂದ ತುಂಬ ಖುಷಿಯಾಗಿದೆ ಎಂದು ತಿಳಿಸಿದ್ದಾರೆ. ಲಾಕ್‌ಡೌನ್‌ ಹಿನ್ನೆಲೆ ತಿರುಪತಿ ದೇವಾಲಯ ಬಂದ್‌ ಆಗಿದೆ. ಜೂನ್‌. 8 ರಂದು ದೇವಾಲಯ ತೆರೆಯುವ ಸಾಧ್ಯತೆ ಇದೆ.
Comments are closed.