ಮುಂಬರುವ ಪುಸ್ತಕದಲ್ಲಿ ಅಕ್ರಂ ಲೈಂಗಿಕ ಜೀವನದ ಕುರಿತು ಬರೆದ ಇಮ್ರಾನ್ ಮಾಜಿ ಪತ್ನಿ ರೇಹಮ್ ಖಾನ್

ಇಸ್ಲಾಮಾಬಾದ್: ಪಾಕಿಸ್ತಾನ ಕ್ರಿಕೆಟ್ ತಂಡದ ಮಾಜಿ ಕ್ರಿಕೆಟಿಗ ಹಾಗೂ ರಾಜಕಾರಣಿ ಇಮ್ರಾನ್ ಖಾನ್ ಅವರ ಮಾಜಿ ಪತ್ನಿ ರೇಹಮ್ ಖಾನ್ ಅವರಿಗೆ ಪಾಕಿಸ್ತಾನದ ಮಾಜಿ ಕ್ರಿಕೆಟ್ ಸ್ಟಾರ್ ವಾಸೀಂ ಅಕ್ರಂ ಕಾನೂನು ನೋಟಿಸ್ ಜಾರಿ ಮಾಡಿದ್ದಾರೆ.

ರೇಹಮ್ ಖಾನ್ ಅವರು ತಮ್ಮ ಮುಂಬರುವ ಪುಸ್ತಕದಲ್ಲಿ ಲೈಂಗಿಕ ಜೀವನದ ಬಗ್ಗೆ ವಿವಾದತ್ಮಾಕ ಅಂಶಗಳನ್ನು ಬಹಿರಂಗ ಮಾಡಿರುವುದರಿಂದ ಅಕ್ರಂ ಸೇರಿದಂತೆ ನಾಲ್ಕು ಮಂದಿಯರು ಕಾನೂನು ಕ್ರಮಕ್ಕೆ ಮುಂದಾಗಿದ್ದಾರೆ.

ಅಕ್ರಂ ಜತೆಗೆ ರೇಹಮ್ ಮೊದಲ ಪತಿ ಡಾ. ಇಜಾಜ್ ರೆಹ್ಮಾನ್, ಬ್ರಿಟಿಷ್ ಉದ್ಯಮಿ ಸೈಯದ್ ಜುಲ್ಫಿಕರ್ ಬುಖಾರಿ ಮತ್ತು ಇಮ್ರಾನ್ ಖಾನ್‌ನ ತೆಹ್ರರಿಕ್ ಇ ಇನ್ಸಾಫ್ ಪಕ್ಷದ ಮಾಧ್ಯಮ ಸಂಯೋಜಕ ಅನಿಲಾ ಖವಾಜಾ ದೂರು ದಾಖಲಿಸಿದ್ದಾರೆ.

ಇಮ್ರಾನ್ ಖಾನ್ ಜತೆಗಿನ ರೇಹಮ್ ಖಾನ್ ಅವರ ವೈವಾಹಿಕ ಜೀವನವು ಕೇವಲ 15 ತಿಂಗಳಲ್ಲಿ ಮುರಿದು ಬಿದ್ದಿತ್ತು. ಇದೀಗ ಆನ್ಲೈನ್‌ನಲ್ಲಿ ಲೀಕ್ ಆಗಿರುವ ತಮ್ಮ ಪುಸ್ತಕದಲ್ಲಿ ಅನೇಕ ಸೆಲೆಬ್ರಿಟಿಗಳ ಜತೆಗಿನ ಲೈಂಗಿಕ ಸಂಬಂಧದ ಬಗ್ಗೆ ಬಹಿರಂಗ ಮಾಡಿದ್ದಾರೆ.

ಪಶ್ಚಿಮ ಲಂಡನ್ ಕಾನೂನು ವಿಭಾಗವು ಮಾನನಷ್ಟ ಮೊಕದ್ದಮೆಗೆ ಸಂಬಂಧಿಸಿದಂತೆ ಮೇ 30ರಂದು ರೇಹಮ್‌ಗೆ ನೋಟಿಸ್ ಜಾರಿಗೊಳಿಸಿದೆ. ಇದರಲ್ಲಿ ದುರದ್ದೇಶಪೂರಿತ, ಸುಳ್ಳು, ತಪ್ಪು, ತಿರುಚಿದ, ಹಾನಿಕಾರಕ ಮಾನನಷ್ಟ ಮೊಕದ್ದಮೆಯನ್ನು ಉಲ್ಲೇಖಿಸಲಾಗಿದೆ.

ಆನ್ಲೈನ್‌ನಲ್ಲಿ ಸೋರಿಕೆಯಾದ 402 ಹಾಗೂ 572ನೇ ಪುಟದಲ್ಲಿ ದಿವಂಗತ ಹೆಂಡತಿಯನ್ನು ಅಕ್ರಂ ತಮ್ಮ ಕಾಮ ತೃಷೆ ತೀರಿಸಿಕೊಳ್ಳಲು ಬಳಸಿಕೊಂಡಿದ್ದರು ಎಂದು ಆರೋಪಿಸಲಾಗಿದೆ.