ಕಾರಿನ ಬೆಲೆಯನ್ನು ಮೀರಿಸುವ ಕೀ

ಜಗತ್ತಿನಾದ್ಯಂತ ಹಲವಾರು ಕಾರು ಕಂಪೆನಿಗಳು ಐಷರಾಮಿ ಕಾರುಗಳನ್ನು ಮಾರಾಟ ಮಾಡುತ್ತಿರುವುದು ಬಹುತೇಕರಿಗೆ ಗೊತ್ತಿರುವ ವಿಚಾರ. ಆದರೆ ವಿಶೇಷವೆಂದರೆ ದುಬಾರಿ ಕಾರಿನ ಬೆಲೆಗಿಂತ ಕಾರಿನ ಕೀಗಳು ಮಾರಾಟವಾಗುತ್ತಿರುವುದು ಸದ್ಯದ ಟ್ರೆಂಡಿಂಗ್​ ವಿಚಾರ. ಐಷಾರಾಮಿ ಕಾರುಗಳನ್ನು ಉತ್ಪಾದಿಸುವ ಬುಗಾಟಿ, ರೋಲ್ಸ್​ ರಾಯ್ಸ್​, ಬೆಂಟ್ಲಿ, ಮಸೆರಿಟಿ, ಮೆಕ್ಲೆರನ್​ ​ಮುಂತಾದ ಕಾರುಗಳು ಕೋಟಿ ಬೆಲೆಯಲ್ಲಿ ಕಾರುಗಳನ್ನು ಮಾರಾಟ ಮಾಡುತ್ತಿದೆ. ಆದರೆ ದುಬಾರಿ ಕಾರುಗಳನ್ನು ಹಿಂದಿಕ್ಕುವ ಕಾರಿನ ಕೀ ಬೆಲೆಯು ಅಚ್ಚರಿ ಉಂಟು ಮಾಡುವುದಲ್ಲಿ ಯಾವುದೇ ಸಂದೇಹವಿಲ್ಲ.

ಅವೈನ್​ ಎಂಬ ಸಂಸ್ಥೆ ಐಷಾರಾಮಿ ಕಾರುಗಳ ಬೆಲೆಗೆ ತಕ್ಕಂತೆ ಕಾರಿನ ಕೀಯನ್ನು ವಿಭಿನ್ನವಾಗಿ ನಿರ್ಮಾಣಮಾಡಿ ಮಾರಾಟ ಮಾಡುತ್ತಿದೆ. ಕಾರುಗಳ ಬೆಲೆಗೆ ತಕ್ಕಂತೆ ಮತ್ತು ಗ್ರಾಹಕರ ಬೇಡಿಕೆಗೆ ಅನುಗುಣವಾಗಿ 3 ಲಕ್ಷದಿಂದ 4 ಕೋಟಿಯಷ್ಟು ಬೆಲೆಬಾಳುವ ಕಾರಿನ ಕೀ ಮಾದರಿಗಳನ್ನು ಅವೈನ್​ ಸಂಸ್ಥೆ ಉತ್ಪಾದಿಸುತ್ತಿದೆ.

ಇದನ್ನೂ ಓದಿ: ಮಂಡ್ಯದಲ್ಲಿ ಈಬಾರಿ ಸುಮಲತಾ ಹೆಚ್ಚಿನ ಮತಗಳ ಅಂತರದಿಂದ ಗೆಲುವು ಸಾಧಿಸಲಿದ್ದಾರೆ: ಜಗದೀಶ್​ ಶೆಟ್ಟರ್​

ಅವೈನ್​ ಸಂಸ್ಥೆ ತಯಾರಿಸುವ ಕಾರು ಕೀಗಳಿಗೆ ಉತ್ಕೃಷ್ಟ ಗುಣಮಟ್ಟದ ಬಂಗಾರ ಮತ್ತು ವಜ್ರದ ಹರಳು ಉಪಯೋಗಿಸಲಾಗುತ್ತಿದ್ದು, ಕಾರಿನ ಬೆಲೆಗೆ ತಕ್ಕಂತೆ ಕೀಗಳನ್ನು ಮಾರಾಟ ಮಾಡುತ್ತಿದೆ.

ಅವೈನ್​ ಸಂಸ್ಥೆಯ ತಯಾರಿಸುತ್ತಿರುವ ಕಾರು ಕೀ ಸಂಪೂರ್ಣ ಕೈ ಕೌಶಲ್ಯದಿಂದ ಸಿದ್ಧಪಡಿಸಲಾಗುತ್ತಿದ್ದು, ಕೀ ಮೇಲ್ಬಾಗದಲ್ಲಿ ಬಂಗಾರದ ಕವಚ ಮತ್ತು ವಜ್ರದ ಹರಳುಗಳಿಂದ ವಿನ್ಯಾಸ ಮಾಡಲಾಗುತ್ತದೆ