ಭಾರತ-ಚೀನಾ ಗಡಿ ಯಾಕ್​ ಪ್ರಾಣಿಗಳ ಹಿಂಡು -ಯಾಕ್​ಗಳಲ್ಲಿ ಬೇಹುಗಾರಿಕಾ ಸಾಧನ ಬಗ್ಗೆ ಸಂಶಯ.

ಚೀನಾ ಮತ್ತು ಭಾರತ ನಡುವೆ ಗಡಿವಿವಾದ ನಡೆಯುತ್ತಿದ್ದು, ಹೀಗಿರುವಾಗ ಚೀನಾದಿಂದ ಬಂದಂತಹ ಯಾಕ್​ ಪ್ರಾಣಿಗಳ ಹಿಂಡು ಸಂಶಯಕ್ಕೆ ಎಡೆಮಾಡಿದೆ.

ಜಾನುವಾರುಗಳು ಮುಗ್ಧ ಜೀವಿಗಳೇ ಆಗಿದ್ದರು ಅವು ಚೀನಾಗೆ ಸೇರಿದ್ದಾಗಿದ್ದರಿಂದ ಸಂಶಯ ಬರದೇ ಇರದು. ಭಾರತ ಮತ್ತು ಚೀನಾ ದೇಶಗಳ ಯೋಧರು ಲಡಾಖ್‌ನ ಪ್ಯಾಂಗೊಂಗ್ ಸರೋವರದ ದಕ್ಷಿಣದಲ್ಲಿ ಜಮಾವಣೆಗೊಳ್ಳುತ್ತಿದ್ದ ಸಮಯದಲ್ಲೇ ಈ ಪ್ರಾಣಿಗಳ ಹಿಂಡು ಗಡಿ ದಾಟಿ ಬಂದಿದ್ದವು,ಈ ವೇಳೆ ಅಲ್ಲಿಯೇ ಇದ್ದ ಭಾರತೀಯ ಸೈನಿಕರು ಅವುಗಳನ್ನು ತಮ್ಮ ವಶಕ್ಕೆ ಪಡೆದುಕೊಂಡಿದ್ದರು. 7 ದಿನಗಳವರೆಗೆ ಅವುಗಳ ಪಾಲನೆ ಮಾಡಿದ್ದ ಯೋಧರು ಮಾನವೀಯತೆ ದೃಷ್ಠಿಯಿಂದ ಚೀನಾ ಮಾಲೀಕರಿಗೆ ಹಿಂದಿರುಗಿಸಿದ್ದರು.

ಪ್ರಾಣಿಗಳನ್ನು ಬಳಸಿ ಮಾಹಿತಿಗಳನ್ನು ಪಡೆದ ಅನೇಕ ಉದಾಹರಣೆಗಳನ್ನು ಕಣ್ಣ ಮುಂದೆ ಇರುವಾಗ ಯಾಕ್​ ಪ್ರಾಣಿಗಳನ್ನು ಯಾವುದೇ ಕಾರಣಕ್ಕೂ ನಿರ್ಲಕ್ಷಿಸುವಂತಿಲ್ಲ ಎಂಬುದು ತಜ್ಞರ ಅಭಿಮತವಾಗಿದೆ

ಯಾಕ್​ ಪ್ರಾಣಿ ಬೇಹುಗಾರಿಕಾ ಸಾಧನ ಎಂಬ ಸಂಶಯ ?
ಯಾಕ್​ ಪ್ರಾಣಿಗಳನ್ನು ಇಂಡಿಯನ್​ ಆರ್ಮಿ ಮಾನವೀಯತೆ ದೃಷ್ಠಿಯಿಂದ ಹಿಂದಿರುಗಿಸಿತು. ಆದರೆ, ಇದೇ ಯಾಕ್​ಗಳಲ್ಲಿ ಬೇಹುಗಾರಿಕಾ ಸಾಧನವಿರಬಹುದಾ ಎಂಬ ಪ್ರಶ್ನೆ ಮೂಡಿದ್ದು, ಅದನ್ನು ತಳ್ಳಿಹಾಕುವಂತಿಲ್ಲ. ಉದಾಹರಣೆ ಕಳೆದ ವರ್ಷದ ಏಪ್ರಿಲ್​ನಲ್ಲಿ ನಾರ್ವೆ ಕರಾವಳಿಯಲ್ಲಿ ಬೆಲುಗಾ ತಿಮಿಂಗಿಲವನ್ನು ಹಿಡಿಯಲಾಗಿತ್ತು. ತುಂಬಾ ಬುದ್ಧಿವಂತ ಹಾಗೂ ಸ್ನೇಹ ಸ್ವಭಾವದ ಪ್ರಾಣಿಯಾಗಿರುವ ಬೆಲುಗಾ ತಲೆಯ ಸುತ್ತ ಗುಪ್ತಚರ ಇಲಾಖೆಗೆ ಸೂಚನೆ ನೀಡುವಂತಹ ಎಲೆಕ್ಟ್ರಾನಿಕ್​ ಸಾಧನವನ್ನು ಅಳವಡಿಸಲಾಗಿತ್ತು.