ಹೊಟ್ಟೆ ಭಾಗದಲ್ಲಿ ಸಂಗ್ರಹವಾಗಿರುವ ಕೊಬ್ಬು ಅನಾರೋಗ್ಯಕ್ಕೆ ಸಂಕೇತ. ತೂಕ ಕಡಿಮೆಯಾದರೂ, ಈ ಭಾಗದಲ್ಲಿನ ಕೊಬ್ಬು ಕರಗಿಸಿಕೊಳ್ಳುವುದು ಮಾತ್ರ ತುಂಬ ಕಷ್ಟಕರವಾದ ಕೆಲಸ. ಹೊಟ್ಟೆ ಮುಂದೆ ಬರುವ ಕಾರಣ ಇಷ್ಟವಾದ ಟೀ-ಷರ್ಟ್ ಹಾಕಿಕೊಳ್ಳಲು ಸಾಧ್ಯವಾಗಲ್ಲ. ಇನ್ನು ಮಹಿಳೆಯರಿಗೆ ಇದರಿಂದ ಇನ್ನಷ್ಟು ಸಮಸ್ಯೆಗಳು ಜಾಸ್ತಿ ಇರುತ್ತವೆ. ಆದರೆ ಸುಮಾರು 10-15 ದಿನಗಳಲ್ಲಿ ಈ ಸಮಸ್ಯೆಯಿಂದ ಹೊರಬರಬಹುದು. ಅದೂ ಸರಳವಾದ ಮನೆ ಮದ್ದಿನ ಮೂಲಕ. ಶುಂಠಿ, ಜೀರಿಗೆ ಮಿಶ್ರಣದಿಂದ ಡೊಳ್ಳು ಹೊಟ್ಟೆಯನ್ನು ಸಪಾಟಾಗಿ ಮಾಡಿಕೊಳ್ಳಬಹುದು. ಇನ್ನು ಮಹಿಳೆಯರಿಗೆ ಇದರಿಂದ ಇನ್ನಷ್ಟು ಸಮಸ್ಯೆಗಳು ಜಾಸ್ತಿ ಇರುತ್ತವೆ . ಆದರೆ ಸುಮಾರು 10-15 ದಿನಗಳಲ್ಲಿ ಈ ಸಮಸ್ಯೆಯಿಂದ ಹೊರಬರಬಹುದು .
ಜೀರ್ಣ ಸಂಬಂಧಿ ಸಮಸ್ಯೆ
ನಮ್ಮ ಅಡುಗೆ ಮನೆಯಲ್ಲಿ ಕಡ್ಡಾಯವಾಗಿ ಇರುವ ಪದಾರ್ಥಗಳಲ್ಲಿ ಶುಂಠಿ ಒಂದು. ಆಹಾರಕ್ಕೆ ವಿಶೇಷ ರುಚಿಯನ್ನು ಕೊಡುವುದರ ಜತೆಗೆ ಅನೇಕ ಔಷಧಿ ಗುಣಗಳು ಕೂಡ ಶುಂಠಿಯಲ್ಲಿವೆ. ಜೀರ್ಣ ಸಂಬಂಧಿ ಸಮಸ್ಯೆಗಳನ್ನು ಹೋಗಲಾಗಿಡಿಸಿಕೊಳ್ಳಲು ನೂರಾರು ವರ್ಷಗಳಿಂದ ಶುಂಠಿ ಬಳಸುತ್ತಿದ್ದಾರೆ. ಇದು ದೇಹದಲ್ಲಿನ ಉಷ್ಣತೆಯನ್ನು ಹೆಚ್ಚಿಸಿ ಜೀರ್ಣಕ್ರಿಯೆಯನ್ನು ಉತ್ತಮ ಪಡಿಸುತ್ತದೆ.
ಜೀರಿಗೆಯ ಪ್ರಾಮುಖ್ಯತೆ
ಇನ್ನು ಭಾರತೀಯ ಅಡುಗೆಯಲ್ಲಿ ಜೀರಿಗೆಯ ಪ್ರಾಮುಖ್ಯತೆ ಬಗ್ಗೆ ಬಿಡಿಸಿ ಹೇಳಬೇಕಾಗಿಲ್ಲ. ಇದು ‘ಮೆಡಿಟರೇನಿಯನ್’ ಸಮುದ್ರ ಪ್ರದೇಶದ ಸುಗಂಧ ದ್ರವ್ಯ ಆಗಿದ್ದರೂ ನಾವು ಅಡುಗೆಯಲ್ಲಿ ಬಳಸುತ್ತೇವೆ. ಇದರಲ್ಲಿ ಪೊಟ್ಯಾಷಿಯಂ, ಕಬ್ಬಿಣ, ಫೈಬರ್ ಅಂಶಗಳು ಹೆಚ್ಚಿನ ಪ್ರಮಾಣದಲ್ಲಿರುತ್ತವೆ. ಇವಿಷ್ಟೇ ಅಲ್ಲದೆ ಅಲ್ಪ ಪ್ರಮಾಣದಲ್ಲಿ ಸಿ, ಕೆ ವಿಟಮಿನ್‌ಗಳು ಸಹ ಲಭಿಸುತ್ತವೆ. ದೇಹದಲ್ಲಿ ಸಂಗ್ರಹವಾಗಿರುವ ಅನಾರೋಗ್ಯಕರವಾದ ಕೊಬ್ಬನ್ನು ಜೀರಿಗೆ ಕರಗಿಸುತ್ತದೆ.
ಕೊಬ್ಬು ಕರಗಿಸುವ ಮನೆಮದ್ದು
ಹೊಟ್ಟೆ ಭಾಗದ ಕೊಬ್ಬು ಕರಗಿಸುವ ಮನೆಮದ್ದು ತಯಾರಿಸಿಕೊಳ್ಳಲು ಒಂದು ಟೇಬಲ್ ಸ್ಫೂನ್ ಜೀರಿಗೆ ತೆಗೆದುಕೊಳ್ಳಿ. ಇದನ್ನು ಅರ್ಧ ಲೀಟರ್ ನೀರಿನಲ್ಲಿ ಹಾಕಿ ಅರ್ಧದಷ್ಟು ಪ್ರಮಾಣಕ್ಕೆ (250 ಮಿಲಿ ಲೀಟರ್) ಕುದಿಸಿಕೊಳ್ಳಿ. ಇದಕ್ಕೆ ಶುಂಠಿ, ದಾಲ್ಚಿನಿ ಚಕ್ಕೆ, ತಾಜಾ ನಿಂಬೆರಸ ಸಹ ಬೆರೆಸಿಕೊಳ್ಳಬಹುದು. ಈಗ ಈ ಮಿಶ್ರಣವನ್ನು ಹತ್ತು ದಿನಗಳ ಕಾಲ ಬೆಳಗ್ಗೆ ಖಾಲಿ ಹೊಟ್ಟೆಯಲ್ಲಿ ಕುಡಿಯುವುದರಿಂದ ಹೊಟ್ಟೆ ಭಾಗದಲ್ಲಿ ಸಂಗ್ರಹವಾಗಿರುವ ಕೊಬ್ಬನ್ನು ಕರಗಿಸಿಕೊಳ್ಳಬಹುದು. ನಿತ್ಯ 45 ನಿಮಿಷಗಳ ಕಾಲ ವ್ಯಾಯಾಮ ಮಾಡುತ್ತಾ, ಆಹಾರ ನಿಯಮಗಳನ್ನು ಪಾಲಿಸಿದರೆ ಉತ್ತಮವಾದ ಫಲಿತಾಂಶ ಸಿಗುತ್ತದೆ. ಶುಂಠಿ, ಜೀರಿಗೆ ಜೀರ್ಣಕ್ರಿಯೆಯನ್ನು ಉತ್ತಮ ಪಡಿಸುತ್ತದೆ. ಹಾಗಾಗಿ ಕ್ಯಾಲೊರಿಗಳು ಶೀಘ್ರವಾಗಿ ಖರ್ಚಾಗಿ ತೂಕ ಕಡಿಮೆಯಾಗುತ್ತಾರೆ.
Comments are closed.