ಕರ್ನಾಟಕದ ಉದ್ಯೋಗ ಕನ್ನಡಿಗರಿಗೆ ಸಿಗಲಿ ಎಂಬ ಆಶಯದೊಂದಿಗೆ ಕನ್ನಡ ಪರ ಸಂಘಟನೆಗಳು ಬೆಂಗಳೂರಿನಲ್ಲಿ 24 ಗಂಟೆಗಳ ಕಾಲ ಅಹೋರಾತ್ರಿ ಹೋರಾಟ ಹಮ್ಮಿಕೊಂಡಿವೆ. ಆ.14 ಮತ್ತು 15ರಂದು ನಡೆಯಲಿರುವ ಈ ಹೋರಾಟಕ್ಕೆ ಕನ್ನಡ ಚಲನಚಿತ್ರದ ರಂಗದ ಅನೇಕರು ಬೆಂಬಲ ಸೂಚಿಸಿದ್ದಾರೆ. ಈ ಹೋರಾಟದಲ್ಲಿಪಾಲ್ಗೊಳ್ಳುವುದಾಗಿಯೂ ಹೇಳಿದ್ದಾರೆ.
ನಾನೂ ಹೋರಾಟಕ್ಕೆ ಹೋಗುವೆ : ಉಪೇಂದ್ರ
ಕನ್ನಡಿಗರಿಗೆ ಕರ್ನಾಟಕಕ್ಕೆ ಮೊದಲ ಪ್ರಾಶಸ್ತ್ಯ ಸಿಗಲೇಬೇಕು. ಅದು ಎಲ್ಲರ ಆಸೆ, ಎಲ್ಲರ ಕನಸು. ಇದಕ್ಕೆ ಒಂದು ಹೋರಾಟ ಕೂಡ ನಡೆಯುತ್ತಿದೆ. ಒಂದು ದಿನ ಉಪವಾಸ ಮಾಡುವ ಮೂಲಕ ಹೋರಾಟವನ್ನು ತೀವ್ರಗತಿಯಲ್ಲಿತಗೆದುಕೊಂಡು ಹೋಗಲಿದ್ದೇವೆ. ಈ ಹೋರಾಟಕ್ಕೆ ಕನ್ನಡದ ಪ್ರತಿಯೊಬ್ಬರೂ ಬೆಂಬಲ ನೀಡಬೇಕು. ಎರಡು ದಿನ ನಡೆಯಲಿರುವ ಈ ಹೋರಾಟದಲ್ಲಿನಾನೂ ಕೂಡ ಒಂದು ದಿನ ಭಾಗವಹಿಸುತ್ತಿದ್ದೇನೆ ಎಂದಿದ್ದಾರೆ.
ಈ ಹೋರಾಟ ನಿಲ್ಲಬಾರದು : ರಿಷಭ್‌ ಶೆಟ್ಟಿ
ಕರ್ನಾಟಕದ ಉದ್ಯೋಗ ಕನ್ನಡಿಗರಿಗೆ. ಇದು ಬಹುವರ್ಷದ ಕನ್ನಡಿಗರ ಬೇಡಿಕೆ. ಈ ಹೋರಾಟಕ್ಕೆ ನಾನೂ ಕೂಡ ಬೆಂಬಲ ನೀಡುತ್ತಿದ್ದೇನೆ. ಕರ್ನಾಟಕದಲ್ಲಿಕನ್ನಡಿಗರಿಗೆ ಉದ್ಯೋಗ ಕೊಡಬೇಕು ಎಂಬ ಆಗ್ರಹಕ್ಕೆ ಮತ್ತಷ್ಟು ಜೀವ ಬರಲು ನಾವೆಲ್ಲರೂ ಒಗ್ಗಟ್ಟಾಕೆ ಹೋರಾಟಕ್ಕೆ ಬೆಂಬಲ ನೀಡಬೇಕಿದೆ. ಬೇಡಿಕೆ ಈಡೇರುವವರಿಗೂ ಈ ಹೋರಾಟ ನಿಲ್ಲಬಾರದು. ಹೆಚ್ಚೆಚ್ಚು ಕನ್ನಡಿಗರಿಗೆ ಈ ಮೂಲಕ ಉದ್ಯೋಗ ಸಿಗುವಂತಾಗಲಿ ಎಂದಿದ್ದಾರೆ ನಿರ್ದೇಶಕ ರಿಷಭ್‌ ಶೆಟ್ಟಿ.
ಕನ್ನಡಕ್ಕೆ ನಿರಂತರ ಅನ್ಯಾಯವಾಗಿದೆ : ನಾಗತಿಹಳ್ಳಿ ಚಂದ್ರಶೇಖರ್‌
ನಾವು ಒಕ್ಕೂಟ ವ್ಯವಸ್ಥೆಯನ್ನು ಗೌರವಿಸುತ್ತೇವೆ. ಪ್ರಜಾಸತ್ತೆಯನ್ನು ಗೌರವಿಸುತ್ತೇವೆ. ಸಂವಿಧಾನವನ್ನೂ ಗೌರವಿಸುತ್ತೇವೆ. ಜತೆ ಜತೆಗೆ ಸ್ಥಳಿಯರ ಹಕ್ಕು ಬಾಧ್ಯತೆ ಮತ್ತು ನೋವಿಗೆ ಸ್ಪಂದಿಸಬೇಕಾದಂತ ಅನಿವಾರ‍್ಯತೆ ಎದುರಾಗಿದೆ. ಕನ್ನಡಕ್ಕೆ ನಿರಂತರವಾಗಿ ಅನ್ಯಾಯ ಆಗುತ್ತಲೇ ಬಂದಿದೆ. ಜಲ ನೀತಿ, ಶಿಕ್ಷಣ ನೀತಿ ಮತ್ತು ಉದ್ಯೋಗ ನೀತಿಯಲ್ಲಿ. ವಿಶೇಷವಾಗಿ ಕನ್ನಡಿಗ ತನ್ನ ನೆಲದಲ್ಲೇ ಉದ್ಯೋಗದ ಹಕ್ಕನ್ನು ಪಡೆಯಬೇಕಾಗಿದೆ. ಇಂತಹ ಹೋರಾಟಕ್ಕೆ ನಿಂತಿರುವ ನನ್ನ ಎಲ್ಲಗೆಳೆಯರಿಗೂ ಬೆಂಬಲ ಸೂಚಿಸುತ್ತೇನೆ ಎಂದಿದ್ದಾರೆ ಮಾಜಿ ಚಲನಚಿತ್ರ ಅಕಾಡೆಮಿ ಅಧ್ಯಕ್ಷ ಮತ್ತು ನಿರ್ದೇಶಕ ನಾಗತಿಹಳ್ಳಿ ಚಂದ್ರಶೇಖರ್‌.
ನಮ್ಮವರಿಗೆ ಉದ್ಯೋಗ ಸಿಗಬೇಕು : ಸಂಚಾರಿ ವಿಜಯ್‌
ಕರ್ನಾಟಕದಲ್ಲಿ ಕನ್ನಡಿಗನೇ ಸಾರ್ವಭೌಮ. ನಮ್ಮ ನೆಲದ ಉದ್ಯೋಗ ನಮ್ಮವರಿಗೆ ಸಿಗಬೇಕು. ಇದು ನಮ್ಮೆಲ್ಲರ ಆಶಯ ಕೂಡ. ನಮ್ಮ ಉದ್ಯೋಗ ನಮಗೆ ಸಿಗುವುದಿಲ್ಲಎನ್ನುವುದೇ ಒಂದು ದುರಂತ ಅನಿಸುತ್ತಿದೆ. ಹಾಗಾಗಿ ಹೋರಾಟ ಮಾಡುವಂಥ ಅನಿವಾರ‍್ಯತೆ ನಮಗೆ ಎದುರಾಗಿದೆ. ಎಲ್ಲವನ್ನೂ ಹೋರಾಟ ಮಾಡಿಯೇ ಪಡೆಯಬೇಕು ಎನ್ನುವುದು ಕೂಡ ಒಂದು ವಿಪರಾರ‍ಯಸದ ಸಂಗತಿ. ಈ ಹೋರಾಟಕ್ಕೆ ನನ್ನ ಬೆಂಬಲ ಮತ್ತು ಉಪಸ್ಥಿತಿ ಇರುತ್ತೆ ಎಂದಿದ್ದಾರೆ ರಾಷ್ಟ್ರ ಪ್ರಶಸ್ತಿ ವಿಜೇತ ನಟ ಸಂಚಾರಿ ವಿಜಯ್‌.
Comments are closed.