ಮಲರ್ ಟೀಚರ್ ಎಂದೊಡನೆ ಕಣ್ಣುಮುಂದೆ ಬರುವುದು ಮುದ್ದು ಮುಖದ ನಟಿ ಸಾಯಿ ಪಲ್ಲವಿ. ಯಾಕಂದ್ರೆ ಮೊದಲ ಸಿನಿಮಾ ‘ಪ್ರೇಮಂ’ನಲ್ಲಿ ಸಾಯಿಪಲ್ಲವಿ ಮಲರ್ ರೋಲ್ನಲ್ಲಿ ಕಾಣಿಸಿಕೊಂಡಿದ್ರು. ಈ ಸಿನಿಮಾದ ಬಳಿಕ ಸಾಯಿ ಪಲ್ಲವಿ ಏಕಧಂ ಸ್ಟಾರ್ ಪಟ್ಟಕ್ಕೇರಿದ್ದರು.
ಅಂದಹಾಗೆ ಸಾಯಿ ಪಲ್ಲವಿ ಇಷ್ಟ ಆಗೋದು ತಮ್ಮ ಕೆನ್ನೆಯ ಮೇಲೆ ಮುತ್ತಿನಂತೆ ಜೋಡಿಸಿಟ್ಟ ಮೊಡವೆಗಳಿಂದ. ನ್ಯಾಚುರಲ್ ಸ್ಟಾರ್ ಪಲ್ಲವಿ ಮೊಗಕೆ ಮೊಡವೆಯೇ ಭೂಷಣ…. ಮಲಯಾಳಂ ಚಿತ್ರರಂಗದಲ್ಲಿ ‘ಮಲರ್’ ಎಂದೇ ಫೇಮಸ್ ಆಗಿರೋ ಸಾಯಿ ಪಲ್ಲವಿಯನ್ನು ಆಕೆಯ ಫ್ಯಾನ್ಸ್ ಹಾಡಿ ಹೊಗಳುವ ಪರಿ ಇದು.
ಇವತ್ತು ಸಾಯಿ ಪಲ್ಲವಿ ಲಕ್ಷಾಂತರ ಅಭಿಮಾನಿಗಳ ಕನಸಿನ ರಾಣಿ. ಸದ್ಯ ಸಾಯಿ ಪಲ್ಲವಿ ಕೈಯಲ್ಲಿ ಮಲಯಾಳಂ, ತಮಿಳು, ತೆಲುಗು ಚಿತ್ರಗಳ ಸರಮಾಲೆಯೇ ಇದೆ.ವಿಶೇಷ ಅಂದ್ರೆ ಇಷ್ಟೆಲ್ಲಾ ಚಿತ್ರಗಳಿದ್ದರೂ ಕೂಡ ಪಿಂಪಲ್ ಕ್ವೀನ್ ಸಿನಿರಂಗಕ್ಕೆ ಗುಡ್ ಬೈ ಹೇಳಲು ಮುಂದಾಗಿದ್ದ ವಿಷಯ ಈಗ ರಿವೀಲ್ ಆಗಿದೆ. ನಿಜಕ್ಕೂ ಇದು ರೌಡಿ ಬೇಬಿಯ ಫ್ಯಾನ್ಸ್ಗೆ ಹಾರ್ಟ್ ಬ್ರೇಕ್ ಆಗೋ ಸುದ್ದಿ. ಅಂದಹಾಗೆ ನ್ಯಾಚುರಲ್ ಬ್ಯೂಟಿ ಇಂಥೊಂದು ನಿರ್ಧಾರಕ್ಕೆ ಬರೋದಕ್ಕೂ ಒಂದ್ ರೀಸನ್ ಇದೆ.
ಕಾಲಿವುಡ್ ಸಿನಿಪ್ರಿಯರ ಮನಗೆದ್ದ ಈ ಬೇಬಿಗೆ ಖ್ಯಾತ ನಿರ್ದೇಶಕ ಸೆಲ್ವರಾಘವನ್ ಅವರ ಎನ್ಜಿಕೆ ಚಿತ್ರದಲ್ಲಿ ನಟಿಸೋ ಛಾನ್ಸ್ ಸಿಕ್ಕಿತ್ತು. ಈ ಚಿತ್ರದಲ್ಲಿ ಸಾಯಿ ಪಲ್ಲವಿಗೆ ನಾಯಕ ಅಭಿನಯ ಚತುರ ಸೂರ್ಯ. ಈ ಸಿನಿಮಾದ ಶೂಟಿಂಗ್ ವೇಳೆ ನಡೆದ ಘಟನೆಯೊಂದು ಸಾಯಿ ಪಲ್ಲವಿ ಮನಸಿಗೆ ಘಾಸಿ ಉಂಟು ಮಾಡಿದೆ. ಅದ್ಯಾವ ಮಟ್ಟಿಗೆಂದರೆ, ಈಗ ಚಿತ್ರರಂಗದಿಂದ ದೂರವಿರಲು ನಿರ್ಧರಿಸಿದ್ದಾರೆ.
ಸಿನಿಮಾ ಶೂಟಿಂಗ್ ವೇಳೆ ಸೆಲ್ವರಾಘವನ್, ನಟ ಸೂರ್ಯನಿಗೆ ಒಂದೇ ಟೇಕ್ನಲ್ಲಿ ಓಕೆ ಹೇಳುತ್ತಿದ್ರು. ಆದರೆ ಅತ್ತ ಕಡೆ ಸಾಯಿ ಪಲ್ಲವಿ ಸೀನ್ಗಳು ಮಾತ್ರ ಸರಿಯಾಗಿ ಬರುತ್ತಿರಲಿಲ್ಲವಂತೆ. ಹೀಗಾಗಿ ಅನೇಕ ಬಾರಿ ಸಾಯಿ ಪಲ್ಲವಿಯ ಟೇಕ್ಗಳು ಓಕೆ ಆಗದಿದ್ದ ಕಾರಣ ನಿರ್ದೇಶಕರು ಪ್ಯಾಕ್ಅಪ್ ಹೇಳಿದ್ದರು.
ಘಟನೆಯಿಂದನೊಂದಿದ್ದ ಸಾಯಿ ಪಲ್ಲವಿ ಮನೆಗೆ ಬಂದು ಅಮ್ಮನ ಮುಂದೆ ಕಣ್ಣೀರು ಹಾಕಿದ್ರಂತೆ. ಅಲ್ಲದೆ ಅಮ್ಮನೊಂದಿಗೆ ನನಗೆ ಅಭಿನಯಿಸಲು ಬರುತ್ತಿಲ್ಲ. ನಾನು ವೈದ್ಯಕೀಯ ವೃತ್ತಿಯನ್ನು ಮುಂದುವರೆಸುವುದಾಗಿ ತಿಳಿಸಿದ್ದರು. ಅಲ್ಲದೆ ಶೂಟಿಂಗ್ನಲ್ಲಿ ತನ್ನ ನಟನೆಯನ್ನು ನಿರ್ದೇಶಕರು ಮೆಚ್ಚಿಕೊಳ್ಳದಿರುವುದನ್ನು ಇಡೀ ದಿನ ಅಳುತ್ತಾ ಮನೆಯಲ್ಲಿ ಕೂತಿರುತ್ತಿದ್ರಂತೆ.
ಆದರೆ ಮರುದಿನ ಶೂಟಿಂಗ್ನಲ್ಲಿ ನನ್ನ ಮೊದಲ ಸೀನ್ ಮೊದಲ ಟೇಕ್ನಲ್ಲಿ ಓಕೆಯಾಗಿತ್ತು. ಇದರಿಂದ ನಿರ್ದೇಶಕರು ಖುಷ್, ನಾನು ಫುಲ್ ಹ್ಯಾಪಿ ಅಂತ ‘ಎನ್ಜಿಕೆ’ ಚಿತ್ರದ ಅನುಭವಗಳನ್ನು ಸಾಯಿ ಪಲ್ಲವಿ ಹಂಚಿಕೊಂಡಿದ್ದಾರೆ.
ಭಾರೀ ನಿರೀಕ್ಷೆ ಮೂಡಿಸಿರುವ ‘ಎನ್ಜಿಕೆ’ ಚಿತ್ರವು ಪೊಲಿಟಿಕಲ್ ಡ್ರಾಮಾ ಕಥೆಯನ್ನು ಆಧರಿಸಿದ್ದು, ಸೂರ್ಯ ಇಲ್ಲಿ ಯುವ ರಾಜಕಾರಣಿ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಬರೋಬ್ಬರಿ ಐದು ವರ್ಷಗಳ ಬಳಿಕ ಸೆಲ್ವರಾಘವನ್ ನಿರ್ದೇಶಿಸಿರುವ ಚಿತ್ರವಾಗಿರುವ ಕಾರಣ ‘ಎನ್ಜಿಕೆ’ ಮೇಲೆ ಸಿನಿಪ್ರಿಯರಲ್ಲಿ ಸಿಕ್ಕಾಪಟ್ಟೆ ಕೂತೂಹಲವಿದೆ. ‘ಎನ್ಜಿಕ್’ ಚಿತ್ರ ಮೇ 31ಕ್ಕೆ ತೆರೆಕಾಣುತ್ತಿದೆ.
Comments are closed.