ಪಾಕ್ ಉಗ್ರರೊಂದಿಗೆ ನಟಿ ಸಮಂತಾ ನಂಟು?

ಹೈದರಾಬಾದ್​: ನಟಿ ಸಮಂತಾ ಅಕ್ಕಿನೇನಿಗೆ ಪಾಕಿಸ್ತಾನದ ಭಯೋತ್ಪಾದಕರ ಜತೆ ನಂಟಿದೆ ಎಂಬ ವಿಚಾರ ಇದೀಗ ಚರ್ಚೆಗೆ ಕಾರಣವಾಗಿದೆ.

ಪಾಕಿಸ್ತಾನದ ಜತೆಗೆ ನಂಟು ಎಂದ ಮಾತ್ರಕ್ಕೆ ಅವರನ್ನು ಭಯೋತ್ಪಾದಕಿ ಎಂದು ಬಿಂಬಿಸಬೇಡಿ. ಏಕೆಂದರೆ, ಪಾಕಿಸ್ತಾನದ ಭಯೋತ್ಪಾದಕಿಯಾಗಿ ಅವರು ಕಾಣಿಸಿಕೊಂಡಿರುವುದು ಫ್ಯಾಮಿಲಿ ಮ್ಯಾನ್​ 2 ವೆಬ್​ಸರಣಿಯಲ್ಲಿ. ಹೌದು. ಈಗಾಗಲೇ ಫ್ಯಾಮಿಲಿ ಮ್ಯಾನ್​ ಮೊದಲ ಸೀಸನ್​ಗೆ ಸಾಕಷ್ಟು ಮೆಚ್ಚುಗೆ ವ್ಯಕ್ತವಾಗಿದೆ. ಅದರ ಬೆನ್ನಲ್ಲೇ ಅದರ ಮುಂದುವರಿದ ಭಾಗವಾಗಿ ಸೀಸನ್​ ಎರಡರಲ್ಲಿ ಸಮಂತಾ ನಟಿಸಿದ್ದಾರೆ.

ಇಲ್ಲಿಯವರೆಗೂ ಅವರ ಪಾತ್ರ ನೆಗೆಟಿವ್​ ರೀತಿಯಲ್ಲಿ ಇರಲಿದೆ ಎಂದೇ ಹೇಳಲಾಗಿತ್ತು. ಆದರೆ, ಪಾತ್ರದ ಗುಟ್ಟು ರಟ್ಟಾಗಿರಲಿಲ್ಲ. ಇದೀಗ ತಂಡದ ಮೂಲಗಳ ಪ್ರಕಾರ ಪಾಕಿಸ್ತಾನದ ಭಯೋತ್ಪಾದಕಿಯಾಗಿ ಅವರು ಕಾಣಿಸಿಕೊಳ್ಳಲಿದ್ದಾರಂತೆ. ಶುಕ್ರವಾರವಷ್ಟೇ ಪೂರ್ತಿ ಶೂಟಿಂಗ್​ ಸಹ ಮುಗಿದಿದ್ದು, ಇನ್ನೇನು ಅಮೆಜಾನ್​ ಪ್ರೈಂನಲ್ಲಿ ಬಿಡುಗಡೆ ಆಗಲಿದೆ.

ರಾಜ್​ ಮತ್ತು ಡಿಕೆ ನಿರ್ದೇಶನದಲ್ಲಿ ದಿ ಫ್ಯಾಮಿಲಿ ಮ್ಯಾನ್​ 2 ಸಿದ್ಧವಾಗಿದ್ದು, ಮನೋಜ್​ ಬಾಜಪೇಯಿ ಮುಖ್ಯಭೂಮಿಕೆಯಲ್ಲಿದ್ದಾರೆ. ಪ್ರಿಯಾಮಣಿ ಸಹ ವೆಬ್​ಸಿರೀಸ್​ನಲ್ಲಿದ್ದಾರೆ.