ಪ್ರತಿದಿನ ಯೋಗ ಮಾಡುವ ಪುರುಷರಲ್ಲಿ ವೀರ್ಯಾಣುಗಳು ಗುಣಮಟ್ಟ ಹೆಚ್ಚುವುದು ಎಂದು ಏಮ್ಸ್ ನಡೆಸಿದ ಸಂಶೋಧನೆಯಿಂದ ತಿಳಿದು ಬಂದಿದೆ. ಈ ಅಧ್ಯಯನ ಕುರಿತ ಲೇಖನ ಅಂತಾರಾಷ್ಟ್ರೀಯ ಜರ್ನಲ್ Nature Review Urologyನಲ್ಲಿ ಪ್ರಕಟವಾಗಿದೆ.
6 ತಿಂಗಳಿನಿಂದ ನಿಯಮಿತವಾಗಿ ಯೋಗ ಅಭ್ಯಾಸ ಮಾಡುತ್ತಿರುವ 200 ಪುರುಷರನ್ನು ಈ ಅಧ್ಯಯನಕ್ಕೆ ಒಳಪಡಿಸಲಾಗಿತ್ತು. ಯೋಗ ಅಭ್ಯಾಸ ಪ್ರಾರಂಭಿಸಿದ 21 ದಿನದಲ್ಲಿಯೇ ಮಾನಸಿಕ ಒತ್ತಡ ಕಡಿಮೆಯಾಗಿ, ವೀರ್ಯಾಣುಗಳ ಸಂಖ್ಯೆ ವೃದ್ಧಿಯಾಗುತ್ತಿರುವುದು ಪರೀಕ್ಷೆಯಿಂದ ತಿಳಿದು ಬಂದಿದೆ ಎಂದು ಏಮ್ಸ್ ನ ಲ್ಯಾಬ್‌ ಮುಖ್ಯಸ್ಥರಾಗಿರುವ ಡಾ. ರಿಮಾ ದಾದಾ ಹೇಳಿದ್ದಾರೆ.
ಮಾನಸಿಕ ಒತ್ತಡದ ಕಾರಣದಿಂದಾಗಿ ವೀರ್ಯಾಣುಗಳ ಸಂಖ್ಯೆ ಕಡಿಮೆಯಾಗುತ್ತವೆ, ಇದರಿಂದ ದೇಹಕ್ಕೆ ಅಗತ್ಯವಾದ ಆಮ್ಲಜನಕದ ಪೂರೈಕೆಯಾಗುವುದಿಲ್ಲ, ಇವೆಲ್ಲಾ ವೀರ್ಯಾಣುಗಳ ಸಂಖ್ಯೆ ಕುಂಠಿತಗೊಳಿಸುತ್ತವೆ.
ಜೀವನಶೈಲಿಯಲ್ಲಿ ಉತ್ತಮ ಬದಲಾವಣೆ ಮಾಡಿಕೊಳ್ಳುವುದರಿಂದ ಮಾನಸಿಕ ಒತ್ತಡ ಕಡಿಮೆ ಮಾಡಿಕೊಳ್ಳುವುದು, ಅಲ್ಲದೆ ಪುರುಷರಲ್ಲಿ ಕಾಣಿಸಿಕೊಳ್ಳುತ್ತಿರುವ ಬಂಜೆತನ ಸಮಸ್ಯೆಯೂ ಕಡಿಮೆಯಾಗುವುದೆಂದು ಅಧ್ಯಯನ ಹೇಳಿದೆ.
Comments are closed.