ತಿರುಪತಿಗೆ ತೆರಳುತ್ತಿದ್ದಾಗ ಲಾರಿ-ಟವೇರಾ ಮಧ್ಯೆ ಭೀಕರ ಅಪಘಾತ: ಕರ್ನಾಟಕದ ಐವರು ಸಾವು

ಅನಂತಪುರ: ಆಂಧ್ರದ ಅನಂತಪುರ ಜಿಲ್ಲೆ ಮುದಿಗುಬ್ಬ ತಾಲೂಕಿನ ಸಂಕೇಪಲ್ಲಿ ಬಳಿ ಲಾರಿ ಮತ್ತು ಟವೇರಾವಾಹನ ನಡುವೆ ಭೀಕರ ಅಪಘಾತ ಸಂಭವಿಸಿದ್ದು, ಕರ್ನಾಟಕದ ಐವರು ಸಾವನ್ನಪ್ಪಿದ್ದಾರೆ.

ಬೆಂಗಳೂರು ಗ್ರಾಮಾಂತರ ಜಿಲ್ಲೆಯ ನೆಲಮಂಗಲ ಮೂಲದವರು ಟವೇರಾ ವಾಹನದಲ್ಲಿ ತಿರುಪತಿಗೆ ತೆರಳುತ್ತಿದ್ದರು. ಈ ವೇಳೆ ಸಂಕೇಪಲ್ಲಿ ಗ್ರಾಮದ ಬಳಿ ಟವೇರಾ ಮತ್ತು ಲಾರಿ ನಡುವೆ ಭೀಕರ ಅಪಘಾತ ಸಂಭವಿಸಿದೆ. ಅಪಘಾತದಲ್ಲಿ ಮಗು, ಮಹಿಳೆ ಸೇರಿ ಐವರು ಸ್ಥಳದಲ್ಲೇ ಸಾವನ್ನಪ್ಪಿದ್ದಾರೆ.

ಇನ್ನು ಅಪಘಾತದಲ್ಲಿ 6 ಮಂದಿ ಗಂಭೀರವಾಗಿ ಗಾಯಗೊಂಡಿದ್ದು ಅವರನ್ನು ವಿವಿಧ ಆಸ್ಪತ್ರೆಗಳಿಗೆ ದಾಖಲಿಸಲಾಗಿದೆ.