ಮಂಗಳೂರಿನ ಪಿಲಿಕುಳದ ವನ್ಯಜೀವಿಗಳನ್ನು ದತ್ತು ಪಡೆದ ಎಂಆರ್‌ಪಿ‌ಎಲ್

ಮಂಗಳೂರು : ಎಂಆರ್‌ಪಿ‌ಎಲ್ ತನ್ನ ಸಾಂಸ್ಥಿಕ ಪರಿಸರ ಜವಾಬ್ದಾರಿ ಯೋಜನೆಯಡಿಯಲ್ಲಿ ಮಂಗಳೂರಿನ ವನ್ಯಜೀವಿ ಸಂರಕ್ಷಣೆಯ ಉದ್ದೇಶವನ್ನು ಬೆಂಬಲಿಸಿದೆ.ಎಂಆರ್‌ಪಿ‌ಎಲ್ ಮತ್ತು ಡಾ. ಶಿವರಾಮ ಕಾರಂತ ಪಿಲಿಕುಳ ನಿಸರ್ಗಧಾಮ ಮಂಗಳೂರು 22.12.2020 ರಂದು ಪಿಲಿಕುಳದ ಜೈವಿಕ ಉದ್ಯಾನವನದಲ್ಲಿ ವನ್ಯಜೀವಿಗಳನ್ನು 12 ತಿಂಗಳ ಅವಧಿಗೆ ದತ್ತು ಪಡೆವ ಒಪ್ಪಂದಕ್ಕೆ ಸಹಿ ಹಾಕಿದರು.

ಶ್ರೀ ಎಲಾಂಗೊ. ಎಂ – ಇಡಿ (ರಿಫೈನರಿ) ಮತ್ತು ಶ್ರೀ. ಗೋಕುಲದಾಸ ನಾಯಕ್ – ಇಡಿ (ಡಿ‌ಎಸ್ಕೆ‌ಎನ್ಡಿ ಪಿಲಿಕುಲಾ) ಸಹಿ ಹಾಕಿದರು.

ಈ ಸಂದಭದಲ್ಲಿ ಶ್ರೀ. ಸಂಜಯ್ ವರ್ಮಾ- ನಿರ್ದೇಶಕ (ಸಂಸ್ಕರಣಾಗಾರ), ಶ್ರೀಮತಿ. ಪೊಮಿಲಾ ಜಸ್ಪಾಲ್- ನಿರ್ದೇಶಕ (ಹಣಕಾಸು), ಶ್ರೀ ರಾಜೀವ್ ಕುಶ್ವಾ- ಸಿವಿ‌ಒ ಎಂಆರ್ಪಿ‌ಎಲ್, ಶ್ರೀ. ಬಿ‌ಎಚ್‌ವಿ ಪ್ರಸಾದ್ ಇಡಿ (ಯೋಜನೆಗಳು), ಶ್ರೀ. ಎಚ್.ಜಯಪ್ರಕಾಶ್ ಭಂಡಾರಿ – ಇಡಿ (ಡಿ‌ಎಸ್‌ಕೆ‌ಎನ್‌ಡಿ ಪಿಲಿಕುಳ), ಶ್ರೀ. ಕೃಷ್ಣ ಹೆಗ್ಡೆ-ಜಿಜಿ‌ಎಂ (ಎಚ್‌ಆರ್), ಶ್ರೀ. ಬಾಬು ದೇವಾಡಿಗ- ಆಡಳಿತಾಧಿಕಾರಿ (ಡಿ‌ಎಸ್‌ಕೆ‌ಎನ್‌ಡಿ ಪಿಲಿಕುಳ) ಮತ್ತು ಶ್ರೀ. ಸುದರ್ಶನ್ ಎಂ ಎಸ್- ಸಿಜಿ‌ಎಂ (ಎಚ್‌ಎಸ್‌ಇ) ಉಪಸ್ಥಿತರಿದ್ದರು.

ಎಂಆರ್‌ಪಿ‌ಎಲ್‌ನ ರೂ. 4., 16,45,145 / ಹಣವನ್ನು ಮುಖ್ಯವಾಗಿ 1200 ಕಾಡು ಪ್ರಾಣಿಗಳಿಗೆ ಮೇವು ಒದಗಿಸಲು, ಪಶುವೈದ್ಯಕೀಯ ಸೌಲಭ್ಯಗಳು ಮತ್ತು ಪ್ರಾಣಿಗಳಿಗೆ ಔಷಧಿಗಳನ್ನು ಒದಗಿಸಲು ಬಳಸಲಾಗುತ್ತದೆ.
ದೇಶದಾದ್ಯಂತದ ಕೋವಿಡ್ -19ಲಾಕ್‌ಡೌನ್ ನ ಪರಿಣಾಮ ಪಿಲಿಕುಳದ ಆದಾಯದ ನಷ್ಟಕ್ಕೆ ಕಾರಣವಾಗಿದೆ. ಪಿಲಿಕುಳದಲ್ಲಿ ಆಶ್ರಯ ಪಡೆದಿರುವ 1200 ಕ್ಕೂ ಹೆಚ್ಚು ವನ್ಯಜೀವಿಗಳನ್ನು ರಕ್ಷಿಸಲು ಮತ್ತು ಆಹಾರ ವ್ಯವಸ್ಥೆಗಾಗಿ, ಮಂಗಳೂರಿನ ಜಿಲ್ಲಾಧಿಕಾರಿ ಶಿಫಾರಸಿನ ಮೇರೆಗೆ ಎಂಆರ್‌ಪಿ‌ಎಲ್ ತನ್ನ ಸಿ‌ಇ‌ಆರ್ ಅಡಿಯಲ್ಲಿ ಯೋಜನೆಯನ್ನು ಕೈಗೆತ್ತಿಕೊಂಡಿತು.

ಎಂಆರ್‌ಪಿ‌ಎಲ್ 2016 ರಿಂದ ಪಿಲಿಕುಳ ಜೈವಿಕ ಉದ್ಯಾನವನದೊಂದಿಗೆ ಸಂಬಂಧ ಹೊಂದಿದೆ, ಇದರಲ್ಲಿ ಪಿಲಿಕುಳದಲ್ಲಿ 20 ಎಕರೆ ಪ್ರದೇಶದಲ್ಲಿ 2000 ಸಸ್ಯಗಳನ್ನು ನೆಡುವ ಮೂಲಕ ಗ್ರೀನ್ ಬೆಲ್ಟ್ ರಚಿಸಲು ಒಪ್ಪಂದ ಮಾಡಿಕೊಳ್ಳಲಾಯಿತು. ಇದಲ್ಲದೆ, 30 ಎಕರೆ ಪ್ರದೇಶದಲ್ಲಿ ಇನ್ನೂ 2000 ಸಸ್ಯಗಳನ್ನು ನೆಡಲು 2017 ರಲ್ಲಿ ಮತ್ತೊಂದು ಒಪ್ಪಂದವನ್ನು ಸೇರ್ಪಡೆಗೊಳಿಸಲಾಯಿತು.

ದಕ್ಷಿಣ ಕನ್ನಡದ ಸಾಮಾಜಿಕ ಅಗತ್ಯಗಳಿಗೆ ಸ್ಪಂದಿಸುವ ಬದ್ಧತೆಯನ್ನು ಎಂಆರ್‌ಪಿ‌ಎಲ್ ಮತ್ತೊಮ್ಮೆ ತೋರಿಸಿದೆ. ಎಂಆರ್‌ಪಿ‌ಎಲ್ ಕೋವಿಡ್ -19 ಅವಧಿಯಲ್ಲಿ ಸ್ಯಾನಿಟೈಜರ್‌ಗಳು, ಮುಖಗವಸು, ವೆಂಟಿಲೇಟರ್‌ಗಳು, ಅಸಂಘಟಿತ ವಲಯಗಳಿಗೆ ಆಹಾರ ಕಿಟ್‌ಗಳು, ಗಂಜಿ ಕೇಂದ್ರಗಳಿಗೆ 50,000 ಕೆಜಿ ಅಕ್ಕಿ, ವಲಸೆ ಕಾರ್ಮಿಕರಿಗೆ ಆಹಾರ ಮತ್ತು ವಲಸೆ ಕಾರ್ಮಿಕರನ್ನು ಸಾಗಿಸುವ ಬಸ್‌ಗಳಿಗೆ ಉಚಿತ ಇಂಧನವನ್ನು ಒದಗಿಸಿದೆ ಎಂಬುದನ್ನು ನೆನಪಿನಲ್ಲಿಡಬೇಕು.