ಗಂಗೊಳ್ಳಿ ಠಾಣೆ ಆರಕ್ಷಕರಿಗೆ ರಕ್ಷೆ ಕಟ್ಟಿ ರಕ್ಷಾಬಂಧನ ಆಚರಿಸಿದ ಹಿಂಜಾವೇ ಮಹಿಳಾ ಕಾರ್ಯಕರ್ತೆಯರು

ಕುಂದಾಪುರ: ಇಂದು ರಕ್ಷಾಬಂಧನ ಸಂಭ್ರಮ. ಈ ವೇಳೆ ಹಿಂದೂ ಜಾಗರಣ ವೇದಿಕೆ ಮಹಿಳಾ ಕಾರ್ಯಕರ್ತೆಯರು ಗಂಗೊಳ್ಳಿ ಪೊಲೀಸ್ ಠಾಣೆಗೆ ತೆರಳಿ ಪೊಲೀಸರಿಗೆ ರಾಕಿ ಕಟ್ಟಿದರು.

ದೇಶದೊಳಗಿನ ಸೈನಿಕರಾಗಿ ಹಗಲಿರುಳು ದೇಶದ ಜನರ ರಕ್ಷಣೆ ಮಾಡುವ ನಮ್ಮೊಳಗಿನ ಸೈನಿಕರಿಗೆ ಗಂಗೊಳ್ಳಿಯ ಹಿಂದು ಜಾಗರಣ ವೇದಿಕೆ ಮಹಿಳಾ ಕಾರ್ಯಕರ್ತೆಯರು ಗಂಗೊಳ್ಳಿ ಪೊಲೀಸ್ ಠಾಣೆಗೆ ತೆರಳಿ ಆರಕ್ಷಕರಿಗೆ, ಸಿಬ್ಬಂದಿ ವರ್ಗದವರಿಗೆ ಆರತಿ ಬೆಳಗಿ ರಾಕಿ ಕಟ್ಟುದರ ಮೂಲಕ ವಿಶಿಷ್ಟವಾಗಿ ರಕ್ಷಾಬಂಧನ ಆಚರಿಸಿದ್ದೇವೆ ಎಂದು ಹಿಂಜಾವೇ ಮಹಿಳಾ ಕಾರ್ಯಕರ್ತೆಯರು ತಿಳಿಸಿದರು.

ಈ ಸಂದರ್ಭದಲ್ಲಿ ಹಿಂಜಾವೇ ಕಾರ್ಯಕರ್ತೆಯರಾದ ಅರ್ಪಿತಾ, ಮಮತಾ, ವೃತಿಕಾ, ಸೃತಿಕಾ ಮೊದಲಾದವರು ಉಪಸ್ಥಿತರಿದ್ದರು.