ನವದೆಹಲಿ: ಆಕಸ್ಮಿಕವಾಗಿ ಲಿಫ್ಟ್ ಒಳಗಿನ ಟಾಯ್ ರೋಪ್ಗೆ ಕತ್ತು ಸಿಲುಕಿ ನೇತಾಡುತ್ತಿದ್ದ ಸಹೋದರನನ್ನು ತನ್ನ ಸಮಯಪ್ರಜ್ಞೆಯಿಂದ ಸಹೋದರಿ ರಕ್ಷಣೆ ಮಾಡಿರುವ ಘಟನೆ ಟರ್ಕಿಯ ಇಸ್ತಾಂಬುಲ್ನಲ್ಲಿ ನಡೆದಿದೆ.
https://youtu.be/pCx1XdVQWeY
ಕಳೆದ ಬುಧವಾರ ಈ ಘಟನೆ ಬೆಳಕಿಗೆ ಬಂದಿದ್ದು, ಲಿಫ್ಟ್ ಒಳಗೆ ಅಳವಡಿಸಲಾಗಿರುವ ಸಿಸಿಟಿವಿ ಕ್ಯಾಮರಾದಲ್ಲಿ ಘಟನೆಯ ದೃಶ್ಯಾವಳಿ ದಾಖಲಾಗಿದೆ. ವಿಡಿಯೋದಲ್ಲಿರುವಂತೆ ಅಕ್ಕ-ತಮ್ಮ ಇಬ್ಬರು ಲಿಫ್ಟ್ ಒಳಗೆ ಪ್ರವೇಶ ನೀಡಿ ಹೊರಡುವಾಗ ಲಿಫ್ಟ್ ಡೋರ್ ನಡುವೆ ಸಿಲುಕಿದ ಟಾಯ್ ರೋಪ್ಗೆ ತಮ್ಮನ ಕತ್ತು ಸಿಲುಕಿ ನೇತಾಡುತ್ತಾನೆ. ತಕ್ಷಣ ಆತನನ್ನು ಗಮನಿಸಿದ ಸಹೋದರಿ, ಅವನ ಉಸಿರುಗಟ್ಟದಂತೆ ಮೇಲಕ್ಕೆ ಎತ್ತಿಡಿದು ಎಮರ್ಜೆನ್ಸಿ ಬಟನ್ ಪ್ರೆಸ್ ಮಾಡಿ ರೋಪ್ ಅನ್ನು ಹೊರತೆಗೆದು ಜೀವ ಉಳಿಸುತ್ತಾಳೆ.
ಸ್ಥಳೀಯ ವರದಿಗಾರರ ಪ್ರಕಾರ ಘಟನೆಯ ಬಳಿಕ ಬಾಲಕ ಶೀಘ್ರವೇ ಚೇತರಿಸಿಕೊಂಡಿದ್ದು, ಆರಾಮಾಗಿರುವುದಾಗಿ ತಿಳಿಸಿದ್ದಾರೆ.
ಸಾಮಾಜಿಕ ಜಾಲತಾಣದಲ್ಲಿ ವಿಡಿಯೋ ವೈರಲ್ ಆಗಿದ್ದು, ಇದುವರೆಗೂ 35 ಸಾವಿರಕ್ಕೂ ಹೆಚ್ಚು ಮಂದಿ ವೀಕ್ಷಣೆ ಮಾಡಿದ್ದಾರೆ. ಸಾವಿರಕ್ಕೂ ಹೆಚ್ಚು ಮಂದಿ ಲೈಕ್ಸ್ ಮಾಡಿದ್ದು, 500 ಕ್ಕೂ ಹೆಚ್ಚು ಮಂದಿ ರೀಟ್ವೀಟ್ ಮಾಡಿದ್ದಾರೆ.
Horrifying moment! Sister stayed calm and saved the boy who got hang by toy rope inside an elevator in Istanbul, Turkey. Please watch your children when using elevator. pic.twitter.com/NmZ2x5VwyE
— People's Daily, China (@PDChina) August 1, 2019
ವಿಡಿಯೋ ನೋಡಿದ ಹಲವರು ಸಹೋದರಿಯ ಸಮಯಪ್ರಜ್ಞೆಯನ್ನು ಕಂಡು ಚಪ್ಪಾಳೆ ತಟ್ಟಿ ಅಭಿನಂದಿಸಿದ್ದಾರೆ. ಅಲ್ಲದೆ, ಅಂತಹ ಪರಿಸ್ಥಿತಿಯಲ್ಲೂ ಧೃತಿಗೆಡದೆ ಶಾಂತ ರೀತಿಯಲ್ಲಿ ನಿರ್ವಹಣೆ ಮಾಡಿದಕ್ಕೆ ಆಕೆಗೆ ಬಹುತೇಕ ನೆಟ್ಟಿಗರು ಶಹಬ್ಬಾಸ್ಗಿರಿ ನೀಡಿದ್ದಾರೆ.
Comments are closed.