ಭಾರತದ ಪೂರ್ವಭಾಗದಲ್ಲಿ ಇಂದು ಗೋಚರವಾಗಲಿದೆ ಚಂದ್ರ ಗ್ರಹಣ

ಮಂಗಳೂರು,ಎ.04: ಈ ವರ್ಷದ ಮೊದಲ ಪೂರ್ಣ ಚಂದ್ರ ಗ್ರಹಣವು ಶನಿವಾರ ಸಂಭವಿಸಲಿದ್ದು, ಭಾರತದ ಪೂರ್ವ ಭಾಗದ ಕೆಲವೆಡೆ ಗೋಚರವಾಗುವ ಸಾಧ್ಯತೆ ಇದೆ ಎಂದು ಮೂಲಗಳು ತಿಳಿಸಿವೆ.

ಮಧ್ಯಾಹ್ನ 3.45ರಿಂದ ಗ್ರಹಣ ಆರಂಭವಾಗುತ್ತದೆ. ಸಂಜೆ 5.27ಕ್ಕೆ ಗ್ರಹಣವು ಸಂಪೂರ್ಣವಾಗಿ ಚಂದ್ರನನ್ನು ಆವರಿಸಿಕೊಳ್ಳುತ್ತದೆ. ಈ ಸ್ಥಿತಿ 5.32ರ ವರೆಗೂ ಇರುತ್ತದೆ. ನಂತರ ಭಾಗಶಃ ಗ್ರಹಣವು ರಾತ್ರಿ 7.14ರ ವರೆಗೂ ಗೋಚರಿಸುತ್ತದೆ.

ಪೂರ್ವ ಭಾಗದ ಕೆಲವು ಪ್ರದೇಶದಲ್ಲಿ ಗೋಚರಿಸಲಿದ್ದು, ಚಂದ್ರೋದಯವಾದ ಕೂಡಲೇ ಸುಮಾರು 4 ನಿಮಿಷ 43 ಸೆಕೆಂಡ್‌ಗಳ ಕಾಲ ಸಂಪೂರ್ಣ ಚಂದ್ರಗ್ರಹಣ ಕಾಣಿಸಲಿದೆ. ದೇಶದ ಇತರ ಭಾಗಗಳಲ್ಲಿ ಚಂದ್ರಗ್ರಹಣವು ಭಾಗಶಃ ಗೋಚರಿಸುವ ಸಾಧ್ಯತೆ ಇದೆ ಎಂದು ಹೇಳಲಾಗಿದೆ.