ಮಂಗಳೂರು, ಡಿ.10: ವಿಧಾನ ಪರಿಷತ್ ಚುನಾವಣೆಗೆ ನಾಮಪತ್ರ ಸಲ್ಲಿಕೆಗೆ ಬುಧವಾರ ಅಂತಿಮ ದಿನವಾಗಿದ್ದು, ಸ್ಥಳೀಯ ಸಂಸ್ಥೆಗಳಿಂದ ವಿಧಾನ ಪರಿಷತ್‌ಗೆ ನಡೆಯುವ ಚುನಾವಣೆಗೆ ಅವಿಭಜಿತ ದ.ಕ. ಜಿಲ್ಲೆಯ ಕ್ಷೇತ್ರದಿಂದ 14 ಅಭ್ಯರ್ಥಿಗಳು 24 ನಾಮಪತ್ರಗಳನ್ನು ಸಲ್ಲಿಸಿದ್ದಾರೆ. ಸೋಮವಾರ 6 ಅಭ್ಯರ್ಥಿಗಳಿಂದ 11 ನಾಮಪತ್ರಗಳು ಸಲ್ಲಿಕೆಯಾಗಿತ್ತು. ಮಂಗಳವಾರ ಯಾವುದೇ ನಾಮಪತ್ರ ಸಲ್ಲಿಕೆಯಾಗಿರಲಿಲ್ಲ. ಬುಧವಾರ 8 ಅಭ್ಯರ್ಥಿಗಳಿಂದ ಒಟ್ಟು 11 ನಾಮಪತ್ರಗಳು ಸಲ್ಲಿಕೆಯಾಗಿವೆ. ಸೋಮವಾರ ನಾಮಪತ್ರ ಸಲ್ಲಿಸಿದ್ದ ಪ್ರತಾಪ್‌ಚಂದ್ರ ಶೆಟ್ಟಿ ಮತ್ತು ಪ್ರವೀಣ್‌ಚಂದ್ರ ಅವರು ಬುಧವಾರ ಮತ್ತೊಂದು ಸೆಟ್ ನಾಮಪತ್ರಗಳನ್ನು ಸಲ್ಲಿಸಿದರು.
ಇಂದು ಜಿಲ್ಲಾಧಿಕಾರಿ ಕಚೇರಿಯಲ್ಲಿ ನಾಮಪತ್ರಗಳ ಪರಿಷ್ಕರಣೆ ನಡೆಯಿತು. ಅಭ್ಯರ್ಥಿಗಳು, ಜನಪ್ರತಿನಿಧಿಗಳು ಹಾಗೂ ಸಂಬಂಧಪಟ್ಟ ಅಧಿಕಾರಿಗಳು ಈ ಸಂದರ್ಭದಲ್ಲಿ ಉಪಸ್ಥಿತರಿದ್ದರು. ಬಳಿಕ ದಕ್ಷಿಣ ಕನ್ನಡ ಸ್ಥಳೀಯ ಪ್ರಾಧಿಕಾರ ಚುನಾವಣಾ ಕ್ಷೇತ್ರದಿಂದ ರಾಜ್ಯ ವಿಧಾನ ಪರಿಷತ್ ಚುನಾವಣೆಗೆ ಕ್ರಮ ಬದ್ಧವಾಗಿ ನಾಮನಿರ್ದೇಶಿತರಾದ ಉಮೇದುವಾರ ಪಟ್ಟಿಯನ್ನು ಜಿಲ್ಲಾಡಳಿತ ಬಿಡುಗಡೆಗೊಳಿಸಿತ್ತು.
ವಿಧಾನ ಪರಿಷತ್ ಚುನಾವಣೆಗೆ ನಾಮಪತ್ರ ಸಲ್ಲಿಸಿದ 14 ಅಭ್ಯರ್ಥಿಗಳ ವಿವರ.
1. ಎಸ್.ಪ್ರಕಾಶ್ ಶೆಟ್ಟಿ – ಜನತಾದಳ (ಜಾತ್ಯಾತಿತ) / 2. ಕೆ.ಪ್ರತಾಪಚಂದ್ರ ಶೆಟ್ಟಿ – ಭಾರತೀಯ ರಾಷ್ಟ್ರೀಯ ಕಾಂಗ್ರೆಸ್ / 3. ಪ್ರವೀಣ ಚಂದ್ರ – ಜನತಾದಳ (ಜಾತ್ಯಾತಿತ) / 4. ಕೋಟ ಶ್ರೀನಿವಾಸ ಪೂಜಾರಿ – ಭಾರತೀಯ ಜನತಾ ಪಕ್ಷ / 5. ಅಬ್ದುಲ್ ಜಲೀಲ್. ಕೆ – ಪಕ್ಷೇತರ / 6. ಆಲ್ಫೋನ್ ಪ್ರಾಂಕೊ – ಪಕ್ಷೇತರ / 7. ಮು.ಇಕ್ಬಾಲ್ – ಪಕ್ಷೇತರ / 8 ಎ.ಎಂ. ಇಸ್ಮಾಯಿಲ್ – ಪಕ್ಷೇತರ / 9. ಜಯಪ್ರಕಾಶ ಹೆಗ್ಡೆ – ಪಕ್ಷೇತರ / 10. ಭುಜಂಗ ಶೆಟ್ಟಿ- ಪಕ್ಷೇತರ / 11. ಕೆ.ಹರಿಕೃಷ್ಣ ಬಂಟ್ವಾಳ – ಪಕ್ಷೇತರ / 12. ಕೆ.ಹರೀಶ್ ಕುಮಾರ್ – ಪಕ್ಷೇತರ / 13. ಶಂಕರ .ಎ.ಕುಂದರ್ – ಪಕ್ಷೇತರ / 14. ಸಂಜೀವ ಮಟಂದೂರು – ಪಕ್ಷೇತರ.
ನಾಮಪತ್ರ ಹಿಂಪಡೆಯಲು ದಿನಾಂಕ 12/12/2015ರಂದು ಕೊನೆ ದಿನ.
