ನವದೆಹಲಿ: ಟೀಂ ಇಂಡಿಯಾದ ಬೌಲರ್ ಶಿಖರ್ ಧವನ್ ಅವರ ಬೌಲಿಂಗ್ ರೀತಿ ಸರಿಯಲ್ಲ.ಈ ಬಗ್ಗೆ ಆಕ್ಷೇಪವಿದೆ ಎಂಬ ಕೂಗು ಕೇಳಿ ಬಂದಿದೆ. ದಕ್ಷಿಣ ಆಫ್ರಿಕಾ ವಿರುದ್ಧದ ಸರಣಿಯಲ್ಲಿ ಕೊನೆಯ ಟೆಸ್ಟ್ ಪಂದ್ಯದಲ್ಲಿ ಧವನ್ ಬೌಲಿಂಗ್ ಶೈಲಿ ಬಗ್ಗೆ ಸಂಶಯ ವ್ಯಕ್ತ ಪಡಿಸಿ ಮ್ಯಾಚ್ ಅಧಿಕಾರಿಗಳು ಐಸಿಸಿಗೆ ವರದಿ ಸಲ್ಲಿಸಿದ್ದಾರೆ.
14 ದಿನಗಳೊಳಗೆ ಧವನ್‌ರನ್ನು ಬೌಲಿಂಗ್ ಪರಿಶೋಧನೆಗೆ ಒಳಪಡಿಸಲಾಗುವುದು. ಇದರ ನಂತರವೇ ಅವರ ಶೈಲಿ ನಿಯಮ ವಿರುದ್ಧವಾಗಿದೆಯೋ ಇಲ್ಲವೋ ಎಂಬುದರ ಬಗ್ಗೆ ಹೇಳಲಾಗುವುದು.
ಬಲಗೈ ಆಫ್ ಸ್ಪಿನ್ ಬೌಲಿಂಗ್ ಮಾಡುತ್ತಾರೆ ಧವನ್. ನಾಲ್ಕನೇ ಟೆಸ್ಟ್‌ನ ಎರಡನೇ ಇನ್ನಿಂಗ್ಸ್ ನಲ್ಲಿ ಧವನ್ ಬೌಲಿಂಗ್ ಮಾಡಿದ್ದರು. ಮೂರು ಓವರ್‌ಗಳಲ್ಲಿ 1 ಮೇಡನ್ ಸೇರಿದಂತೆ 9 ರನ್‌ಗಳನ್ನು ಧವನ್ ಬಿಟ್ಟು ಕೊಟ್ಟಿದ್ದರು.
