ಮೊಗಾ: ಹಸುವೊಂದು ದಿನಕ್ಕೆ ಎಷ್ಟು ಲೀಟರ್ ಹಾಲು ಕೊಡಲು ಸಾಧ್ಯ? 20,30 ಲೀಟರ್ ಎಂದು ಹೇಳಬಹುದೇನೋ, ಆದರೆ ಪಂಜಾಬ್ನ ಮೊಗಾ ನಿವಾಸಿ ಹರ್ಪ್ರೀತ್ ಸಿಂಗ್ ಹುಂದಾಲ್ ಫಾಮ್ರ್ ನಲ್ಲಿರುವ ಹಸು ದಿನಕ್ಕೆ 66.7 ಲೀಟರ್ ಹಾಲು ನೀಡುತ್ತದೆ. ಈ ಮೂಲಕ ರಾಷ್ಟ್ರೀಯ ದಾಖಲೆಯನ್ನು ಸೃಷ್ಟಿಸಿದೆ. ಈ ಹಿಂದೆ ಪಂಜಾಬ್ನ ಸರ್ದಾರ್ಪುರ ಗ್ರಾಮದ ದಲ್ಜೀತ್ ಸಿಂಗ್ ಅವರ ಹಸು 61.8ಲೀಟರ್ ಹಾಲು ನೀಡುವ ಮೂಲಕ ದಾಖಲೆಯನ್ನು ಸೃಷ್ಟಿಸಿತ್ತು.
ದಿನಕ್ಕೆ 15 ಕೆಜಿ ಹಿಂಡಿ
ಈ ಹಸು ಹೋಲ್ಸ್ಟೀನ್ ಫ್ರಿಸಿಯನ್ ತಳಿಯದ್ದಾಗಿದ್ದು, ದಿನಕ್ಕೆ 15 ಕೆಜಿಯಷ್ಟು ಹಿಂಡಿಯನ್ನು ನೀಡಲಾಗುತ್ತದೆ. ಅಲ್ಲದೆ ಇದರ ಆಹಾರ ಕ್ರಮದ ಬಗ್ಗೆ ನಿಗಾ ಇರಿಸಿರುವುದರಿಂದ ಹೆಚ್ಚು ಹಾಲು ಉತ್ಪಾದನೆ ಸಾಧ್ಯವಾಗುತ್ತಿದೆ ಎಂದು ಹುಂದಾಲ್ ಹೇಳಿದ್ದಾರೆ. ಹುಂದಾಲ್ ಮೊಗಾ ಜಿಲ್ಲೆಯ ನೂರ್ಪುರ್ ಹಾಕಿಮಾ ಗ್ರಾಮದಲ್ಲಿ ಹೈನುಗಾರಿಕೆ ನಡೆಸುತ್ತಿದ್ದು, 140 ಹಸುಗಳಿಂದ ದಿನಕ್ಕೆ 2000 ಲೀ. ಹಾಲು ಉತ್ಪಾದನೆ ನಡೆಸುತ್ತಾರೆ. ಇದು ಇನ್ನೊಂದು ದಾಖಲೆ ನಿರ್ವಿುಸಿದ್ದು, ಇದಕ್ಕಾಗಿ 1.5 ಲಕ್ಷ ರೂ. ಬಹುಮಾನವನ್ನೂ ಪಡೆದಿದ್ದಾರೆ.
