Photography : Uday H K
ದುಬೈ: ದೇವಾಡಿಗಾಸ್ ದುಬೈ ಇದರ ಆಶ್ರಯದಲ್ಲಿ ಝಬೀಲ್ ಪಾರ್ಕ್ ಗೇಟ್ 1ರಲ್ಲಿ ದುಬೈಯಲ್ಲಿರುವ ದೇವಾಡಿಗ ಸಮುದಾಯದ ಕುಟುಂಬದವರಿಗಾಗಿ ಪಿಕ್‌ನಿಕ್ ಆಯೋಜಿಸಲಾಗಿತ್ತು.
ಡಿಸೆಂಬರ್ 18ರಂದು ನಡೆದ ಈ ಪಿಕ್‌ನಿಕ್‌ನಲ್ಲಿ ಭಾಗವಹಿಸಿದ ದೇವಾಡಿಗ ಸಮುದಾಯದ ಬಂಧುಗಳು ಹಾಗೂ ಅವರ ಸ್ನೇಹಿತರು ಇಡೀ ದಿನ ಸಂಭ್ರಮಿಸಿದರು. ಬೆಳಗ್ಗೆ 10:30ರಿಂದ ಸಂಜೆ 5 ಗಂಟೆಯ ವರೆಗೆ ಪಾರ್ಕ್‌ನಲ್ಲಿ ಒಟ್ಟು ಸೇರಿ ವಿವಿಧ ರೀತಿಯ ಸ್ಪರ್ಧೆ, ಮನೋರಂಜನಾ ಕಾರ್ಯಕ್ರಮದಲ್ಲಿ ಭಾಗವಹಿಸಿ, ಸಂತಸವನ್ನು ಹಂಚಿಕೊಂಡರು.
ಆಕ್ಮೆ ಬಿಲ್ಡಿಂಗ್ ಮೆಟೀರಿಯಲ್ಸ್‌ನ ಆಡಳಿತ ನಿರ್ದೇಶಕರು ಹಾಗೂ ದೇವಾಡಿಗಾಸ್ ದುಬೈಯ ಮುಂದಾಳು ಆಗಿರುವ ಹರೀಶ್ ಶೇರಿಗಾರ್, ಪದಾಧಿಕಾರಿಗಳಾದ ದಿನೇಶ್ ದೇವಾಡಿಗ, ಆನಂದ ದೇವಾಡಿಗ, ರಮೇಶ್ ದೇವಾಡಿಗ, ಲಕ್ಷ್ಮಿದಾಸ್ ಸೇರಿದಂತೆ ಹಲವರು ಪಿಕ್‌ನಿಕ್‌ನ ನೇತೃತ್ವವನ್ನು ವಹಿಸಿದ್ದರು.
ಪುರುಷರು, ಮಹಿಳೆಯರು, ಮಕ್ಕಳಿಗೆ ನಾನಾ ರೀತಿಯ ಸ್ಪರ್ಧೆಗಳನ್ನು ಆಯೋಜಿಸಲಾಗಿತ್ತು. ಜೊತೆಗೆ ವಿಜೇತರಿಗೆ ಬಹುಮಾನವನ್ನು ವಿತರಿಸಲಾಯಿತು.
ಬಾರಕೂರಿನಲ್ಲಿ ನಿರ್ಮಾಣವಾಗುತ್ತಿರುವ ಏಕನಾಥೇಶ್ವರ ದೇವಸ್ಥಾನದ ಟ್ರಸ್ಟಿಯೂ ಆಗಿರುವ ಹರೀಶ್ ಶೇರಿಗಾರ್ ಅವರು ಪಿಕ್‌ನಿಕ್‌ನ ಕೊನೆಯಲ್ಲಿ ಮುಂದಿನ ತಿಂಗಳ ಜನವರಿ 21ರಂದು ನಡೆಯಲಿರುವ ದೇವಸ್ಥಾನದ ಶಿಲಾನ್ಯಾಸದ ಕುರಿತು ಮಾತನಾಡಿ, ಕಾರ್ಯಕ್ರಮಕ್ಕೆ ಎಲ್ಲರಿಗೂ ಆಹ್ವಾನವಿತ್ತರು.
